João 4:10 - Kaxinawá Bíblia (BR)

¹⁰ Jesusũ yuikĩ: —Hawara Deusũ mia inãkatsi ikai inũ tsuãra mia ũpash yukai unãkĩ mĩ ea yuka ũpash netsuisma ẽ mia inãkeãshuki— aka

Kashinawa : Diosun Jesúswen taexun yuba bena yiniki

¹⁰ Jesúsun yuikin: —Jawada Diosun mia inankatsi ikai inun tsuanda mia unpax yukai unankin min ea yuka unpax netsuisma en mia inankeanxuki— aka

João 4:10 Referencias Cruzadas

Salmos 46:4

Hene ewapa teshesha daberã, haburã, Deusũ mae hawẽ benimakanikiki. Deus dasibi binuatũ mae meribi txakabumahaira hawẽ benimaikiki.

Isaías 35:6

Mestẽtiya tiri iki mapuabu txashu ishtxumisbu keskai bĩtu bĩtu itã titi ishãkanikiki. Huyubu hãtxa pesei sai sai ishãkanikiki. Hanu tsua hiweabuma anu mai tsusĩ anua hene tuebaini pashkukaini kushibaĩshanikiki.

Isaías 42:6

“Ea Senhor Deusũ ẽ mekẽnẽ mia metsũshũ ẽ mia kenaniki, hau mia ikũwaĩ mĩwẽ taea ea anu piskushanũbunã. Mia haska wamakatsi mĩwẽ ẽ yubakaniki, nawa shukuabu tibi unãti wati bĩ peshea keskakĩ mĩ hatu txasha washanunã.

Isaías 43:20

Habu enabu wakĩ hau ea kẽwãshanũbũ ẽ hatu katuni habu ekiri txanibaũshãkanikiki. Hanu tsua hiweabuma inũ hanu hawa hukuĩsmanu ũpash tuekĩ ẽ hatu habawashũshanaii. Ẽ hatu haska washuna ha ũpash akaibũ hanushũ yuinaka pianã betsa betsapabu inũ, kamã inu inũ, pupũ habũri ea duawashãkanikiki.

Isaías 44:3

Mã haskawẽ taeshũ hanu tsua hiweabumanu mai hawa beneisma anu pashku wakĩ ẽ ũpash tuea habashanikiki. Matũ bababu pepawẽ duawakĩ hiwea bena inãkĩ ẽ hatu yunushanaii.

Isaías 49:10

Mã hawa buniama inũ mã ũpash manuama inũ, bari txashahairakĩ matu kuama ishanikiki. Eã matu betxipaikĩ ẽ matu iyuaiwẽ taeshũ matu mekeshũ iyukĩ hanu txatxa tibi ũpash haya anu ẽ matu iyukubaĩshanaii.

Isaías 9:6

Hamẽ betsarã, Deusũ hawẽ kushipawẽ dasibi betsa wakĩ bakeishta nuku inãshanikiki. Ha bake nuku anu yunua kaĩshanikiki. Hatũ kushipa bitã shanẽ ibuhairashanikiki. Hawẽ kena tibi inãkinã, eska washanikiki: Hawẽ yubakani nũ haskashanai unãmanika pehairaki. Deus kushipahaira tsuã binutirumaki. Epa hiweibi hiweaki. Hawẽ taea Deusbe unanuma hiwetiki.

Jeremias 2:13

Israelĩ enabu ẽ hatu ibuwabiani itxapahairaki txakabui keshtunibuki. Ẽ hatũ hiwemati txatxa ũpash keskabiakẽ ea henebainibuki. Haskakĩ hatumebi mishki pukĩtã ũpash aruti keska wabia ibubis pesetã hani ana ũpash matati hayama keskai yushibubu kushipa hayama dami watã txibãkubainibuki.

Lucas 11:13

Haskakẽ mã pepamabia matũ bakebu mã duawamis mã unaiĩ. Hamẽ haska binumakĩ Epa Deus nai anuatũ mã tsuabũra yukai nĩkatã hawẽ Yushĩ Pepa matu inãmiski— hatu wanikiaki.

João 16:3

ẽ Epa Deus unãma eari unãbumawẽ taeshũ matu hawa unãma itxakawashãkanikiki.

João 17:3

Mĩ mia besti Deuski, txanimarã. Jesus Cristo mĩ yununirã, ẽ ea bestiki. Nuku unãtã na hiwekuĩyãwẽ hiweshãkanikiki, ikibi ikirã.

João 3:16

Jesusũ ana Nicodemos xinãmakĩ yuikĩ: —Yura betsa betsapa dasibi hiwebaunabuwẽ nuihairakĩ Deusũ eska xinãtã ea hawẽ bake bestitxai yunukĩ tashnimaniwẽ taeshũ tsuabũra ea ikũwãkĩ hawẽ hiwea kayabi benutima bitã mawa kayabiama Deusbe hiwekuĩshãkanikiki, ikibi ikirã.

João 4:14

—Hakia tsuabũra ũpash ẽ inaĩ atanã, ana tetsusini manuama ishãkanikiki. Habu tibi merã txatxa ũpash netsuisma keskatũ hatu hiwekuĩmashanikiki, ikibi imakinã— aka

João 6:35

Jesusũ ana hatu yuikĩ: —Hiwekuĩmati misirã, habia ẽ eaki. Tsuabũra ea nĩkakĩ xinã betsa watã eki txiti ikaibu ẽ hatũ yushĩ kuxipa wa ana buniama keska ishãkanikiki. Ha inũ, tsuabũra ea ikũwãkĩ ẽ hãtxa nĩkakubainaibu ẽ hatu xinã txãkãwã ana ũpash manui tetsusinama keska ishãkanikiki.

