Juízes 5:11 - Kaxinawá Bíblia (BR)

¹¹ Hanu ũpash biaibu anu mane mimawati txarũ txarũ amisbu anushũ haska Senhor Deusũ hatu maemashina inũ haska Israelĩ enabu mae peshepishtabia hatũ shanẽ ibubũ hawenabubetã Canaã nawabu detekĩ hatu maemashinakiri dasibi hatu banabimai txanikubaũkãwẽ.

Juízes 5:11 Referencias Cruzadas

Gênesis 24:11

ma bari kaya ũpash bana kini dapi camelo huĩrukũmakĩ hatu beumakẽ habiatiãri txipashbu beshũ ũpash biaibũ

Gênesis 29:2

hanu bai anu hatũ ũpash bana kini dapi txashuwã shuku dabe inũ bestiti txashuwã habũ mekekĩ uinikabu ũpash hatu amanũ ika huĩrukuĩ maniabũ Jacó hatu betxitushitã hatu uĩkĩ ũpash bana mishki ewapawẽ bepua txashuwã dasibi itxawashũ txashuwã uinikabũ ũpash bana kini bepẽshũ ũpash bitã bitãkĩ hatu ama keyutã ana mishki ewapawẽ bepuaibũ shaba tibi haska hatũ beya amisbu akaibũ

Jó 29:7

Nukũ mae anu hanu shanẽ ibubu itxamisbu hiwe ewapa anu hikia ẽ tsaukẽ

Isaías 28:6

Habũ unãti wanikabu tsaushũ hatu unãti waibu Deusũ hatu merabewakinã, hawẽ yunuti kushipa pepa hatu inãshanikiki. Hatuki sinatai beaibu hau nemanũbũ detenamenikabũ habũ mae mekeabu hatu kushipa washanikiki.

Jeremias 7:2

“Ẽ kẽwãti hiwe hemaĩtĩ shui dapi nishũ na hãtxa hatu yusĩkĩ hatu nĩkamatãwẽ. Mã dasibi Judá enabuũ, mã Senhor Deus habũ kẽwanũ ika hikiaiburã,

Miquéias 6:5

Enabuũ, natiã ekiri haska shinãkubaĩkãwẽ. Matũ shenipabu bukubainaibu yupunũ ika haska Moabe nawabu shanẽ ibuhaira Balaque yubakabiaya haska Beorĩ huni bake Deusũ hãtxa yuishunika Balaãonẽ Balaque nema matũ shenipabu yupuama iniki. Ha dikabi betsa eska shinãkãwẽ. Sitim anua matũ shenipabu kaĩbirani Hene Jordão pukebirani Gilgal anu hiki bukĩ ea ẽ Senhor Deus hau ea unanũbũ ẽ hatu merabewakĩ binumani haska ana shinãkĩ tapĩkãwẽ”, akĩ matu yuikiki.

Juízes 5:8

Yushibubu bena katutã nukunabũ kẽwaĩbu habiatiãri mae ewapa mishkiwẽ kenekauana hikiti shui anua detenameaibu hakia 40.000 Israelĩ enabu anu hashi bestitxai inũ hawẽ pia nemati mane bestitxai tsua hayama ikimaki.

1 Samuel 12:7

Haskawẽ taeshũ matũ shinã pewakĩ ea nĩkahairakubaĩkãwẽ. Senhor Deusũ nuku nĩkaya haska wakĩ matũ shenipabu inũ maturi Senhor Deusũ duawakubirãmiskiri yuikĩ ẽ matu shabakabi washunai ea nĩkakãwẽ.