Juízes 13:6 - Kaxinawá Bíblia (BR)

⁶ haska wawana aĩbu kashũ hawẽ bene yuikĩ: “Deus anua huni betsa ẽ nia anu tashnitushikĩ ea datea ẽ hushuki. Senhor Deusũ nai tsuma kushipa daki ẽ uĩshuki. Yukakĩ: ‘Mĩ tsuamẽ?’ akĩ ẽ yukama ishuki. Hatũri ea haskari ea yukama iriashuki.

Juízes 13:6 Referencias Cruzadas

Gênesis 18:2

Abraão bewenikitã ha bebũ huni dabe inũ besti mapuabu hatu betxitã hatu inũ ika beni kushikaini hatuki nukutã hawẽ beya txibaĩ dãti iki beti itã

Gênesis 32:29

hanushũ Jacó yukakĩ: —Miarã, harakiri mĩ kenamẽ? Ea yuiwe— aka —Haskai ẽ kena mĩ yuka ikaii?— iwanã, hawẽ kena yuiama hanushũ Jacó hawẽ kushipawẽ pepawa bestitã kaya

1 Reis 17:18

hawẽ ewa datehairakĩ Elias yuikĩ: —Deus anua huniĩ, haskara nũ uinanaĩ? mia inũ earã. Ẽ txakabukũkaini ea shinãmakĩ ẽ bake debuwanũ ika mĩ ebe hiwei huimamẽ?— aka

1 Reis 17:24

aĩbũ kemakĩ yuikĩ: —Haska mĩ ea ashũshuwẽ taeshũ txanima mĩ Deus anua huniki. Senhor Deusũ hãtxa txanima mĩ yuimis ikis ẽ mia unãhairaii— anikiaki.

2 Reis 4:16

Eliseũ aĩbu yuikĩ: —Na ano betsa huaiki na habia usheki huni bake kaĩtã mĩ ikushanaii— akaya datekĩ kemakĩ yuikĩ: —Ẽ shanẽ ibuũ, mĩ Deusũ huniwẽ taea eki paranayamawe, mĩ tsumakirirã— aka

2 Reis 4:9

taeshũ aĩbũ hawẽ bene yuikĩ: —Baa, ea nĩkawe. Ha huni hawẽtsaĩs hukirã hukirani nukuki bamisrã, Deusũ hãtxa yuishunika meribiki. Ẽ unaiĩ.

Êxodo 3:2

hi mashu hamebi menui hawẽ here anua Senhor Deusũ hãtxa bunika Moisésbe hãtxanũ ika butua hi mashu anu txi herehairabiai hawa hi menuama metakara ibestiaya betxishũ

Êxodo 3:6

ana yuikĩ: —Ẽ mĩ shenipabũ mekenika yushĩki. Abraão inũ, Isaque inũ, Jacó ea nĩkakubainiwẽ taeshũ duawakĩ ẽ hatu mekekubainiki— akaya Deus uĩ Moisĩ datekĩ hawẽ mekẽnẽ hawẽ besu atximakẽ

Lucas 1:19

nai tsumã yuikĩ: —Earã, ẽ Gabrielki, nai tsuma shanẽ iburã. Deus dayashuni ẽ hãtxashũmiski. Ẽ mibe hãtxanũ na kakape Deusũ ea yunushuki.

Lucas 9:29

hanua Jesus Deusbe hãtxaya ma besu betsai damia hawẽ tari hushupahairai txasha txasha ikaya

Hechos 6:15

hanua shanẽ ibubũs Sinédrio anu tsaushũ Estêvão nia uĩkĩ hawã ikama hawẽ besu shabakabihaira Deusũ nai tsumã besu keska beisnibukiaki.

1 Timóteo 6:11

Hakia miarã, Deusũ ma mia hawena wakĩ katuniwẽ taeshũ hawara txakabu betsa betsapa betxitã danaĩ ana hari kayamawe. Mĩ pe dayai hiwekatsi ikairã, mĩ daya bikabiakẽ Deusũ mia unaĩwẽ taea ikũwaĩ nui abunamei kuxipai huĩti kuxiama babutã hatu uĩmai hatube hiwekũkaĩwẽ.

Apocalipse 1:17

Haska uĩ hawẽ tae namã mawa keskai tsistikaĩ ẽ tĩ ika daka hawẽ mekẽ yusiuri ea mekĩ yuikĩ: “Dateyamawe. Earã, ea dukũ ẽ hiweni inũ ẽ hawẽ henea debesekeaki.

Juízes 13:10

hanua aĩbu hawaira kushikaĩ hawẽ bene yuikĩ: —Baa, ea nĩkawe. Uatiã huni eki nukushinarã, ua ma ana huaki. Ebe kashũ uĩ kawe— aka

Juízes 13:3

hanua Senhor Deusũ nai tsuma kushipa ha aĩbu anu tashnishũ yuikĩ: “Mĩ bake bitirumabia natiã mĩ bake naneshanaii. Ha bake mĩ biairã, huni bake mĩ kaĩshanaii.

Juízes 13:7

Hatũ ea yuikinã: ‘Huni bake bitã mĩ kaĩshanaii’, ea washuki. Hawẽ taeshũkiaki ana vinho inũ hamapai nushuti betsa paepa natiã ẽ ana atirumakiaki. Ha inũ, hawara Deusũ nuku nemani ha piti pitima ẽ ana pitirumakiaki. Ha ẽ bake kaĩriama inũ hanu mawashanaitianã, meribi Deusuna Nazireu ipakeshanikiaki. Haska ea yuishuki”, aka

Juízes 13:8

nĩkatã hanua Manoá Senhor Deusbe hãtxakĩ: “Senhor Deusuũ, ẽ mia yukaii, ha huni iwãshu ana nuku anu yunuwe, ha bake kaĩshanaikiri nuku ana yuikĩ hau nuku meshtãmayununã”, aka

Juízes 6:11

Hanua mae betsa Ofra anu huni betsa Abiezerĩ enabu Joás ika anu Senhor Deusũ nai tsuma kushipa tashnia hi ewapa kushipa namã tsaua habianuri hanu haki vinho wanũ ishũ uva bimi pema pema akĩ hawẽ hene shuru shuru amisbu anurã, hau Midiã nawabũ uĩyamanũbũ hunetã Joásĩ huni bake Gideãonẽ ha mesti shekiwã tsekakĩ maiki kusha kusha akĩ shemeaya

1 Samuel 2:27

habiatiãri Deusũ hãtxa yuishunika betsa Eli anu hushũ yuikĩ: “Eska hãtxa Senhor Deusũ ea yuishina mia yuinũ ea nĩkawe: ‘Egito anu mĩ shenipabu Faraó dayashunaibũ ẽ kushipa shabakabi ẽ hatu uĩmaniki.

1 Samuel 9:6

hawẽ dayarũ shinãtã kemakĩ yuikĩ: —Na maewã anu Deusũ hãtxa yuishunika hiweaki. Hawara yuia imiswẽ taeshũ haki mesekĩ hawẽ hãtxa nĩkamisbuki. Hari kanãwẽ, hatũ ha baiwẽ kashũ nukũ jumenta mapua nũ betxitiru nuku yuitirumẽkainã— aka