João 6:51

Nai anua butuni misi hiwearã, habia ẽ eaki. Tsuabũra na misi hiwea pikubaini hiwepakeshãkanikiki, ikibi ikirã. Na misi ẽ hatu inãshanairã, ẽ yura kayabiki. Haskawẽ taea na mai anu yurabu shukuabu tibi hawẽ hiwetirubuwẽ taeshũ ẽ yura kayabi ẽ hatu inãshanaii— akĩ hunea hãtxawẽ hatu yuiaya

Hechos 9:11

Shanẽ Ibu Jesusũ yuikĩ: —Benikaini kakĩ ha bai hawẽ kena Kayatapia anu kashũ Judasĩ hiwe anu hikitã hanua huni betsa Tarso anua kaĩni huxiã hawẽ kena Saulo yuka itãwẽ, Deusbe hãtxaikikirã.

Romanos 8:32

Haska inũ, hawẽ bake hawa yauxitaskama yunua tashnitã mawakĩ nukubu nukũ txakabu nuku buashuniwẽ taeshũ nũ habu Jesus Cristoki dasiabu hawẽ taeshũ nuku duawakĩ hamapai tibi hawẽ bakewẽ nuku ashunishũ Deusũ nuku ashũkubainikiki.

1 Coríntios 1:30

Haska wakĩ matu katukĩ Jesuski matu dasiwakĩ Deusũ hamebi matu katuniki. Haskakẽ Jesus Cristõnã, hawẽ xinãwẽ nuku unãnepa wamiski. Ha inũ, habiatũri nukũ txakabu buakĩ Deus nuku daewashũmiski. Ha dikabi nuku meribi wakubaĩmiski. Ha inũ, habiatũri nukũ txakabu buatã Satanás anua nuku mebikinaniki.

1 Coríntios 10:4

Ha inũ, ẽ shenipabũ ũpash manuhairaibũ habiatũri mixki anua ũpash tueshũ hatu amani hatube kakĩ dasibibu ũpash pepa amariakubainikiaki, ha Yushĩ kuxipa Cristo yura kayabi hayariama mixkiki damitã hatu amakinã.

2 Coríntios 9:15

Haska washũ nukũ hãtxawẽ nũ Deus pepawakĩ keyutirumaki. Haska Deusũ binumakĩ nuku dasibi duahairawakĩ hawẽ inãkuĩwẽ Deusũ hawẽ bake nuku mawamashuniwẽ hawenabu nuku waiwẽ taeshũ Deus kẽhairawakubainãkãwẽ.

Efésios 2:8

Hiwekuĩa bikinã, nũ hawawẽ ibubis nukũ kupiti bi pashatirumabiakẽ Jesus nuku mawashuni nũ ha ikũwãkubainaiwẽ taeshũ Deus pepahairatũ nuku duawakĩ nuku inãni ikũwaĩ nũ ma mekeaki.

Hebreus 6:4

Tsuabura Deusũ hawenabu wakatsi hatu katushũ hawẽ Yushĩ Pepa hatu inãkĩ hatu merabewamapakeaya hawẽ hãtxa pepa unaĩ Jesus ana huaitiã haskasnũbariai keskai hiwei taekĩ habũ Jesus ikũwãkĩ txibãbiai putai txĩtũtã hatũmebi ana xinã betsa watirubumaki. Habu Deusũ bakẽ hãtxaki kashekĩ danãkĩ ana cruzki masta keska wakĩ hatunaburi Jesuski kashemaibuwẽ taeshũ hatu yusĩkĩ nukũri hatũ xinã hatu betsa wamakĩ nũ hatu pewatirumaki.

1 João 5:20

Deusũ bake tashnitanã, hamẽ huama Deus hiwemanika kayabi nũ unãshanũbũ hawẽ unãnepa nuku inanũ ika huni nũ unaiĩ. Nũ ma ha txanima kayabiki dasia hiweaburã, harã, hawẽ bake Jesus Cristoki nũ ikaki, habias Deus mekenika kayabitũ hiwei ikibi ika nuku inãmisrã.

Apocalipse 21:6

ana ea yuikĩ: “Dasibi haskashanai ẽ yuinirã, ma ẽ akĩ keyuaki. Ea dukũ ẽ ini inũ niti ikama ẽ hiwepakeshanaii. Tsuabũra ũpash akatsis ikĩ manuaibu keska ea anu beaibu ẽ hatu hiwea inãshanaii, hawa hatu pakamamarã.

Apocalipse 22:17

hanua nũ Txashuwanẽ aĩnẽ habũ nũ ikũwaĩbunã, Yushĩ Pepabetã Jesus yuikĩ: “Huriwe!” nũ ikaya tsuabũra nuku nĩkakĩ: “Hau hurinũwẽ!” hau irianũbũwẽ. Ha inũ, tsuabura ũpash manui keskakĩ Deus benakĩ Jesus txibãkatsis ikĩ hau ikũwanũbũwẽ. Haska watã hawẽ ũpash hiwemati haya hau aki benũbũwẽ, hawa pakamarã.

Apocalipse 7:17

Ha inũ, txashuwã bake Deus shanẽ ibu haki tsauti namakis niatũ ũpash paisma pehaira txatxa hene hawẽ hiwemati haya anu hatu iyushũ amai hatũ mekenã ishanikiki. Hanushũ ha kashamisbu Deusũ hatũ beru beũ hene dasibi tashka washanikiki”, ea wa