Lucas 10:2 - Kaxinawá Bíblia (BR)

² hatu yuikĩ: —Ẽ tsumabũ ẽ hãtxa ikũwãkĩ txibãmisbũ hatu yusĩakeakebaunaibũ itxapabũ ea ikũwãshãkanikiki. Haskakẽ ikũ Deusũ bai anu mibã mirima ma huxĩ keyui keska dakaki. Hakia hawẽ dayakapabu eskarabeswẽ taeshũ ana dayakapabu itxapa hau yununũ bai ibu Deus ana yukakãwẽ, hawẽ yunu tsekakĩ itxawashunai keska wakĩ yurabu hau hawẽ hãtxa hatu yusĩbaunũbunã.

Kashinawa : Diosun Jesúswen taexun yuba bena yiniki

² jatu yuikin: —En tsumabun en jancha ikunwankin chibanmisbun jatu yusian akeakebaunaibun ichapabun ea ikunwanxankanikiki. Jaskaken chanima Diosun bai anu miban midima ma jushin keyui keska dakaki. Jakia jawen dayakapabu eskadabeswen taexun ana dayakapabu ichapa jau yununun bai ibu Dios ana yukakanwen, jawen yunu tsekakin ichawaxunai keska wakin yudabu jau jawen jancha jatu yusinbaununbunan.

Lucas 10:2 Referencias Cruzadas

1 Reis 18:22

Eliasĩ ana hatu yuikĩ: —Senhor Deusũ hãtxa yuishunika ea besti bashikuima ẽ hiweaki. Hakia 450 Baalĩ hãtxa yuishunikabu hiweabu ha mapukana.

Números 11:17

Uiaĩbu bututã ẽ mibe hãtxai kaii. Hau habuã mia merabewakĩ ha yubabu mibetã hau mekekubaĩshanũbũ ẽ yushĩ mĩ hayarã, pashkashũ hatu tibi ẽ inãbaũshanaii, mawaira ana mimesti bika teneama hatube mĩ merabenãshanunã, minabu hatu merabewakĩ iyuirã.

Números 11:29

hakia Moisĩ Josué kemakĩ yuikĩ: —Haskakĩ mĩ ea yaushimai, hatu nemakatsis ikinã? Ẽ shinanã, hawenabu dasibi hawẽ hãtxa yuishunika wakĩ Senhor Deusũ hawẽ Yushĩ hau hatu atximakĩ keyunũwẽ— atã

Mateus 20:1

ana nuku yuikĩ: —Deus shanẽ ibui haskamiskiri ana matu yusĩnũ nĩkakãwẽ. Deus shanẽ ibuirã, bai ibuã dayakapabu katutã hatu yunupakemis keskaki. Penai taeaya hawẽ bai anu hau uva tsekashũtanũbũ dayakapabu katushũ

Marcos 13:34

Haska inũ, huni txai kakĩ hawẽ tsumabu hawẽ daya tibi hawẽ hiwe anu yunuakeaketã hiwe beputi keshemis yunutã bumisbu keska wakĩ ẽ matu yunubaĩkĩ akawaii.

Marcos 16:15

hatu yunukĩ: —Mai hirabi anu bukĩ Deusũ kakape ekiri dasibibu hatu yusĩkubaĩshãkãwẽ.

Marcos 16:20

hanua Jesusũ tsumabu kaĩbaini bukĩ mae tibi anu yusĩkubaunaibũ nukũ Shanẽ Ibu Jesusũ hatu merabewakĩ hawẽ kuxipawẽ hawara unãti dami atimaska ikũ hatu uĩmakubainibukiaki. Marcos

Lucas 9:1

Hanushũ Jesusũ hawẽ 12 tsumabu kenashũ hatu itxawatã yushĩ txakabu betsa betsapa kaĩmati kuxipa inũ isĩ teneaibu hawẽ shushawati kuxipa hatu inãtã

Hechos 11:19

Ha shabatiã Estêvão tenãtã habiatiãri dasibi Jesus ikũwaĩburi hatu itxakawai berukubaunaibuwẽ taea datei Fenícia mai pakea anu inũ, Chipre natukã anu inũ, Antioquia mae ewapanu pashai buimashũ judeubuma yusĩama hatunabu judeubu besti Jesuskiri kakape hatu yusĩaĩbũ

