Juízes 2:17 - Kaxinawá Bíblia (BR)

¹⁷ hakia ha shanẽ ibu unãti wanikabũ hãtxa Israelĩ enabũ nĩkabuma patapakĩ Senhor Deusũ hãtxa txibãma yushibubu betsa betsapa txibãkĩ duawakĩ kẽwãpaunibukiaki. Hatũ shenipabũ Senhor Deusũ hãtxa nĩkakĩ txibãpaunibu keska akama hatũ bai tanama inibukiaki, betsa betsapa txibãkinã.

Juízes 2:17 Referencias Cruzadas

Salmos 73:27

Tsuabũra mia henebaĩ mawai benushãkanikiki. Tsuabũra mawaira mia txibã pewaisbuma yamashãkanikiki.

Êxodo 32:8

Haskai pe hiwebaĩtirubu ẽ hãtxa dama ẽ hatu yuibiashina hawaira ea henei pashkatã ourowẽ ina awa bake dami washũ inãkuĩ inãkĩ yuinaka menu keyukĩ yuikĩ: “Israelĩ enabuũ, nĩkakãwẽ. Egito anua nukũ mekenika yushinẽ nuku iweimatũ dami itsaki”, akĩ ma yuibaũkanikiki, minabunã—

Jeremias 6:16

Israelĩ enabu Senhor Deusũ ana hatu yuikĩ: “Bai shesha dabe anu kai niti ishũ uĩkãwẽ. Haratu bai hashu pepa matũ shenipabũ unanibu hatu yukakãwẽ. Ha bai pepa betxitã hawẽ kai hanu matũ yushĩ huĩrukũshanai anu mã haki nukushanaii”, ẽ matu wabia matũ ea kemakĩ yuikĩ: “Haskamaki. Ha baiwẽ nũ ana kakatsi ikamaki”, mã ikaya

Amós 2:4

Hanushũ Senhor Deusũ hawenabu Judákiri yuikĩ: “Judá enabũ mai pakea anu hiweabũ txakabu betsa betsapa akubainibuwẽ taeshũ hakimama hatu kupikĩ ẽ heneama ishanaii. Ẽ yunuti hãtxa inũ ẽ nemati hãtxa nĩkakĩ txibãkatsi ikabuma ea ẽ Senhor Deusũ ẽ yusĩti hãtxa danãkĩ habias yushibubu dami hatũ ibubũ kẽwãpaunibu na habias yushibubu kẽwãriakubainaibuwẽ taeshũ Judá enabũ mai pakea anu mae tibi kuabaũkĩ maewã Jerusalém anu shanẽ ibubũ hiwe hawẽrua betsa betsapa tibi txiwẽ ẽ hatu yamawamashanaii”, itã,

Gálatas 1:6

Cristo nuikipa pepawẽ taeshũ Deusũ matu katukĩ unãmabianiwẽ taea kanekĩ hawaira henei yusĩa betsaki maekĩ mã harakiri ea xinãtima kayawai e ikĩ ẽ nĩkaii.

Josué 24:24

dasibibũ ana yuikĩ: —Hawẽ hãtxa dasibi nĩkakĩ hawara nukũ mekenika Senhor Deusũ nuku yunua besti nukũ huĩti hirabiwẽ duawakĩ nũ txibãpakeshanaii, hawa parãmarã— akabu

Josué 24:31

Josué shanẽ ibuaitiã Israelĩ enabu hatũ mekenika Senhor Deus txibãkubainibukiaki. Josué hiweatiã inũ ma mawabiaimakẽ duawakĩ hatũ Senhor Deus heneama inibukiaki. Hanua ha shanẽ ibu anibu unanepa betsabũri dasibi Senhor Deusũ hatu ashuni shinãkubaini hiweyuabũri Israelĩ enabũ Senhor Deus txibãpakenibukiaki.

Juízes 2:7

Josué hiweyukẽ Israelĩ enabu Senhor Deus kẽwãkĩ duawanibukiaki. Ha dikabi ma Josué ma mawabiaimakẽ anibu unanepabũ haska Senhor Deusũ hatunabu dami washũkĩ hatu merabewakubainai uĩkubiranibu hiweyuabũ Israelĩ enabu Senhor Deus nĩkakĩ duawakĩ heneabuma iriakubainibukiaki.

Juízes 8:33

Gideão ma mawaimakẽ Israelĩ enabũ Deusũ hãtxa nĩkakĩ ana betxipaiama txĩtũtã yushibu Baal dami betsa betsapa kẽwanũ ishũ hatũ mekenika wakĩ Baal-Berite Israelĩ enabũ katunibukiaki.

1 Samuel 12:12

Hakia matũ mekenika Senhor Deus matũ shanẽ ibu kayabibiakẽ Amom nawabu shanẽ ibu Naásũ matu detenũ ika hawẽ detenamenikabu matu dapi iweaya uĩ hatuwẽ datekĩ hau hatũ nuku yunukubaĩshanũ yununika shanẽ ibu kushipahaira nuku katushũwẽ, iwanã, mã ea yukaimaki.

1 Samuel 12:17

Ikis shekiwã trigo tsekamisbutiã ui ismaki. Txanimamẽ? Hakia na habiatiã ẽ Senhor Deus yukaiwẽ taeshũ uiyabi kana tũ imakĩ Senhor Deusũ ui yunuikiki, ikisrã. Shanẽ ibu kushipa betsa ea yukai mã txakabuhairaimaki. Natiã mã tapĩkĩ unãtirubuki, Senhor Deusũ matu uĩmayarã— hatu watã

1 Samuel 12:19

dasibibũ Samuel yuikĩ: —Txakabu hayahairabia shinã txakakĩ ana nukũ txakabu matsãkĩ hamamaki nũ yununika shanẽ ibu kushipahaira yuka ikima ha shinãma hau nũ mawayamanũ mĩ Shanẽ Ibu Senhor Deus ea akĩ nuku yukashũwẽ, nũ mĩ tsumaburã— akeakeabu