João 4:36 - Kaxinawá Bíblia (BR)

³⁶ Tsuabũra hatu itxawakĩ hawẽ manakuti pepa bikanikiki, hatũ hiwea ikibi ika bikinã. Haskakẽ tsuabũra mibã bana bimi huxiaĩ hatu tseka keska waiburã, haburi benimakanikiki.

Kashinawa : Diosun Jesúswen taexun yuba bena yiniki

³⁶ Tsuabunda jatu ichawakin jawen manakuti pepa bikanikiki, jatun jiwea ikibi ika bikinan. Jaskaken tsuabunda miban bana bimi jushiain jatu tseka keska waibudan, jabudi benimakanikiki.

João 4:36 Referencias Cruzadas

Provérbios 11:18

Hunibu dayatxakamisbu manakukinã, parã bestishãkanikiki, hawa pe inãmarã. Hakia tsuara parananãma pepa wakubaĩmisburã, hawẽ manakuti pepa inãshãkanikiki.

Provérbios 11:30

Tsuabũra yunuti pepa kushipa txibaĩ hiwei petirubuki. Yura betsa txakabubiakẽ tsuãra ha huni hawẽ shinã betsa wamakĩ Deus txibãmairã, ha huni unanepaki.

Mateus 19:29

Haska inũ, tsuabũra ea txibãkĩ Deusũ hãtxa kakape yusĩtanũ ishũ dasibi hatũ hiwe henekĩ hatũ betsabu inũ hatũ puibu shunũbaĩkĩ hatũ ibubu shunũkĩ hatũ bakebu baxikĩ hatũ bai henekĩ keyubaĩ yusĩkubaĩmisbuwẽ taeshũ na habiatiã Deusũ ana hatu manakukĩ duawamisshũ haska uatiã hiwexinawẽma Deusũ pepawẽ hatu manakuhairakĩ haska tanatirubuma hatu itxawamakubaĩxĩshũ hanu ma bari keyuaitiã hiwea kayabi hatu inãshanikiki.

João 3:36

Haska inũ, tsuabũra hawẽ bake ikũwãkĩ txibaĩbu hiwekuĩshãkanikiki, ikibi ikirã. Hakia hawẽ bake danãkĩ ikũwãbuma hatu danãriakĩ Deus haki sinatakĩ hiwekuĩmama hatu kupikubaĩshanikiki, hiwe txakamakinã— iniki.

João 4:14

—Hakia tsuabũra ũpash ẽ inaĩ atanã, ana tetsusini manuama ishãkanikiki. Habu tibi merã txatxa ũpash netsuisma keskatũ hatu hiwekuĩmashanikiki, ikibi imakinã— aka

João 5:24

Txanima ẽ matu yuikubainaii. Tsuãra ea nĩka pewai hawẽ hiwea txakabukiri kai beshteketã hatũ ea yununiri ikũwaĩ hiwekuĩkanikiki, ikisrã. Bikawẽ unãti wama mawa kayabi tenemama hiwekuĩaĩbu txakabuwẽ nũ kupiama ishanaii.

Romanos 1:13

Ẽ betsabu inũ ẽ puibuũ, haska judeubuma mae betsa betsapa anu hiweabu ẽ hatu yusĩmis keska wakĩ matukiriri xinaĩ mã Roma anushũ Jesus ikũwaĩbu ana matu ikũhairawamakĩ inũ betsabũ ikũwãriabuma Jesus hatu ikũwãmanũ ika mã Roma anu hiweabu ẽ matu yusĩ kakatsis ikaii. Matu uĩnũ ika ẽ yubakabiakũkainaya hamapai betsa betsapatũ ea teawa matu anu ẽ kariamaki.

Romanos 2:7

Deusũ hau nuku kẽwãshanũ hiwekuĩkatsi nũ hatiritũ hawẽ hãtxa txibãkĩ heneama pepawakubainaibu pepawẽ manakukĩ mekekĩ nai anu Jesusbe Deusũ nuku hiwekuĩmashanikiki, ikibi imakinã, nũ habu haska hiwekatsi benamisburã.

Romanos 6:22

Hakia txakabũ matu tsuma wapauni mã ma heneima hakia natianã, bai pepa betxitã hawama Deus besti mã dayashũkũkaĩkatsis ikaii. Haskakẽ na haska pepa Deus mã dayashunairã, hiwekuĩa pepa mã itxawaii, natiã mã hawẽ meribi hiwekũkainai inũ atimas hawẽ henekĩ hiwekuĩa hawẽ manakukĩ Deusũ matu inãshanikiki.

Romanos 6:23

Haskakẽ tsuabũra txakabuwakubaĩmisbu hatũ kupitirã, Deusũ meketi hayama mawa kayabi bishãkanikiki. Hakia nukũ Shanẽ Ibu Jesus Cristo nũ ikũwaĩ nũ haki dasikẽ hawẽ taeshũ Deusũ nukũ hiwekuĩti pepa inã nukũ Shanẽ Ibube dasitã nũ habe hiwei ikibi ishanaii.

1 Coríntios 9:17

Ẽ xinãnẽ Deusũ kakape yusĩbaunũ, iwanã, emebi ẽ akĩ taewaniwẽ taeshũ mã ea devekeanaii. Hakia ẽ haska ẽ xinã meribi ẽ akama Deusũ ea kenatã ea txai putani ha ẽ dayashũshanũ ea katukĩ nitxĩnikẽ haskakĩ matũ hamapai tibi biãtibiakẽ ẽ tsua matu yukaismaki.

1 Coríntios 9:18

Matũ mã ea haska waismakẽ tsuã ea pakama Deusũ daya ẽ akubainaya haska ẽ matu yusĩmis Jesusũ kuxipaya betsabu pakakĩ yusĩnã betsabu pakariakĩ mã ea pakaismakẽ hawẽ benimawatiwẽ Deusũ ea manakumiski, ea xinã txãkãwãkinã.

1 Tesalonicenses 2:19

Nũ haskakũkaĩkĩ nũ matu yusĩtanima xinã betsama ikũwã bestikĩ betsabu ikai keskama hatu binui mã hawa txĩtuãmawẽ taea hanu kupiaitiã nukũ Shanẽ Ibu Jesus ha nũ manaka huaya nukũ benima pae matuwẽ taeshũ tsuã nuku mebĩtiruma nũ unaiĩ. Haskai nũ benimaya matuwẽ taeshũ Deusũ nuku kẽwãshanikiki.

1 Timóteo 4:16

Mimebi pe mekekĩ uĩrawe, haska betsabu mĩ hatu yusĩakirirã. Dasibi xinã pe bestiwai txĩtũyamakũkaĩwẽ. Mĩ haskakũkainaya mia inũ mĩ hãtxa habũ nĩkaibu hatube Deusũ pewẽ mia manakushanikiki, hiwe kayabimakinã.