Juízes 16:24 - Kaxinawá Bíblia (BR)

²⁴ hawenabũ kẽwaĩ yura itxapabũ uĩ bekĩ hatũ yushibu habũri kẽwaĩ kãtakĩ yuikĩ: “Sansão nukuki sinatakĩ nukũ bai menukĩ yamawashũ nuku itxapa tenãkĩ keyuima nukũ mekenika yushibubũ nuku atximaimaki”, ikaibũ

Juízes 16:24 Referencias Cruzadas

Daniel 5:23

Hakia nai anua Senhor Deuski kashekĩ hawẽ Templo anua hawẽ kẽwãti kẽtxa itxapa hau bitanũbũ mĩ hatu yunua bitãshũ ha besiaibubetã Senhor Deusũ kẽtxawẽ uva vinho akubaĩkĩ matũ dami yushĩ ouro inũ, prata inũ, bronze inũ, ferro inũ, hi inũ, nẽkati dami itxapa wanibu habũ hawa uiãbuma inũ, hawa nĩkabuma inũ, hawa unãbumahaira mĩ hatu kẽwãmashuki. Hakia betsarã, Deusũ besti mia hiwemakubaĩkĩ dasibi mĩ hiwea mia tsuma keyubia mĩ ha kẽwaĩsmaki.

Daniel 5:4

paẽshũ hatũ yushibu ouro inũ, prata inũ, bronze inũ, ferro inũ, hi inũ, nẽkati dami wanibu kẽwaĩbũ

Habacuque 1:16

Haskawẽ taea baka binikabũ hatũ yushĩ dami kẽwãmisbu keska wakĩ hatũ hisĩ inũ hatũ sheamatiwẽ baka nuepa mirima biaibuwẽ taea benimakĩ inabu tesẽshũ hawẽ piti sheni inũ sheni ininipa habũ hatu kuashũkubaĩmisbuki.

Apocalipse 11:10

Deusũ hãtxa yuikĩ habũ hatu ha akaibu ma mawabuwẽ taea mirimabu mai anu hiweabu benimai xinã txãkaĩ hatũ haibuaibube hatũ hamapai hamẽ inãnãnaĩbũ

Juízes 15:14

mae Leí anu hawenabũ Sansão Filisteu nawabu hatu iyushunabu betxibirani hatuki nukui hatũ tari hiwe anua kaĩbirani benimahairai sai sai ibiranaibũ Senhor Deusũ Yushinĩ Sansão kushipawaya hawẽ pũyãyabi hawẽ mekẽ dispiwẽ neashũ iweabu dasibi tesekaini dispi menua keskai niri iki keyuaya

Juízes 15:16

haska hatu washukiri yuikĩ: “Jumento kuiwẽ yurabu detekĩ ẽ hatu mãtxĩ dabe inũ besti washuki. Jumento kuiwẽ 1.000 hunibu ẽ tenãshuki”, itã

Juízes 15:8

sinatahairakĩ hatu kupibaũkĩ hatu shau teke keyukĩ itxapa tenãtã hanua pashai Etã mishki mati anu kini tãpe merã Sansão hiwei kayukẽ

Juízes 16:25

haskatã ana hatu maematiruma shinaĩ ha bebunua benimai haki kashei beyuskatsi hatũ bitxiti hiwe anua hau Sansão iwenũbũ hatu yunuabu bushũ Sansão iweshũ mishki txibu dabe hatũ kẽwãti hiwe namakis nitxĩtushitã haki kashei beyusaibũ

1 Samuel 31:9

hanushũ Saulũ bushka teshteshũ hawẽ detenameti mabu bikĩ mebĩtã itxawashũ hatũ maewã hirabi hanu Filisteu nawabu hiwebaunabu anu hau hatuki txanitanũbũ hatu yunuabu ha mae tibi anuabũ nĩkatã hau hatũ yushĩ kẽwãti hiwe anushũ kẽwanũbũ hatu yunutã