Juízes 16:4 - Kaxinawá Bíblia (BR)

⁴ Jerusalém anua ianẽwãkiri kai napãpa hawẽ kena Soreque anu mae pishta anu Filisteu nawa aĩbu hawẽ kena Dalila hiwea uĩkĩ Sansãonẽ betxipaihairai habe hiweaya

Juízes 16:4 Referencias Cruzadas

Provérbios 22:14

Aĩbu hininipatũ hawẽ hãtxawẽ mia kemumairã, mai kini keyatapahaira keskaki. Haskawẽ taea hanu Senhor Deusũ tsuara ma yupua tĩ imisbu anu hatũri hanu mia iyutiruki.

1 Coríntios 10:6

Na haska dasibi Deusũ hatu akubiranirã, hau txakabuwẽ nũ kemuyamanũbũ Deusũ nuku yusĩkĩ haska hamapai txakabuwẽ ẽ shenipabu kemui hanu hiweabumanua debunibu nukũri shabakabi nũ hawẽ unãshanũbũ hatu akubainikiaki.

Juízes 16:3

hakia Sansão yamenapũ aĩbube besti ishĩ habiatiãri hawaira Sansãonẽ aĩbu txibutukaini kakĩ mae hanu hikiti shui anu hune bepubiabũ hawẽ beputi txibuyabis tasketã dasibi iabaĩkĩ txai bushũ mae betsa Hebrom besusi mati mamaki mapebaĩ beputi kepinikiaki.

Juízes 16:5

Filisteu nawa shanẽ ibubu Dalila uĩ kashũ yuikĩ: —Sansão beparãtã hania hawẽ kushipahaira huimẽkaĩ? nuku tapĩshũwẽ. Haska watã atxishũ nũ nea ana pashamakẽ nũ maematirumẽkainã. Haska wakĩ txanima mĩ nuku tapĩshuna nukũri bestibu tibi mia duawakĩ 1.100 prata pei heshe nũ mia inãshanaii. Nukũ hãtxa ikũwãkĩ nuku pewashũwẽ— akĩ haska yubatã txĩtũbainabũ