Lucas 14:21 - Kaxinawá Bíblia (BR)

²¹ nĩkatani txĩtũkirã hawẽ shanẽ ibu haskakãshu dasibi yuia sinatakĩ ana hawẽ tsuma yunukĩ: “Nukũ mae anu hiweabu bai hatiubuma inũ bai ewapabuwẽ benabaũkĩ nuitapaibu inũ, yura babunibu inũ, nia txakabubu inũ, bekũbu hatu itãwẽ, hau ebetã pi benũbunã”, aka

Kashinawa : Diosun Jesúswen taexun yuba bena yiniki

²¹ ninkatani chintunkidan jawen xanen ibu jaskakanxu dasibi yuia sinatakin ana jawen tsuma yunukin: “Nukun mae anu jiweabu bai jatiubuma inun bai ewapabuwen benabaunkin nuitapaibu inun, yuda babunibu inun, nia chakabubu inun, bekunbu jatu itanwen, jau ebetan pi benunbunan”, aka

Lucas 14:21 Referencias Cruzadas

Salmos 2:12

Ha inũ, hawẽ bake kẽwãkĩ pepawakubaĩkãwẽ, mã nĩkamawẽ taea hawaira matuki sinataya hau bai namakishũ matu tenãyamanunã. Hamẽ tsuabũra Deusũ Katua betxipaikĩ mekemakubaĩmisburã, habu besti benimakubaĩmisbuki.

Isaías 35:6

Mestẽtiya tiri iki mapuabu txashu ishtxumisbu keskai bĩtu bĩtu itã titi ishãkanikiki. Huyubu hãtxa pesei sai sai ishãkanikiki. Hanu tsua hiweabuma anu mai tsusĩ anua hene tuebaini pashkukaini kushibaĩshanikiki.

Mateus 11:28

Tsuabũra shãkama ia inũ dayatxakayamai keskai mã punu nukaburã, ẽ matu huĩrukũmakĩ merabewanũ eanu bekãwẽ.

Mateus 11:5

Bekũ inũ beshushbũ uĩaĩbu inũ, haska mapuisbuma mapuaibu inũ, habu bitxiki dasibi txami betsaniki dakemisbu maĩ sakara iki keyuaibu inũ, patabũ nĩkakĩ keyuaibu inũ, mawa ana besteaĩbu inũ, habu nuitapaibũ hatũ pashati kakape nĩkatã benimaiburã, haska João yuitãkãwẽ.

Mateus 15:12

hanua nũ hawẽ tsumabũ xinãbirã Jesus dapi nitã nemakĩ: —Ha fariseubu mĩ hatu yusĩaĩ nĩkatã mia nĩkama miki sinataiburã, mĩ uĩyamamẽ?— nũ wa

Mateus 18:31

Haska wai hawẽ shanẽ ibũ tsuma betsabũ uĩ hawẽ nuihairakaĩ hatũ shanẽ ibu anu bushũ ha hunĩ haska washu dasibi yuiabu

Mateus 20:7

habũri yuikĩ: “Tsuã nuku hawa yunuama nũ ikaii”, akabu bai ibuã hatu yunukĩ: “Maturi ẽ bai anu kashũ ẽ bimi ea tsekashũtãkãwẽ, ma bari hikiaya ẽ matu paka pewairã”, hatu wa buabũ

Lucas 14:13

Hakia nuitapaibu hatu ishũ pimakĩ hawaumabu inũ yura babunibu inũ, pakebu inũ, bekũbu merabewakĩ mĩ hatu duawaya

Lucas 14:20

hanushũ betsãri yuikĩ: “Ẽ dama aĩyãshuki. Haskawẽ taea ẽ yurãwãyuai ea yuishũyutãwẽ”, aka

Lucas 14:22

kashũ hatu itãkĩ hawẽ shanẽ ibu yuikĩ: “Mĩ ea yunua ẽ abiashu mĩ nawati dĩtu merã itxai teshke iriabumaki. Haska wapa?” aka

Lucas 14:24

Txanima habu dukũ ẽ yubaxinabũ ẽ piti piabumaki”, akĩ hawẽ tsuma yuiniki. Deus shanẽ ibunũ bariaitianã, Deusũ habiaskari washanikiki— akĩ Jesusũ hatu yusĩnikiaki.

