Juízes 5:15 - Kaxinawá Bíblia (BR)

¹⁵ ha dikabi Jacó bake Issacarĩ enabu shanẽ ibubu Débora banawabirani bekĩ hawẽ detenamenikabu habũ merabewai Baraque itxũ kakĩ natukã napãpa pukebaĩkĩ Canaã nawabu hatu detei buaibũ Jacó bake iyua Rúbenẽ enabu anua shanẽ ibu betsabu huĩti kushipa hayabiakẽ hatukiri yuikĩ:

Juízes 5:15 Referencias Cruzadas

Gênesis 35:23

Hawẽ aĩ Léiã huni bakeburã, hawẽ tue benarã, Rúben inũ, Simeão inũ, Levi inũ, Judá inũ, Issacar inũ, Zebulom hati binikiaki.

Provérbios 22:13

Txikishi hawaki beparametima dayakatsi ikamawẽ taeshũ hawenabu parãkĩ yuikĩ: “Bai namaki inu betsa leão manakanãmiski. Eki nukutã ea pitiruki. Ẽ hawa kamaki”, ikĩ yuimisbuki.

Hechos 15:39

hanua hawẽ taea iyunũ ika habe kũyã irabetã pashkai henenamerabetã Barnabẽ Marcos iyui Chipre anu niwe shashuwẽ inatã kaya

Hechos 20:13

hanua Paulõ nuku dukũ nuku nitxiã niwe shashuwẽ kai Assôs mae anu bebũkiri nũ kanũ Paulõ nuku yunutã hanua nuku yuikĩ: —Shashũ buãtãkãwẽ, ẽ kapakeairã, haria ea ibaĩkashunã— nuku wa niwe shashu ewapawẽ kai

2 Coríntios 11:2

Haska matukiri xinaĩ nui ẽ matu yauximisrã, ibubis ẽ yurawẽ matu yauxiama haska Deusũ matu abuai ea matu amamiski. Matu haska wakatsi ikĩ hawenabũ Cristo mã hawa heneyamashanũbũ ẽ haska matu yuiaii. Huni betsã hawẽ bake txipax tsuã pesariama huni betsa yubamis keska wakĩ eãri Cristokiri matu yusĩkinã, hawa txakabu hayama keska Cristo ẽ matu beismakatsis ikĩ ẽ matube yubakayamaki.

Juízes 4:10

harishũ hau benũbũ Zebulom enabu inũ Naftalĩ enabu anu hawẽ hãtxa Baraquẽ hatu buma nĩkatã detenamenikabu bebirã bebiranaibu pewakĩ hatu itxawatã 10.000 detenamenikabube Mati Tabor anu Baraque mapekeaya Déborari habe mapekekẽ

Juízes 4:14

hanushũ Déborã Baraque ana yunukĩ: —Benikaĩ ditãwẽ! Mĩ Sísera detenũ ikis Senhor Deusũ mia maemamaikiki. Hatu merabewai mĩ mẽtsisipa detenamenikabu bebũ Senhor Deus kaikiki— aka 10.000 hunibube Mati Tabor anua Baraque matxi butebainaya

Juízes 4:6

Shaba betsatiã Senhor Deusũ ma tapĩmakẽ Jacó huni bake Naftalĩ enabu Abinoão huni bake Baraque hawẽ mae Quedes anua hau hunũ Déborã huni betsa yunua kashũ yuitana ma hukẽ Déborã Baraque yuikĩ: —Israelĩ enabu mekenika Senhor Deusũ eska mia yunuikiki, ea nĩkawe, mia yuinunã: “Jacó huni bake Naftali inũ Zebulom enabu shukuabu anua 10.000 detenamenikabu katushũ Mati Tabor anu hatube katãshãwẽ.

Juízes 5:16

Txashuwã mekenikabũ hawẽ hiwe anushũ ina txashu kena nĩkabirani bebiamiskẽ haskai nuku nĩkatã beabumamẽ?” ikaibũ hakia Rúbenẽ enabu meranua shanẽ ibu betsabu dateriashinabukiaki.