Juízes 2:15 - Kaxinawá Bíblia (BR)

¹⁵ Hanua hatube detenameaibutiã bestikima habu hatu kupimakĩ itxakawamakubainikiaki, haska Senhor Deus hatube bebũkiri yubakaima hatu ana merabewamarã. Senhor Deusũ Israelĩ enabu hatu nuitapawabiakĩ

Juízes 2:15 Referencias Cruzadas

Jeremias 18:8

Hakia tsuara shukua betsabu inũ hatũ shanẽ ibubũ shinã betsakĩ hatũ txakabu henetã pe shinaĩ hiwekubainaibu haska hatũ kupiti ẽ hatuki tanabiashina ha txakabu ẽ hatu anu yunuama ishanaii.

Miquéias 2:3

Mã haska hatu wamisbuwẽ taeshũ Senhor Deusũ matu yuikĩ: “Matũ besti mã hatu itxakawamaki. Eari matuki tana ẽ yubaka hayaki. Matu anuri txakabu ẽ yunushanai hani pashama hawẽ huĩsinai peti mã hawa binuama ishanaii. Hakia ma dasibi txakabu bika tenemati hukẽ ana keĩ hawẽruai mã bai tanai mapuama ishãkanaii.

2 Coríntios 4:8

Haska inũ, Jesus anibu keska wakĩ nukuri itxakawakĩ tenãkatsis ibiaibũ hamapai bika betsa betsapa nuku waibu tenekĩ Jesus Cristo nukũ Shanẽ Ibu hiweatũ nuku merabewakubainai txĩtuãma dasibibu nũ hatu uĩmakubainaii. Haska tibi Jesus Cristõ nuku merabewamis matu yuinũ nĩkakãwẽ. Hamapai bika betsa betsapa nuku tenemakĩ harakiri nuku pashatimawabiaibũ nukũ Shanẽ Ibuã bai nũ manaka besumawamaki. Ha inũ, nuku tenãkatsis ibiaibũ hatuwẽ datekĩ nukũ Shanẽ Ibu nũ henebaĩsmaki. Nuku nemanũ ishũ kushakĩ nuku di abiaibunã, hawẽ taeshũ nuku yamawatirubumaki.

Deuteronômio 18:20

Hakia tsuabura ẽ kenawẽ hãtxabiakĩ hawara ẽ ha yuiama hawẽ shinanẽ besti matu yuiaibu inũ yushĩ betsã kenawẽ hãtxakĩ matu yuiriaibu hatu nĩkama tenãshãkãwẽ’, akĩ Senhor Deusũ ea yuiniki.

Rute 1:13

Ha dabe ewaibũ hatu bene wakatsi mã manatirumẽ? Mã beneumas hiweshũ mã manakubaĩtirumẽ? Haskamahairaki, ẽ bake keskabũ, Senhor Deusũ ea nuitapawakĩ ea bika tenemaikiki. Haska enas ẽ tenepanã matu dikabi mã nuitapai uĩ ẽ bika tenekatsi ikamaki— hatu wa

1 Samuel 12:15

Hakia nĩkabiakĩ hawẽ yunuti hãtxa inũ hawẽ nemati hãtxa mã danãkĩ mã txibãmarã, matu inũ matũ shanẽ ibuhaira Senhor Deusũ matu kupishanikiki, matũ shenipabu kupini keska wakinã.

1 Samuel 13:6

Israelĩ enabũ hatu uiã mesehaira dakakẽ uĩ datei pashai hunenũ ika mishki tãpe anu inũ, mai kini shãtu anu inũ, mashash mananã inũ, mai shãtu keru anu inũ, txatxa ũpash anu hunei iruabũ,

1 Samuel 14:24

Saulũ Israelĩ enabu hatu yubakĩ nemakĩ yuikĩ: “Bari kariama eki sinataibu nũ hatu dete keyuriama Filisteu nawabu txibãbaĩkĩ detekubaĩkĩ tsuã taska piyamayushãkãwẽ. Tsuãra ea nĩkama bunikĩ mã piarã, txakabuhairashanikiki”, haska hatu wabiranawẽ taea ha shabatiã Israelĩ enabũ hawa piti betsa metsabumahairakẽ ma hĩ iki punu nukai babubiashũ