Lucas 24:47

Haskawẽ taeshũ hawẽ kuxipawẽ hatu yusĩshãkanikiki, hau hatũ txakabu Deuskiri txakabumisbu hau henetã habũ xinã betsa waibu Deusũ buashũshanikiki. Nawa shukua tibi nĩkashanaibu yuini matũ Jerusalém anushũ taewakĩ

Lucas 9:10

Hanua hawẽ 12 kuxipayabũ Jesus anu txĩtũbirã haska waxinabu Jesuski txani meneabũ Jesusũ hawẽ tsumabu hanu tsua hiweabuma Betsaida dapi anu hatu iyuaya

João 9:39

Jesusũ ana yuikĩ: —Deusũ hatu unãti waiwẽ taea yurabube ẽ hiwekũkainaii. Tsuabũra uĩsbumã bepesheshũ hau uĩshanũbũ inũ natiã tsuabũra xinãkĩ uĩbiai bekũ keska hau ishanũbũ ẽ huniki— ikai

Hebreus 13:17

Ha inũ, matu yusĩkĩ mekekubainaibu hatũ yusĩa nĩkatã hatuki txiti ikĩ txibãkubaĩkãwẽ. Haska matu putama hawa huĩrukuãma mekekubaĩmisbu habiaskari Deusũ unãkĩ hatu manakumiski. Ha inũ, hatũ daya itimaska wama nĩkahairakĩ mã hatu benimawakubaĩtirubuki. Hakia nĩkama mã hatu itimaska wakĩ mã hawa tapĩkĩ pewai kaĩtirubumaki.

Hebreus 2:3

Uĩwẽ. Ha dukũ nukũ Shanẽ Ibũ hamebi hawẽ pashati hakiri ibubis bebũkiri txani taeniki. Hanushũ nuku yubakĩ tsuabũra hakiri nĩkai txanima Deusũ hãtxa nũ unãkubainibuki. Nukuburã, hawẽ pashati ewapa txanima hubianikẽ mekei peama hiwe kayabikatsi ikamarã, haskatã ibubis nũ pashatirubumaki.

Santiago 2:5

Ẽ betsabu inũ ẽ puibuũ, matuwẽ nuikĩ ẽ matu abuai ẽ hãtxa nĩkairakãwẽ. Na mai anua tsuabura nuitapaibu Deusũ katua habũ Deus ikũwã kayabiaibu pepakanikiki. Hanua txipu haska hiwekũkainaiwẽ taeshũ niti akama nai anu habe hiwemashanai Deus yubakanishũ danãma hatu abumisshũ hatu manakushanikiki, nai anu hatu hiwemakinã.

Apocalipse 19:15

Ha Shanẽ Ibu kairã, shanẽ ibu yununika mane kuxatia inũ hawẽ hashpa anu nupe txaipa kenuhaira kaĩa tukũwã hawẽ habũ Deus nĩkaisbuma mai hirabi anuabube hatube detenamei kairã, haskawẽ taea ha Shanẽ Ibu kayabistũ hamebi ha hatuki Deus sinatai hatu uĩmakĩ haska uva vinho tsinikĩ pema pema amisbu keska wakĩ Deus kuxipa binu keyuatũ hawẽ pubẽ pae hatu memai kaikiki.

Apocalipse 22:17

hanua nũ Txashuwanẽ aĩnẽ habũ nũ ikũwaĩbunã, Yushĩ Pepabetã Jesus yuikĩ: “Huriwe!” nũ ikaya tsuabũra nuku nĩkakĩ: “Hau hurinũwẽ!” hau irianũbũwẽ. Ha inũ, tsuabura ũpash manui keskakĩ Deus benakĩ Jesus txibãkatsis ikĩ hau ikũwanũbũwẽ. Haska watã hawẽ ũpash hiwemati haya hau aki benũbũwẽ, hawa pakamarã.

1 Samuel 2:8

Deusũ mai hirabi dami wakĩ haki maputi wanirã, hawenaki. Haska wakĩ dami washũ haki dasibi yunukĩ mapũbauniki. Haska dami wani hawẽ kushipawẽ taeshũ mai anu mania nuitapai hawauma hiweabu merabewakĩ hatu benimiski. Ha dikabi txaka putati anua pei ea imisbu merabewakĩ hatu kenatã shanẽ ibubube hatu tsaũtã hau yurabũ hatu kẽwanũbũ Senhor Deusũ hatu haska wamiski.