João 3:31 - Kaxinawá Bíblia (BR)

^31-32 ana habias xinãwẽ Joãonẽ hatu yuikĩ: —Tsuara mai anua baarã, mai anu hiweshũ haska dasibi mai anuari tapĩ hãtxamisbuki. Hakia ha hunirã, Deus anua tashninishũ yurabu dasibi binukĩ Deus anua nĩkakĩ uĩtã haska txanibiaya tsuã hawa nĩkama danãkanikiki.

Kashinawa : Diosun Jesúswen taexun yuba bena yiniki

^31-32 ana jabias shinanwen Juanen jatu yuikin: —Tsuada mai anua baadan, mai anu jiwexun jaska dasibi mai anuadi tapin janchamisbuki. Jakia ja junidan, Dios anua taxninixun yudabu dasibi binukin Dios anua ninkakin uintan jaska chanibiaya tsuan jawa ninkama danankanikiki.

João 3:31 Referencias Cruzadas

Mateus 28:18

Jesus nukuki kematã nuku hãtxa wakĩ yuikĩ: —Hawẽ kuxipa ea inãkĩ hawara nai anua inũ hawara mai anua mekekĩ ẽ yunukubaĩshanũ Ẽ Epã ea Shanẽ Ibu waniki.

João 1:15

Haska inũ, hawẽ Xinaĩ Hãtxati Joãonẽ Jesus unãtã João nĩkai beabu hãtxa kuxipawẽ hatu yuikĩ: —“Ha dukũ hiweniwẽ taea ea katxu kaĩbiaimashũ ea binuyushanikiki, shanẽ ibuhairakinã”, akĩ haskakiri ẽ matu yuikubainaii— akĩ Jesuskiri João hãtxashũkũkainiki.

João 1:30

Hakiri habias matu yuinũ, nĩkakãwẽ: “Ha dukũ hiweni ea katxu kaĩbianishũ ea binushanikiki, shanẽ ibuhairakinã”, iwanã, ẽ matu yuixinaki.

João 3:30

Haska inũ, hawẽ kuxipawẽ ea binuĩ Jesus kuxipaya hanua earã, ẽ kuxipa beshtekei ẽ beshmasaii— iwanã,

João 6:33

Ha misi Deusũ yurabu dasibi inãkatsi ikairã, ha nai anua butunitũ hatu dasibi hiwekuĩmatiruki— hatu wa

João 6:51

Nai anua butuni misi hiwearã, habia ẽ eaki. Tsuabũra na misi hiwea pikubaini hiwepakeshãkanikiki, ikibi ikirã. Na misi ẽ hatu inãshanairã, ẽ yura kayabiki. Haskawẽ taea na mai anu yurabu shukuabu tibi hawẽ hiwetirubuwẽ taeshũ ẽ yura kayabi ẽ hatu inãshanaii— akĩ hunea hãtxawẽ hatu yuiaya

João 8:23

Jesusũ ana hatu yuikĩ: —Maturã, mã nenuabu bestiki. Hakia earã, ẽ manaũriaki. Haskawẽ taea mai anua besti mã baki. Hakia earã, na mai anua ẽ bamaki.

Hechos 10:36

Hamẽ dasibibũ Shanẽ Ibu Jesus Cristõnã, Israelbu anu dukũ hau habu yusĩnũ Deusũ yununiki. Hanushũ tsuabũra hawẽ hãtxawẽ unãnuma hiwetirubukiri Jesus hushũ hatu yusĩkubaĩyamaki.

Romanos 9:5

Habiari nukũ shenipabu Israelbu anua Messias Cristo yura kayabitã tashniniki. Nukũ mekenika Deusũ dasibibu mekei shanẽ ibuhairamisrã, kẽwãkĩ heneyamakubainãkãwẽ. Haskakirã.

Hebreus 9:1

Haska inũ, Deusũ Moisés ha dukũ yubakĩ yunukinã, na mai anu ha hiwe merãshũ haska wakĩ Deus kẽwãkĩ daewakubaĩtirubu hatu amaniki, haska wakubiranibu inũ natiã nuku ashũmisburã.

1 Pedro 3:22

Hanua Jesus mawa ana besteã nai anu ka hawẽ Epa Deusũ yusiuri tsauwa Deusũ nai tsumabu inũ shanẽ ibu kuxipa dasibibu Deusũ Jesus yununi Jesus shanẽ ibukĩ dasibibu hatu mekekubainikiki.

1 João 4:5

Ha yusĩnã parananaĩburã, hatũ yusĩawẽ hãtxairã, hatũ beyakiri besti hãtxakanikiki. Tsuabura habu keskabũri hatu nĩkakanikiki.

Apocalipse 19:16

Ha inũ, hawẽ kena mestenepa Dasibi Shanẽ Ibubu Inũ Dasibi Yununikabu Binukĩ keyuaki, ika hawẽ tari txaipaki inũ hawẽ kixi kateki ha dabeki hawẽ kena neaki.