Juízes 6:36 - Kaxinawá Bíblia (BR)

³⁶ hanushũ Deuskiri shinãbiai date duakabikĩ Gideãonẽ Deus yuikĩ: —Haska mĩ ea txanima yunukĩ Israelĩ enabu merabewamakĩ mekemaimẽkaĩ mĩ ea yunushina keska akatsi

Juízes 6:36 Referencias Cruzadas

Gênesis 15:8

—Senhor Deusuũ, na mai ẽ ibu washanairã, mĩ ea hawawẽ unãti wamakĩ mestẽwãmai ẽ hawẽ unanunã?— aka

Isaías 7:11

“Mĩ Senhor Deusũ hau haska tsuã atiruma mia ashunũ hawẽ unãmati hawara yukawe, na mai bemakia kasmai, mai uke merãhaira mai meranua kasmai, manaũrihaira nai anuarã”, aka

Isaías 7:14

Mĩ haska shinãbiaya Senhor Deus kayabitũ hawẽ unãmati hatũ matu uĩmashanikiki. Txipash tsuã txutariama anua huni bake nanetã kaĩshanikiki. Ibuã hawẽ kena kenakinã, Emanuel washanikiki.

Mateus 16:1

Ana betsatiã fariseubu inũ saduceubu beshũ Jesus unãti wanũ, ikĩ parãkĩ yukakĩ: —Deus anua hawẽ unãti dami nuku ashũwẽ, mĩ hawẽ kuxipa haya nũ uĩnunã— akabu

Juízes 6:14

beiskĩ Senhor Deusũ yuikĩ: —Minabu Israelĩ enabu merabewakĩ Midiã nawabũ kushipa mebĩkĩ haska mĩ kushipa hayawẽ hatu merabewariwe, eã ẽ mia yunukĩ nitxiaĩwẽ taeshunã— aka

Juízes 6:16

Senhor Deusũ ana kemakĩ yuikĩ: —Ẽ mia merabewakubainaiwẽ taeshũ huni bestitxai maema keska wakĩ Midiã nawabu dasibi mĩ hatu maemashanaii, matũ maiwã pakea anua hatu nitxĩkinã— aka

Juízes 6:37

ha dukũ ẽ mia unãti waii. Mananãshũ hanushũ shekiwã katamisbu anushũ txashuwã bitxi daniya ma bari kaya ẽ dataĩ kaii. Hanushũ penama kashũ nibiwẽ hawẽ dani besti metxakẽ hanua mai metxama uĩtã mĩ ea Midiã nawabu maemamakĩ Israelĩ enabu mĩ ea hatu mekemashanai haska mĩ ea yuishina ẽ ikũwãshanaii— aka

1 Samuel 14:10

Hakia habũ ana nuku yuikĩ: “Nuku anu mapekekãwẽ”, nuku akaibuwẽ taeshũ Senhor Deusũ nuku merabewaya nũ hatu maematiru unãtã hatu detenũ ika samama nũ hatu anu mapekekaĩtiruki— aka