João 3:11 - Kaxinawá Bíblia (BR)

¹¹ —Txanima ẽ mia yuiaii. Eskaki, mia yuinũ nĩkawe. Nukũ uĩkĩ inũ tapĩmisshũ Naximanika João inũ eã nũ matu yusĩmiski. Hakia nukũ hãtxa danãkĩ nukukiri shabakabi mã xinãbumaki.

Kashinawa : Diosun Jesúswen taexun yuba bena yiniki

¹¹ —Chanima en mia yuiaii. Eskaki, mia yuinun ninkawe. Nukun uinkin inun tapinmisxun Nashimanika Juan inun ean nun matu yusinmiski. Jakia nukun jancha danankin nukukidi xabakabi man shinanbumaki.

João 3:11 Referencias Cruzadas

Isaías 50:2

Ana matu merabewanũ ika hushũ ẽ hawa huni betsa betxiama iniki. Ẽ matu kenabia tsuã taska mã ea kemama inibuki. Ẽ matu haska wabia haskakĩ mã ea benakĩ shinaĩsmamẽ? Eanã, matu merabewakĩ ẽ matu piskumatiruma mã ekiri shinaĩ imismẽ? Habũ matu tsuma wabu anua ẽ matu tashnimatiruma dabanẽ mã shinaĩ imismẽ? Earã, ẽ kushipaki. Ianẽwã yunukĩ: ‘Hawaira hene netsui metuwe’, ẽ wa itiru inũ heneri betsa wakĩ metu wakĩ ẽ tsusĩ wãyã baka ũpash manui mawai pisimayatiruki, hene hayamakenã. Ha hene netsua anuri mairi hanu tsua hiweabuma ẽ watiruki.

Isaías 53:1

haska nũ nĩkairã, tsuã ikũwãtirumẽ? Senhor Deusũ hawẽ kushiparã, tsua shabakabi ma uĩmaimamẽ?

Isaías 55:4

Ẽ haibu Davi ekiri txanikaũti eã ẽ nawabu unãti wamaniki, shanẽ ibukĩ hau habu ekiri tapĩmashanunã.

Isaías 65:2

Ha enabu sinatapabũ ea nĩkabumabiakẽ hawẽtsaĩs ea anu hatu txĩtũwanũ ishũ ẽ hatu meshãshũbia hawa ea nĩkama haska hatũ bai txakabu besti tanakĩ hatũ shinanẽ besti haska betxipaiai aki hawẽ kẽmisbuki.

Mateus 11:27

Jesusũ hatu yuikĩ: —Ẽ Epã hawẽ kuxipa dasibi ea yununirã, tsuã ẽ hawẽ bake ea unãbumaki. Hakia ẽ Epã besti ea unã keyuikiki. Hakia tsuã ẽ Epa unãmariki. Ea hawẽ bakẽ besti ẽ Epa ẽ unã keyuriaii. Hakia habũ ea txibaĩbu ẽ Epa ẽ hatu unãmamiski.

Mateus 23:37

yurabu uĩbaũkĩ Jesusũ hatu yuikĩ: —Jerusalém anu hiweabuũ, Jerusalém anu hiweabuũ, Deusũ hãtxa yuishunikabu inũ hawẽ hãtxa hatu bana beshũpakeaibu Deusũ hatu yunubiaya hatu danãkĩ hatu tenãkĩ matũ shenipabũ anibu keska wakĩ mixkiwẽ mã hatu tsaka tsaka amisbuki. Takarã hawẽ bake nushamis keska wakĩ eãri matu merabewakĩ matu mekẽnũ ika ẽ hubianikẽ haska xinãma ea danãkĩ mã ea hawa nĩkamaki.

Lucas 10:22

mapubaunabu yuikĩ: —Ẽ Epã hawẽ kuxipa dasibi ea yununirã, tsuã ẽ hawẽ bake ea unãbumaki. Hakia ẽ Epã besti ea unã keyuikiki. Hakia tsuã ẽ Epa unãmariki. Ea hawẽ bakẽ besti ẽ Epa ẽ unã keyuriaii. Hakia habũ ea txibaĩbu ẽ Epa ẽ hatu unãmamiski— iwanã,

João 1:11

Haska inũ, Deusũ Xinaĩ Hãtxati hawenabu anu hukẽ habia hawenabũri hawẽ hãtxa nĩkama habũ beya wama danaĩbũ

João 1:18

Ha inũ, natiã tsuabũra Deus uĩnakamabiakẽ hawẽ bake bestitxai Deusbe hãtxanameai Deus ha keskahairari hawẽ Epabe ketashameshũ shabakabi hatũ besti Deuskiri nuku unãmakubainiki.

