Lucas 10:21 - Kaxinawá Bíblia (BR)

²¹ hanushũ Deusũ Yushĩ Pepatũ Jesus benimawakĩ xinã txãkãwã Jesusũ kẽwãkĩ yuikĩ: —Epaã, nai inũ mai hirabi minaski. Mĩ duapa hãtxa ha unãnepai kẽmisbu mĩ hatu unãmama habu keĩsbuma besti mĩ hatu unãmakubainaiwẽ taeshũ ẽ mia kẽwaiĩ— atã

Kashinawa : Diosun Jesúswen taexun yuba bena yiniki

²¹ januxun Diosun Yushin Pepatun Jesús benimawakin shinan chankanwan Jesúsun kenwankin yuikin: —Epaan, nai inun mai jidabi minaski. Min duapa jancha ja unanepai kenmisbu min jatu unanmama jabu keinsbuma besti min jatu unanmakubainaiwen taexun en mia kenwaiin— atan

Lucas 10:21 Referencias Cruzadas

Salmos 24:1

Senhor Deusũnã, haki hanakatsi mestẽwãkĩ teawakinã, hene itxawakĩ ianẽwãri pewashũ dasibi mai hirabi haki hananiki, hau haska ikũkainũ yunukinã. Haskawẽ taea Senhor Deusrã, mai hirabi hawenaski. dasibi haki haya inũ dasibi hawẽ hiwebaunaburã.

Salmos 8:2

Bakebu inũ bakeishtahaira txutxu akaibũ mia kẽwãkĩ pashati hiwe keska waibu nĩkatã mia haska waibu betxipaiama habu miki sinatamisbuwẽ taeshũ ha txakabubu inũ nĩkaisbuma mĩ kushipahairawẽ mĩ hatu dakewama harakiri yuitima ishãkanikiki.

Isaías 35:8

Habianuri kapuketi bai betsa hawẽ kena kenakinã, “Bai Meribi Deusunaki”, ashãkanikiki. Tsuabũra hatũ txakabu pewai txukisbuma ha baiwẽ butirubumaki. Nĩkaisbumari hanu mapui hawẽ kapuketirubumariki.

Isaías 53:11

Huĩti shurushũ bika tenekubaĩkĩ atimas maematã bestẽtã shaba uĩ hawẽ benimai shinã txãkãshanikiki. Yura itxapabũ txakabu mariastũ hatu teneshũkĩ Senhor Deusũ tsuma kaneismatũ hatũ kupiti bishũkĩ hatu putamashanikiki.

Isaías 66:1

Hanushũ Senhor Deusũ ana hatu yuikĩ: “Nai anurã, hanu shanẽ ibui ẽ tsaumiski. Hamẽ maikirã, ẽ tae ẽ hanu kẽyãmiski. Ea hanu huĩrukũmanũ ishũ hani tsuã ea duawakĩ shaba betsa anu ea hiwe washũtirumẽ? Tsuã atirumaki.

Mateus 16:17

Jesusũ yuikĩ: —Simão Barjonasĩ bakeẽ, ẽ hakẽ huni betsã mia yuiamabia ẽ Epa nai anuatũ mia unãmakĩ mia duawaikiki. Benimariwe.

Mateus 21:16

Jesus yukakĩ: —Mia haska waiburã, mĩ nĩkai?— akabu Jesusũ hatu yuikĩ: —Haa. Habia ẽ nĩkaii. Deusũ hãtxa yuishunikabũ haska ekiri keneniburã, mã uĩriamamẽ? Salmoskiri matu yuinũ nĩkakãwẽ: ‘Mĩ pepahairawẽ taeshũ bake mixtĩbu inũ txutxu akaibũ mia kẽwãshãkanikiki’, aka matu keneshuniki— hatu watã

Mateus 3:7

hanua Joãonẽ hau ea naximanũ ika saduceubu inũ fariseubu bebirã bebiranaibu hatu yuikĩ: “Maturã mã paranãbuki, dunũ hatu pimis keskaburã. Mã haska keska matuki Deus sinatakĩ matu kupihairashanaiwẽ taea matũ xinã betsa wakãwẽ. Haskatã matũ txakabu mã ma beshtekea shabakabi mã ea uĩmaya ẽ matu naximashanaii.

Lucas 15:5

Atimas ha benua betxituxitã benimakĩ iabirani

Lucas 15:9

Hanua atimas betxitã hawẽ haibuaibu inũ ha dapi hiweabu hatu kenakĩ itxawashũ yuikĩ: “Ẽ pei heshe ẽ benuxina ẽ betxishuwẽ taea ebe benimahairarikãwẽ”, akĩ mã hatu yuimiski.

João 11:41

hanushũ mixki ewapawẽ bepuxinabu bepẽshunabu Jesusũ uĩtã naiuri teskãshũ yuikĩ: —Epaã, mĩ ea nĩkaiwẽ taeshũ ẽ mia pepawaii.

2 Coríntios 4:3

Cristokiri nũ hatu yusĩaĩ ha hãtxa tsuãra nĩkamarã, hãtxa bepukuaki. Habu hatũ txakabuwẽ benushanaibũ nĩkatirubumaki.

Efésios 1:11

Haska wanũbarikatsi Deusũ bebũkiri Cristowẽ nũ judeubu dukũ nuku katuniki, haska Deusũ hamebi xinaĩ keskawẽ nuku duawaya nũ hawenabu ipakeshanũbunã.

Efésios 1:5

nuku mebikinãshũ hawenabu nuku washanũ, iwanã, bebũkiri Jesus Cristowẽ hawẽ bakebu nuku wakatsi hawẽ duapawẽ nuku katuniki, hawẽ xinã nuku inã nũ ikũwãshanũbunã.