Hechos 13:2

Hanua ana shaba betsatiã habu itxatã samakekĩ Deus kẽwaĩbũ Deusũ Yushĩ Pepatũ hatu yuikĩ: —Barnabé inũ Saulo daya betsa ma ẽ hatu kenani ẽ hatu yunukatsis ikaya hau dayatanũbũ meribi hatu nitxĩkãwẽ— hatu wa

Hechos 13:4

hanushũ Deusũ Yushĩ Pepatũ Barnabé inũ Saulo Antioquia anua nitxĩkĩ yunua hatũ merabewanika João Marcos iyui iãnẽwã maikiri kesha anu mae betsa Selêucia anu hikitã natukã ewapa hawẽ kena Chipre anu kakatsi pakatã niwe shashu ewapawẽ inatã besusi pukei kai

Hechos 20:28

Haskakẽ ibubis mekekĩ Deusũ Yushĩ Pepatũ matu katua merabewakĩ ikũwaĩbu mekekubaĩshãkãwẽ. Deusunabu hatu wakatsi ikĩ hawẽ bake yunua mawashũkĩ hawẽ himiwẽ hawenawakĩ meribi hatu wani hatu putama hatu uĩrashũshãkãwẽ.

Hechos 22:21

ẽ Shanẽ Ibũ ea nemakĩ: “Txaihaira yurabu betsa betsapa judeubuma anu ẽ mia yunuaii. Hari karitãshãwẽ!” ea waniki— hatu wai

Hechos 8:4

Hanua habu Jerusalém anua pashai kaĩbainimashũ hanira mae tibi anu hikishũ Deusũ Messias Cristo mekenã hawẽ kakapekiri hatu yuikubainaibũ

1 Coríntios 12:28

Haska tibi nũ hayanũbũ Deusũ haska abukĩ hawẽ daya tibi nuku yunukĩ ha dukũ Jesusũ kuxipayabu wakĩ ha katxu Deusũ hãtxa kakape yuishunikabu wakĩ ha katxu yusĩkĩ tapĩmanikabu wakĩ hanua ikũwaĩ betsabu habũ tsuã atiruma dami wanikabu inũ, habũ isĩ teneaibu shushawanikabu inũ, habũ merabewanikabu inũ, shanẽ ibu keska wakĩ yununikabu wakĩ hanushũ hãtxa betsa tapĩriamawẽ hãtxatirubu wakĩ haska tibi nuku yunuakeakeniki.

1 Coríntios 15:10

Earã, txanima ẽ hawẽ tsuma kuxipaya betsaki. Haska ea wakatsi Deusũ ea duawakĩ ea katunishũ hamẽ ea katuama hawẽ daya akĩ Jesusũ kuxipaya betsa dasibibu ẽ hatu binumakubainaii. Hakia emebi dayama Deusũ ea duawakĩ ea merabewaya ẽ dayashũkũkainaii.

2 Coríntios 6:1

Ha dikabi yura tibi Deusũ yuikĩ: “Ẽ tsuara nĩkakatsis ikaya mĩ ea kenaya mĩ hãtxa nĩkatã ha shaba ikaitiã ẽ mia mekekĩ merabewashanaii”, ikaya nĩkatã Isaíasĩ keneniki. Haska shabakabi ẽ matu xinãmai nĩkakãwẽ. Natianã, Deusũ matu nĩkakatsis ikikiki. Ha inũ, natiã matu mekekatsis iriaikiki. Haskakẽ mã Deusbe dayakĩ ashũmis matu yununũ nĩkakãwẽ. Hamẽmẽs Deusbe haibunamei beparameama ikũ kayabi Deusũ hawẽ pepa ma matu uĩmaki. Danãyamakãwẽ. Haskawẽ taea nukurã, nũ Deusũ daya ashũkĩ merabewai dayashunikabuki.

Filipenses 2:21

Ha betsabũ Jesus txibãbiai hatunas bestiwẽ nuikĩ xinãkanikiki, haska Jesus Cristõ abuai keska akamarã.

Filipenses 2:25

Ha dikabi ha dabe ẽ hatukiri xinaĩnã, nukubetã ikũwaĩ Epafroditõ hau ea merabewanũ mã eanu nitxĩma ea merabewai ebe dayai bika tenekũkainai Cristokiri kakape yusĩmis ana matu anu ẽ nitxĩyukatsis ikaii.

