Juízes 6:31 - Kaxinawá Bíblia (BR)

³¹ hakia bea mapubaunabu nemakĩ Joásĩ hatu yuikĩ: —Yushibu Baal yaushi mã detenameshuniyuamẽ? Mã merabewai daka ikai? Ha Baal txanima Deuskẽ tsuabũra Baal detenameshunairã, penariama ibubis tenãmeikiki. Baal haska Deusmẽkaĩ, hamebi hau hatu tenanunã, henekãwẽ— hatu wanikiaki.

Juízes 6:31 Referencias Cruzadas

1 Reis 18:27

ma bari mananãbikẽ Eliasĩ hatu kashewakĩ hui kushipawẽ hatu yuikĩ: —Matũ mekenika yushiburã, ana hui kushipawẽ nĩkamakãwẽ, daya betsa akĩ matu nĩkamamẽkainã. Haska inũ, pui kamẽkaĩ. Haskamarã, bai kamẽkaĩ. Haskamarã, ma ushamẽkaĩ. Datekĩ bestẽwãkãwẽ!— akĩ hatu kashewakĩ heneama yuikubainaya

1 Reis 18:29

ma bari mananãbi binukainaya hawa heneama nishi pae aka paeã keska unãyamasi sai sai iki ishtxu ishtxu ibiakubainaibũ tsuã nĩkatã hawa tsuã huiwẽ hatu kemamakẽ ma hanu bari kaitiã Jerusalém anushũ Senhor Deusũ kẽwãti hiwe anushũ inabu hirabi hanu hatu kuashũmisbu kemaya Baalĩ hãtxa yuishunika dasibibũ yukakĩ heneaibũ tsuã hawa kemama inũ tsuã hawa hatu nĩkamawẽ taeshũ

1 Reis 18:40

hanushũ Eliasĩ hatu yuikĩ: —Baalĩ hãtxa yuishunikabu dasibi hatu atxikãwẽ, hau betsa pashayamanũbunã— hatu wa hawaira hatu atxiabu pashku netsu Quisom anu hatu matxi butemabaĩ Eliasĩ harishũ hatu yunua dasibi hatu tesẽ keyuabũ,

Isaías 41:23

Haska txipu kaĩbirãshanai nuku banabimakĩ yuikãwẽ. Haska txanima mã deusmẽkaĩ, nuku shabakabi uĩmakãwẽ. Haska mã atiru pepa kasmai txakabu nuku ashũkãwẽ, matuki date paepai nũ mesenũbunã.

Isaías 46:1

hamẽ Babilônia anuabũ yushĩ dami Bel, hawẽ kena betsa Baal inũ Nebo datei saki saki iki maĩ tĩ imiski. Babilônia anuabũ hatũ yushĩ dami iyukinã, eska wabaĩmisbuki. Hatũ inapã mabu bumisbuki haki hatũ yushĩ dami peumatã bumamisbuki. Ina hi shãkama peumabainabu hĩ imisbuki.

Isaías 46:7

Ma hatu meneshunabu bikĩ iawãshũ hanu tsaũti washina anu tsaũmisbuki, haska waimabu anua hawa shekei maetirumarã. Hunibũ hui kushipawẽ hatũ yushĩ dami merabewati hawara yuka txakayamabiabu hawa hatu kematiruma inũ bika teneaibu hawa hatu piskumatirumaki.

Números 14:6

haskaibũ haburi datehairakĩ Numnẽ bake Josué inũ Jefoné bake Calebe ha dabetũ ha mai pakea betsa uĩtãshinabu hatuwẽ datei huĩti nishmakĩ hatũ tari ushnitã

1 Coríntios 8:4

Yushĩ dami kẽwãti betsa kẽwãkĩ hawẽ kẽwãti nami inãnãnaĩbu bitã mã piaiburã, haskarã nũ unãriaii. Hawẽ kẽwãti yushĩ dami hiwea hayama inũ hawa kuxipa hayamahairaki. Hakia nukũ mekenika Deus bestitxai hiwea nũ unaiĩ.

Efésios 5:11

Tsuabura mexu merã nia keskashũ txakabu xinãtã matu amakatsis ikaiburã, hawa pe hayabumaki. Ana hatuki dasiama matuĩ hatu dakewakĩ shabakã kaĩma keska wakĩ shabakabi pepakiri hatu yuikubaĩkãwẽ.

Juízes 6:30

—Mĩ bake neri kaĩmawe. Baal kẽwãti txi tapu tekekĩ di atã ha Baal dami txi tapu dapi nia ma derawẽ taeshũ nũ tenaĩ hau mawanũwẽ— akabu

Juízes 6:32

Joásĩ yuikĩ: “Ha Baal Deus kayabirã, hau hamebi nemakĩ detenũwẽ”, ishũwẽ taeshũ Gideão kena bena wakĩ: “Jerubaalki”, anibukiaki, nukũ hãtxawenã, “Baal Nemanikarã”, hatũ Baal txi tapu teke keyushinawẽ taeshunã.

1 Samuel 12:11

Mã unanuma hiwekatsis ikaiwẽ taeshũ Senhor Deusũ matu nĩkatã matuki sinatakĩ matu itxakawaibu hau habũ matu nemashũkubainũbũ Gideão Jerubaal inũ, Baraque inũ, Jefté inũ, ea Samuel Senhor Deusũ nuku yunuakeakekubaĩshinaki.