João 18:1 - Kaxinawá Bíblia (BR)

¹ Deusbe nuku hãtxashuni menetã hanushũ nuku kaĩmabaĩkĩ pashku debu hawẽ kena Cedrom Jesusũ nuku pukemabaini hanu mibã shukua mixkiwẽ kenenibu anu ukemerã nũ habe hikikẽ

Kashinawa : Diosun Jesúswen taexun yuba bena yiniki

¹ Diosbe nuku janchaxuni menetan januxun nuku kainmabainkin paxku debu jawen kena Cedrón Jesúsun nuku pukemabaini janu miban xukua mishkiwen kenenibu anu ukemedan nun jabe jikiken

João 18:1 Referencias Cruzadas

Gênesis 2:15

Éden bai anu Senhor Deusũ huni iyushũ bai ibu wamakĩ mekemakĩ yuikĩ: “Na bai anu hi betsa betsapa bimi mĩ pitiki. Hakia pepa inũ txakabu unãti hi bimi betsa mepakeyamashãwẽ. Hamẽ mĩ kemukĩ piarã, mĩ mawashanaii”, iwanã, yuitã

Gênesis 3:23

Éden bai ewapa anua hatu kaĩmatã hanushũ ha hanua mai huni dami waima anua tashnimakĩ nitxĩkĩ hamebi hau bai wanũ nãta yununikiaki.

2 Samuel 15:23

Jerusalém anua kaĩbainaibũ hatu dapi hiwebaunabũ buaibu hatu uĩ hatuwẽ nui kasha txakayamaibũ Pashku Cedrom pukebainaibũ hatu txibaĩ shanẽ ibuhaira Davi pashku pukeriabaini hari tsua hiweabuma anu Davi bebushuni bai tanabainaibũ

2 Reis 23:12

ha dikabi Acazĩ hiwe masapa anu Judá enabu shanẽ ibuhaira betsa betsapabũ hawẽ kẽwãti txi tapu akubainibu inũ Senhor Deus kẽwãti hiwe hemaĩtĩ anu hawẽ hutxi Manassésĩ ani derakĩ di ashũ teke teke akĩ pure pure ashũ pashku Cedrom namaki hau putanũbũ Josiasĩ hawẽ tsuma hatu yunua, haska hatu yunua putakĩ keyuaibũ

2 Reis 23:4

Hanushũ Senhor Deus kẽwãti hiwe hemaĩtĩ anua yushibu Baal inũ Poste-ídolo inũ bishi shukua tibi ha kẽwãti dami wanibu bikĩ keyushũ hau putanũbũ hawenabu Deusbe hãtxashunika shanẽ ibu Hilquias inũ, hawenabu Deusbe hãtxashunika shanẽ ibu ha katxu inũ, hikiti shui mekenikabu habu shanẽ ibuhaira Josiasĩ hatu yunua hawẽ hãtxa txibãkĩ Senhor Deus kẽwãti hiwe hemaĩtĩ anua yushibu kẽwãti dami sharabu Jerusalém anua kaĩmabaĩkĩ benãta bushũ Cedrom napaku anu hanus mãtxĩtã kuashũ txipu hawẽ mapu beabaĩ Betel anu bunibukiaki.

2 Reis 23:6

hi dami keyatapa yushibu dami aĩbu washũ Senhor Deus kẽwãti hiwe hemaĩtĩ anu nitxinibu betseshũ Jerusalém anua benãta bushũ Cedrom napaku anushũ kuakĩ keyutã nuitapaibu mawa hanus hatu maiwamisbu anu hawẽ mapu sa akĩ keyushũ

Neemias 2:15

yamenapũ meshubiakẽ pashku debu txai dũkeatãkĩ mishki kenebaunibu di anibu uĩ keyutã habias bai nũ kawẽ ana hawẽri txĩtũkirani habias pashku debu anu beputi kini Porta da Fontewẽ nũ hikiniki.

Mateus 26:30

habianuari Salmos Davĩ keneni betsa betsapa nukũ huiwẽ nawai menetã hanua ma Judasĩ nuku pashkabaĩkẽ Oliveiras Mati anu nuku iyushũ

Mateus 26:36

Hanua Jesus nũ hawẽ tsumabube kai mibã shuku betsa hawẽ kena Getsêmani mixkiwẽ kenenibu anu hikitã nuku yuikĩ: —Nenu habianu tsauyukãwẽ, ẽ Deusbe hãtxai kairã— ikaĩkĩ

Marcos 14:26

habianuari Salmos Davĩ keneni betsa betsapa hatũ huiwẽ nawai menetã hanua Judasĩ hatu pashkabaĩkẽ Oliveiras Mati anu hatu iyushũ

Marcos 14:32

Hanua Jesus hawẽ tsumabube kai mibã shuku betsa hawẽ kena Getsêmani mixkiwẽ kenenibu anu hikitã hatu yuikĩ: —Nenu habianu tsauyukãwẽ, ẽ Deusbe hãtxai kairã— ikaĩkĩ

Marcos 14:42

Ma ea hatu atximai huikiki. Benirikãwẽ, nũ bunũbunã— hatu wabirani hatuki dasituxitã hatu yui

João 18:26

hanushũ shanẽ ibuhaira binuatũ tsuma betsa Pedrõ patsãka hawenabũri Pedro yukakĩ: —Mibã shuku anushunã, Jesusberã, ẽ mia uĩyama ikirãshumẽ?— aka

Hechos 21:11

nuku uĩtanũ ika hushũ Paulõ nanesheketi bitã hawẽ tae inũ hawẽ mekẽ ibubis meneshtã yuikĩ: —Deusũ Yushĩ Pepatũ ea yuixina matu yuinũ nĩkakãwẽ. Na ẽ akai keska wakĩ Jerusalém anushũ na nanesheketi ibu judeubũ atxishũ neatã Romanonawabu anu inãshãkanikiki— ikaya