Juízes 4:21 - Kaxinawá Bíblia (BR)

²¹ hĩ ikirana punu nukatã usha txakayamakẽ hawẽ tari hiwe pũteti hi kenuhairatã hawẽ mastakĩ hawẽ mestẽwãkĩ neshamisbu betsa bitã hawẽ mastatiri bishũ Sísera anu unãshubira kakaĩ hawa banawama ha dakanu mebaũkĩ hawẽ bushka unãtã hi kenuhaira Síserã ishpushku anu timashũ unãshubima hawẽ mastakĩ hi kenuhairawẽ bushka pesabaĩ maiki seuwa Sísera hawaira mawakẽ

Juízes 4:21 Referencias Cruzadas

1 Coríntios 1:19

Haskakẽ ha yurabukiri yuikĩ hawẽ hãtxa yuishunika Isaías Deusũ yuikĩ: “Habu unãnepabu unaĩsmapa keska wakĩ, dasibi tapĩkĩ kaneisbuma unãriama keskabu ẽ hatu washanaii, hawarawẽ unãnepamis hawauma keska wakinã. Manayuwe”, aka nuku keneshuniki.

1 Coríntios 1:27

Haskakẽ tsuabura: “Ẽ huni pepawẽ taeshũ Deusũ ea katuniki”, iwanã, xinãyamakubaĩkãwẽ. Unanepabu hawauma wakĩ dakewanũ, iwanã, Deusũ ha matu tatima waibu matu katumiski. Kuxipabu hawauma wakĩ dakewanũ, iwanã, tsuabura babubu habu hakiri petxitã yuãkĩ: “Mitanumabuki”, hatuki imisbu Deusũ matu katukubaĩriaikiki. Tsuabura yurabũ matu danãkĩ pe xinaĩsbumarã, Deusũ matu katukubaĩmiski. Dasibibu binunũ, iwanã, tsuabura yurabu haki petxitã xinaĩsbumarã, Deusũ matu katuriamiski. Haskakẽ nukũmebi nũ pepaumabiakẽ Deusũ matu katuniwẽ taea nukũ pepakiri Deus yui tsua hamebi hawa kẽtirubumaki.

Juízes 15:15

hawẽ mekẽ anu hawa tsumamabia jumento kui txapuriama shetaya daka betxitã hawaira bitã hawẽ hatu detebaũkĩ 1.000 Filisteu nawabu tenãtã

Juízes 4:20

Síserã ana yuikĩ: —Mĩ hiwe sheshekaiã tsaushũ ea uĩshũwẽ. Tsuara hushũ mia yukakĩ: “Mĩ hiwe anu tsua huama ishumẽ?” mia akabu: “Tsua huamaki”, iwanã hatu yuishãwẽ— itã

Juízes 4:22

hanua Baraquenẽ Sísera benakubirani huaya haki nukunũ ika hawẽ tari hiwe anua Héberĩ aĩ Jael tashnikaĩ Baraque yuikĩ: —Neri huriwe, ha mĩ benai huairã, ẽ mia uĩmairã— aka Baraque hikikaĩ Sísera ma mawa hi kenuhaira ishtxãkamea daka uĩtã

Juízes 4:9

Déborã kemakĩ yuikĩ: —Peki. Ẽ mibe kashanaii. Mã hatu maemaya mia kẽwãbuma hakia hau detenũ aĩbu anu Sísera Senhor Deusũ yunushanikiaki. Detekẽ dasibibũ aĩbu betsa kẽwãshãkanikiki— aka Quedes anu Baraquebe Débora ma buabũ