João 17:9 - Kaxinawá Bíblia (BR)

^9-10 Hamẽ enaburã, ẽ mibe hatu hãtxashunaii. Hakia ea ikũwãbumakiri ẽ mibe hatu hãtxashunamaki. Ha inũ, mina watã mĩ ea yununirã, harã minabuki. Haskawẽ taea dasibi enarã, minaki. Hanua minarã, enariki. Ẽ kuxipa hatu meranua uĩshãkanikiki.

Kashinawa : Diosun Jesúswen taexun yuba bena yiniki

^9-10 Jamen enabudan, en mibe jatu janchaxunaii. Jakia ea ikunwanbumakidi en mibe jatu janchaxunamaki. Ja inun, mina watan min ea yununidan, jadan minabuki. Jaskawen taea dasibi enadan, minaki. Janua minadan, enadiki. En kushipa jatu medanua uinxankanikiki.

João 17:9 Referencias Cruzadas

Lucas 22:32

Habiaskabiakẽ ea txibaĩ hau mĩ huĩti babuyamanũ eãri Epa Deus ma ẽ mia yukashũxinaki. Mia haska wa kanebiatã ana ea txibã taewakĩ ikũwaĩ betsabu hau txĩtũyamanũbũ hatu kuxipa wakĩ merabewakubaĩshãwẽ— aka

Lucas 23:34

meneabũ soldadobukiri Jesusũ yuikĩ: —Epaã, ea haska waiburã, hawa hatu kupiyamawe, hawa unãma iki ikanikikirã— ikaya hanushũ soldadobũ hawẽ beyustiwẽ maemanãkĩ hawẽ tari pashkanũ iwanã: “Tsuã dukũ hawẽ tari bimẽkaĩ? Akãwẽ”, ikaibũ

Lucas 8:34

hanua ha ina yawa mekemisbu datei kuxibaĩkĩ haskashu hatũ mae anu hiweabu inũ bai putxinĩ hiweabu hatu banabimakekeaibũ

João 14:16

Mã haska wakubainaya ẽ matu yukashuna Merabenã Bena betsa Deusũ matu anu yunushanikiki, hau matube hiwei ikibi ipashanunã.

João 17:2

Mai hirabi anua hawẽ yurabu dasibi yunuti kuxipa mĩ bake mĩ ea inãniwẽ mĩ hatu katuni ẽ hatu hiwekuĩmashanaii.

João 17:20

Na ẽ haibuaibu besti xinãkĩ habukiri besti ẽ mia yukashunamaki. Hakia habũ hatũ hãtxa kakape nĩkatã ea ikũwãshanaiburi ẽ mia hatu yukashunaii, mĩ haburi mekekubaĩshanunã.

João 17:6

Yurabu dasibi anua hatu katushũ mĩ ea yunua mĩ Deus kuxipa dasibi binu keyua nuikipakiri ẽ mia hatu unãmakubaĩxinaki. Haska inũ, mina katushũ mĩ ea hatu inãnirã, mĩ hãtxa nĩkamisbuki.

João 6:37

Hakia ea yununitũ xinãnẽ aki ẽ huniki, emebi ẽ xinãnẽ aki huamarã. Haskakẽ tsuabura katushũ Epa Deusũ ea anu hatu peshukĩ ekiri yunua ikũwãkĩ ea haibuwakubaĩshãkanikiki. Ha inũ, ea ikũwaĩbu ẽ hatu danãtaskama ishanaii.

João 6:39

Ea yununitũ xinãwẽ akinã, tsuabura ea anu yununi hawẽ heneai shabatiã hatu benuama hatu bestẽwãkĩ ẽ hatu tashnimashanaii.

Hebreus 7:25

Tsuabũra Jesus ikũwaĩ hawẽ Epa Deuski dasia Deusũ kupiti binui pashaibu hiwekuĩa inãkĩ hatu merabewai Deusbe nuku hãtxashũpakeikiki, hawa niti ikamarã.

Hebreus 9:24

Hanua hanu Deuski nukuti tari hiwe hunibũ na mai anushũ anibu anu Jesus Cristo hikiama, hakia nai anu hanu Deuski nukuti kayabi anu hikinishũ Deus bebunua natiã nuku hãtxashũkĩ Jesus Cristõ nuku ea ashuĩkiki.

1 João 5:19

Satanásã mai hirabi anu hiweabu hatu parã keyuikiki. Hamẽ nukurã, nũ Deusũ bakebu nũ unãriaii.

Apocalipse 12:9

ha yuxibu dunuwã hiwei taeni sheanã txani ewã yura dasibibu hatu parãkubaĩmis nũ Diabo Satanás wamis hawẽ tsumabube mai anu hatu maemakĩ niri akabũ

Apocalipse 13:8

ha yuinaka mese atimapa kẽwãkinã, habu mai hirabi anu hiweabu tsuabura bebũkiri Deusũ mai dami wariama habũ kena txashuwã bake nuku mawashuni kaitũ unaki keneama ini habũ besti duawakĩ kẽwãshãkanikiki.

Apocalipse 20:15

tsuabũra Deus txibãkĩ Jesus ikũwãbuma habũ kena Deusũ haki kenemis una anu habũ kena hayama ha iã hanu menui here hi hi ikai anu ma hatu puta keyuabuki.