Juízes 6:19 - Kaxinawá Bíblia (BR)

¹⁹ Gideão kashũ cabra bake babupa tesẽshũ dashpetã bais bais ashũ pitxã baya 20 litro shekiwã duru pepa tanashũ hawẽ shasha watiuma misi itxapa watã hanushũ nami txitxãki neshetã hawẽ hene kẽtiki manekĩ hushketã misiyabi dasibi hi ewapa kushipa namã bushuã

Juízes 6:19 Referencias Cruzadas

Gênesis 18:3

Abraão hatu yuikĩ: —Shanẽ ibuũ, mĩ huai?— hatu wa dami yura kayabitã ha meranua Deus hãtxai: —Ẽ huaii— ikaya Abraão nemakĩ yuikĩ: —Ẽ mĩ tsumarã, ea betxipaikinã, ea binũbaini hawaira kayamawe.

Gênesis 18:5

Ẽ hiwe anu mã ma hushuki. Earã, ẽ matũ tsumaki. Mã ana punu kushinũ piti bishũ matu pimayunũ manakãwẽ, hanua huĩrukũtã ana butãkãshunã— hatu wa —Haska mĩ nuku wairã, peki— akabu

Mateus 13:33

ana miyui betsawẽ hatu yusĩkĩ: —Misi wakatsi aĩbũ shekiwã duru mirima kẽtxa ewapa putxinĩ kesũshũ hawẽ shashawati eskarabes ũpashki nemustã hawẽ shashawati shekiwã duru kapã dasibi buspukirãkĩ shashawamiski. Deus shanẽ ibuirã, haska keskariki. Ha dukũ huni betsã Deusũ hãtxa ikũwaĩ pepakũkaĩkĩ hawenabu yusĩakeakeaya unãshubira mirimabũ ikũwãtirubuki— hatu aniki.

Juízes 13:20

txi here hi ikai anu hawẽ kuĩ inai puebainai anu Senhor Deusũ nai tsuma kushipa ha txi here namakis nai anu inakainai uĩtã datei dãti iki beti itã

Juízes 6:18

—Hawara mia inãkuĩkatsi ẽ mia bishuĩ kai ẽ txĩtũkiranai na habianushũ ea manayuwe— aka Senhor Deusũ kemakĩ yuikĩ: —Peki. Nenu habianushũ ẽ mia manayuaii— aka

Juízes 6:20

Deusũ nai tsuma kushipatũ yunukĩ yuikĩ: —Ha mishki anu nami inũ misi shasha watiuma mãtxĩshũ hawẽ hene mashu awe— aka haska yunua keska wakĩ Gideãonẽ ashuã