João 12:49

Eãnã, ẽ xinãnẽ ẽ matu yusĩamaki. Hakia Epa Deusũ ea yununitũ ea yunua yusĩkĩ ẽ matu yuimiski.

João 14:24

Hakia tsuabũra ea abuabumarã, ẽ yusĩa hãtxa txibãbumaki. Na hãtxa ẽ matu yusĩa mã nĩkakubainairã, enamaki. Ẽ Epa hatũ ea yununitũ hãtxaki.

João 3:12

Haskakẽ yurabukiri ẽ matu yuikubainai ẽ hãtxa mã ikũwãbumawẽ taeshũ Deus anua hamapaikiri ẽ matu yuiairi mã ikũwãtirubumariki.

João 3:13

Haska inũ, Deuskiri unãtanũ ika Deus anu tsua inatirumaki. Hakia earã, matũ Hutxi Kayabi Iuwatũ matu unãmai Deus anua hua ẽ tashniniki.

João 3:3

Jesusũ ana yuikĩ: —Ikũkĩ ẽ mia yuiaii. Tsuara ana kaĩ benama Deus shanẽ ibuai anu ka hiwetirumaki. Hakia ana kaĩ benatã Deus shanẽ ibuaibe hiweshãkanikiki— aka

João 3:5

hanushũ Jesusũ yuikĩ: —Haskamaki. Txanima ẽ mia yuiai nĩkawe. Yura kayabi meranua kaĩyãnã, yura kayabi ikubaĩmisbuki. Ha inũ, Yushĩ Pepatũ kaĩ benamatã hatuki hikitã hatu yauxikĩ mekekubaĩmiski. Ha inũ, hene inũ Yushĩ Pepawẽ naxiabumarã, Deus shanẽ ibuaiki mã nukutirubumaki. Hakia ha dabewẽ pepakubainaibu haki mã dasitirubuki.

João 5:43

Epa Deusũ kuxipaya ẽ hubianikẽ xinã betsatã mã ea nĩkamaki. Hakia huni betsa hamebi kẽkĩ yuiai nĩkakĩ mã txibãmiski.

João 7:16

haska hãtxaibu unãkĩ Jesusũ hatu yuikĩ: —Na ẽ yusĩaĩ mã nĩkairã, enamaki. Ea hatũ yununitũ xinãwẽ ẽ matu yusĩ ikaii.

João 8:14

—Emebi ẽ dayuikibiakĩ hanua ẽ huni inũ hanu ẽ kashanai ẽ unaĩwẽ taea ẽ dayuikiairã, harã, kuxipaki. Hakia hanua ẽ huni inũ hanu ẽ kashanai mã unãbumawẽ taeshũ mã kaneaii.

João 8:26

Ẽ matukiri itxapa unãti wakĩ ẽ yuitirubia hatũ ea yununitũ txanima hãtxa ea yuia nĩkatã habiaskari yurabu ẽ yuikubainaii— hatu wa

Hechos 22:18

Jesus ẽ uĩayã ea yuikĩ: “Nenushũ mĩ ekiri hatu yusĩayã mia nĩkama ishãkanikiki. Haskakẽ menã hawaira Jerusalém anua tashnirikaĩtãwẽ”, ea wa

2 Coríntios 4:4

Tsuabũra habũ ikũwãbumarã, na mai anushũ hatũ shanẽ ibu Satanásã hatu parãkĩ hatũ xinã nemakĩ bekũ keska hatu wamiski. Haskawẽ taeshũ Cristo, Deus itsa hiwea mekenika kuxipa yurabu mawashũtã hatũ txakabu ana xinãma buakatsis ini nĩkabiakĩ kaka pepa shabakabi ikũwãtirubumaki.

Apocalipse 1:5

Ha dikabi Jesus Cristo hawa txani txakaisma mawatã ha dukũ bestẽni inũ mai hirabi anu habu shanẽ ibu betsa betsapa binui hatũ shanẽ ibumisrã, hau hatũ matu unãnuma hiwemarianũwẽ. Ha inũ, nuku abui nukuwẽ nuikĩ nukũ txakabuwẽ taea mawakĩ hawẽ himi habakĩ nuku buashũrianiki.

Apocalipse 3:14

Ana Jesusũ ẽ João ea yuikĩ: “Hatũ Deusũ hãtxa dayashunika Laodicéia anu itxamisbu mekea na hãtxa ẽ mia yuiai keneshũriwe. ‘Dasibi Deusũ hakiri yuiai ẽ Habiaskaki, imistũ mai hirabi inũ nai hirabi damiwakĩ ewẽ Deusũ ani txanima hãtxa besti txani ẽ kaneismatũ ẽ matu yuiai nĩkakãwẽ.