Lucas 16:24 - Kaxinawá Bíblia (BR)

²⁴ sai ikĩ yuikĩ: “Epa Abraãoneẽ, ewẽ nuiwe. Txi here anua ẽ yumaiĩ. Ũpash metsabirã hau ẽ hana ea matsi wayunũ Lázaro ea yunushũwẽ”, aka

Kashinawa : Diosun Jesúswen taexun yuba bena yiniki

²⁴ sai ikin yuikin: “Epa Abrahamneen, ewen nuiwe. Chi jede anua en yumaiin. Unpax metsabidan jau en jana ea matsi wayunun Lázaro ea yunuxunwen”, aka

Lucas 16:24 Referencias Cruzadas

Mateus 25:41

hanushũ hawẽ yusmauriabu mapuaburi yuikĩ: “Matu mã txakabuburã, mã enabumaki. Turi burikãwẽ. Haskawẽ taea matunamabia hanu txi nukaisma anu diabo Satanás inũ hawẽ nai tsuma txakabubube yumãkĩ tenekubaĩshanaibu anu maturi burikãwẽ.

Mateus 3:9

Hamẽ matũmebi ibubis kẽkĩ mã xinãmis: ‘Nukũ shenipabu Abraão Deusbe haibunameniwẽ taea nũ hawẽ bababu nuku kupiama ishanikiki’, ikĩ, ana xinãyamakãwẽ. Hakia Abraãonẽ bababu dasibi matu yamawakĩ keyutã na mixki manibauna Deusũ damiwakĩ Abraãonẽ bababu benawashũtiruki.

Mateus 5:22

Hawẽ hãtxa ikũki. Ana habiasri matu yusĩnũ nĩkakãwẽ. Tsuara yura betsaki sinatakĩ detekatsi ikĩ mã xinãkubainaiwẽ taeshũ Deusũ matu kupishanikiki, matũ xinã txakabuwenã. Ha inũ, tsuara yura betsaki sinatakĩ itxakĩ: “Mĩ unaĩsmapaki”, ikubaĩmisbu hau shanẽ ibubũ kupishanũbũwẽ. Hamẽ ana yura betsaki sinatatxakayamakĩ txitekĩ: “Mĩ hawa unãmahairaki”, ikubaĩmisbu txi hawa nukaisma anu Deusũ urẽkatsi manakubainikiki.

Lucas 16:30

mabuhairayaimatũ yuikĩ: “Epa Abraãoneẽ, ikũki. Enabu Deusũ hãtxa hayabia tapĩsbumaki. Hakia huni mawa ana bestẽkaĩ hatuki txania hatũ xinã betsa watirubuki”, aka

Lucas 19:9

Jesusũ yuikĩ: —Earã, matũ Hutxi Kayabi Iuwatũ huni txakabu benua keska benabaũkĩ merabewanũ ika ẽ huniki. Na habiatiã na hiwe anu matũ mekenã ma matu anu hikishuki. Haskawẽ taea mĩ xinã betsa waya Deusũ minabube mia mekekubaĩshanikiki. Haska Abraãonẽ ikũwãpauni keskakĩ ikũwaĩ mĩ ma Abraãonẽ baba kayabiki— akaya

João 4:10

Jesusũ yuikĩ: —Hawara Deusũ mia inãkatsi ikai inũ tsuãra mia ũpash yukai unãkĩ mĩ ea yuka ũpash netsuisma ẽ mia inãkeãshuki— aka

João 4:14

—Hakia tsuabũra ũpash ẽ inaĩ atanã, ana tetsusini manuama ishãkanikiki. Habu tibi merã txatxa ũpash netsuisma keskatũ hatu hiwekuĩmashanikiki, ikibi imakinã— aka

João 7:37

Nawai keyui hawẽ henei ma shaba dabe inũ besti kaya nawai besi bexiã ma kakatsi keyui dasibi itxahairabũ Jesus benikawã hãtxa kuxipawẽ hatu yuikĩ: —Ũpash manuhairai mã tetsusinairã, eanu beshũ aki bekãwẽ, ea ikũwãkinã.

Romanos 4:12

Haska inũ, haska Abraãonẽ hawẽ hina kubitxi meshteriama Deus ikũwãkubaini keska wakĩ judeubu inũ judeubuma haratubũra Deus ikũwaĩbuwẽ taea ha ini keskabu habu dikabi hatũ shenipabuki.

Santiago 2:13

Deusũ nuku eska washanikiki. Matu yuinũ nĩkakãwẽ. Tsuabura nũ hatuwẽ nuisbuma Deusũri nuku unãti wai nuiama ishanikiki. Hamẽ tsuabura nũ hatuwẽ nuikubaĩmisburã, hanu kupikĩ unãti waitiã hawa nuku itxakawama hatu binumakĩ nuku pasha wakĩ binumashanikiki.

Santiago 3:6

Nukũ hãtxarã, txi keskariki. Haska keskawẽ tsukira xinãtxaka pixtakĩ nũ shetxakai hãtxairã, nũ ha hatu dabãmakĩ nuitapa watiruki. Hamapai hãtxa txakabu nũ yuiairã, paeki. Haska xinaĩ nũ hãtxamiswenã, ibubis nukũ hiwea bai menukĩ itsa wakĩ nũ benumiski. Satanás txi anu kashanaitũ hatũ matu xinãmamiski, matũ hiwea pe kainai nakumakĩ txakabu wamakinã.

Apocalipse 19:20

ha parã hãtxa yuishunikatũ yuinaka mesẽ besuuri atimaska betsa betsapa tsuã atiruma wakĩ habu yuinaka mese atimapahairatũ kena habu hẽ iyamama inũ hawẽ dami kẽwãmisbu hatu parãmiswẽ taeshũ parã hãtxa yuishunika Shanẽ Ibu binuatũ tsumabũ atxikĩ yuinaka mese atimapahaira habe atxitã nĩkaibu hanu iã enxofre paxinipa menui here hi hi ikai anu ha dabe hatu putabu

Apocalipse 20:15

tsuabũra Deus txibãkĩ Jesus ikũwãbuma habũ kena Deusũ haki kenemis una anu habũ kena hayama ha iã hanu menui here hi hi ikai anu ma hatu puta keyuabuki.

Apocalipse 22:1

Hanushũ shanẽ ibu haki tsauti Deus inũ txashuwã bake haki tsauwabu anua hene hiwekuĩa haya kawana beshnã pehaira bishtu keska nai tsumã ea uĩmashuki.

1 Samuel 28:16

kemakĩ Samuelĩ yuikĩ: —Ma miki sinatakĩ Senhor Deusũ mia ma henebiaimakẽ mĩ haskakĩ hamẽ ea yukai?