Lucas 20:34 - Kaxinawá Bíblia (BR)

³⁴ Jesusũ hatu kemakĩ: —Na habiatiã beneyai inũ aĩyaĩ mã hiweabuki.

Kashinawa : Diosun Jesúswen taexun yuba bena yiniki

³⁴ Jesúsun jatu kemakin: —Na jabiatian beneyai inun ainyain man jiweabuki.

Lucas 20:34 Referencias Cruzadas

Mateus 12:32

Hamẽ tsuabũra ẽ matũ Hutxi Kayabi Iuwa ea yuãbiaibũ Deusũ hatũ txakabu buashũtiruki. Hakia tsuabũra Deusũ Yushĩ Pepa yuaĩbu hatũ txakabu Deusũ buama xinãnũbarikiki, natiã inũ bari hawẽ heneatianã— iwanã,

Lucas 16:8

deveabu tibi habiaskas hatu wakẽ hawẽ tsumapã hawẽ aka haki txaniaibu unãtã haska nuitapatiruma haskai haibuyai hiweshanai unãtã hawẽ mabu mekenika txakabubia unãnepawẽ taeshũ kẽwãniki. Txanima mabuwẽ kemukĩ inãnãnaĩ hawẽ nuiama unãnepatã Deusunabumã haska wai hiwekĩ habũ Deus nĩkaibu hatu binumisbuki.

Lucas 17:27

Eskanibuki. Hawẽ nunutiwẽ Noé hikiriamakẽ yurabũ pikĩ mabesh aki aĩyãkĩ hatũ bakebu beneyawakĩ Deuskiri hawa xinãma hiwekubainaibu Deusũ yunua Noẽ txibaĩ hawenabubes hawẽ nunuti menetã hikiaya henẽ hatu atxiaya Deusũ yunua nĩkaisbuma hatumebi debui hasai keyunibuki.

Lucas 20:33

Ha haskaniburã, mawabu ana besteaĩbutianã, ha aĩbu bestitxai ha huni setebũ aĩwaniburã, haratutũ kaya ana ha aĩbu bishanimẽkaĩ?— akabu

Efésios 5:31

Haskawẽ taea haska huni inũ hawẽ aĩ yura bestitxai keskatikiri Moisés kenekĩ yuikĩ: “Haskawẽ taea hunĩ hawẽ ibubu dapashkabaĩ hawẽ aĩbe ketashametã ha dabe hiwei ana yura dabema yura bestitxai keskatiki”, hatu waniki.

Hebreus 13:4

Ha inũ, txutanamebaũmisbu inũ beneyabia inũ aĩyãbia txakabui kemumisbu Deusũ hatu unãti watã kupiakeakeshanaiwẽ taea tsuãra ikũwaĩ aĩyãtã betsawẽ ana kemuama ha besti uĩ haska mã abunamerabeai mekei habe hiwekubaĩkãwẽ. Beneyatãri betsawẽ ana kemuamari ha besti uĩ haska mã abunamerabeai mekei habe hiweriakubaĩkãwẽ.