Filipenses 2:30

Tsuã mã ea haska watirubumahairabiakẽ Epafrodito ewẽ taea hawẽ hiwea yauxiama mesebiakẽ Cristo dayashunaiwẽ taea ea merabewai huima isĩ paepa bitã mawakĩ txanima nuku shunũkeanimaki.

Colosenses 1:29

Na haska matukiri dayairã, Cristõ hawẽ kuxipa ea inãni ẽ hawẽ dayatxakayamashũmiski.

Colosenses 4:12

Haska inũ, Jesus Cristõ tsuma betsa nukũ haibu Epafras matube hiwemisrã, matuwẽ nuikĩ matukiri xinãkĩ Deus matu yukashũkĩ heneama ikũkanikiki, hau txakabuuma mã hiweshũ mestẽtã haska Deusũ abuai dasibi haska xinaĩ keska mã ashuĩ hiwekubainũbũ matukiri xinaĩnã.

1 Tesalonicenses 2:9

Ẽ betsabu inũ ẽ puibuũ, Deusũ kakape matu yusĩ kashũ matũ piti pikĩ matu bika wakĩ nũ matu txikix wakatsi ikama bariri inũ mexu merã dayahairai yumãkĩ nukũ dayawẽ taeshũ nukũ piti nũ bikubainima mã unaiĩ.

1 Tesalonicenses 5:12

Ẽ betsabu inũ ẽ puibuũ, matu merabewanikabũ matu merabewakĩ nukũ Shanẽ Ibũ daya akĩ haska mã kaneaibu matu pewakĩ yusĩaĩbu hatukiri petxiama hatu xinãkĩ abukĩ duawariakubaĩkãwẽ, hatũ daya pepawẽ taeshunã. Ha inũ, matubetã ikũwaĩbube unãnuma hiwekubaĩkãwẽ.

2 Tesalonicenses 3:1

Ẽ betsabu inũ ẽ puibuũ, nũ ma matu kene keyushunai uĩrakãwẽ. Jesuskiri kakape nĩkashũ mã xinã betsa waima keska wakĩ nãta manibaunabũri habũri Jesuskiri kakape nĩkatã hau hawaira xinã betsa watã Deus kẽwãrianũbũ nũ hatu yusĩkubaunaya Deusbe hãtxakĩ kuxipa nuku yukashũkubaĩkãwẽ.

1 Timóteo 4:10

Haskawẽ taea dayakĩ Deus hiweatũ yura betsa betsapabu merabewakatsis ibiaya tsuabũra hawẽ bake Jesus Cristo ikũwaĩbu besti hatu mekekubaĩshanaiwẽ taea nũ habe hiweshanai manakakĩ habias hawẽ hãtxa nũ yusĩayã nuku itxakawabiabu hatu ikũwãmanũ ika nũ dayakũkainaii.

2 Timóteo 4:5

Hamẽ mia ikirã, dasibi mĩ xinãnẽ mekei pekĩ bika tenebiai Jesus Cristokiri kakape datã akĩ hatu yuikĩ daya pepa ẽ mia yunubainai xinã betsa wama hatu yusĩkubaĩshãwẽ.

Filemom 1:1

Ẽ Paulo Jesus Cristokiri kakape ẽ yusĩbaunai ea nemakĩ beshtenũ ishũ ea bitxikĩ akawanibu inũ nukũ betsa Timóteobetã mĩ nukube dayamis nukũ haibu pepa Filemoom, ẽ mia keneshũ bumaii,

Hebreus 3:6

Hakia Cristorã, txanima hawẽ bake kayabitũ Deusunabu mekei Deusbe hatu hãtxashuni kaneismaki. Haskakẽ Cristo ikũwãkĩ txibãkĩ xinã betsa wama nũ mestẽtã benimakĩ nũ manaibu Jesusũ nuku benubainama ishanikiki.

Apocalipse 2:1

ana Jesusũ ea yuikĩ: “Ha mae anu hatũ Deusũ hãtxa yuishunika Éfeso anua itxamisbu mekea na hãtxa ẽ mia yuiai keneshũriwe: ‘Ha sete bixi ẽ mekẽ yusiuri ẽ tsuma inũ haki bĩ tsaũti sete ouro mane txãkã daka namakis anu ẽ nimistũ na hãtxa ẽ matu yuiai nĩkairakãwẽ.