João 15:16 - Kaxinawá Bíblia (BR)

¹⁶ Mã ea katuama eã ẽ matu katuniki. Haskawẽ taeshũ ẽ matu yunuaii. Kashũ hatu yusĩkĩ mã bimi itxapa wai keska wakĩ ẽ tsumabu hatu wakĩ hau txĩtũyamanũbũ hatu kuxipa wakubaĩshãkãwẽ. Haska wakĩ ẽ kenayashũ Epa Deus hamapai tibi mã yuka matu ashũshanikiki.

Kashinawa : Diosun Jesúswen taexun yuba bena yiniki

¹⁶ Man ea katuama ean en matu katuniki. Jaskawen taexun en matu yunuaii. Kaxun jatu yusinkin man bimi ichapa wai keska wakin en tsumabu jatu wakin jau chintunyamanunbun jatu kushipa wakubainxankanwen. Jaska wakin en kenayaxun Epa Dios jamapai tibi man yuka matu axunxanikiki.

João 15:16 Referencias Cruzadas

Provérbios 11:30

Tsuabũra yunuti pepa kushipa txibaĩ hiwei petirubuki. Yura betsa txakabubiakẽ tsuãra ha huni hawẽ shinã betsa wamakĩ Deus txibãmairã, ha huni unanepaki.

Miquéias 5:7

Yura shukuabu betsa betsapa mirima anu Jacó enabu hatube hiwebaunaburã, eskashãkanikiki. Ha haskaiburã, basnũ Senhor Deusũ yunumis inũ, basi anu ui ikai tsuã haskai hawẽ shinanẽ nematiruma keskai Jacó enabu keyukubaini eskarabes tesheshãkanikiki.

Mateus 21:22

Ha inũ, Deusũ kuxipa unaĩ xinã dabeyama habe hãtxakĩ yukakubaĩkãwẽ. Mã haska wai matu merabewashanikiki— nuku abaini

Mateus 7:7

ana hatu yuikĩ: —Haska inũ, betsarã, tsuãra Deus yukakĩ ea akarã, hawẽ hawara inãmiski. Tsuãra hawara benakĩ Deus yukarã, haki nukumamiski. Tsuãra hawara bi hikinũ ishũ Deus kenarã, bepẽshũmiski. Haskakẽ xinãtxakama Deus ea akarã, betsaki. Hawara mĩ yuka mia ashũtiruki. Benakĩ hawara mĩ yuka mia betximashanikiki. Hawara bi habe hãtxanũ ishũ mĩ kena mia bepẽshũshanikiki.

Lucas 6:13

penaya haki txiti ikabu dasibi hatu kena beabu 12 besti katutã hatu kenakĩ: “Mã ẽ kuxipayabuki”, hatu wanikiaki.

João 13:18

Na haska hãtxairã, matu dasibikiri ẽ hãtxamaki. Eã ẽ matu katunishũ ẽ unaiĩ. Hamẽ ekiri Deusũ hãtxa yuishunikatũ ea dayuikĩ: “Ebetã pibiakĩ ea detenũ ishũ xinaĩkiki”, ini keskai haska ekiri kenenibu yuiaiwẽ taea txanima matu bestitxaitũ mã ea habiaskari wakatsis ikaii.

João 15:5

Earã, ẽ mibã tashu keskaki. Maturã, mã hawẽ mebi keskabuki. Ebe haibunamekĩ bimi itxapaya keskakĩ mã Deus benimawatiruki. Eauma mã hawayatirumahairaki.

João 6:70

Jesusũ nuku yuikĩ: —Eãnã, ẽ matu katubiayama bestitxai yushĩ txakabu mã hayaki— nuku wa

Hechos 1:24

habũ eska Deus hatu yukashũkĩ: —Shanẽ Ibu Deusuũ, dasibibũ xinã mĩ unaĩwẽ taeshũ na huni dabe pepa haratura mĩ katuai nuku uĩmawe,

Hechos 1:8

Haska mã hawẽ unãtirurã, hawẽ Yushĩ Pepa matu anu huaya hawẽ kuxipa bitã Jerusalém anushũ inũ Judéia mai pakea inũ Samaria mai pakea ha dabe hirabi anushũ inũ txaihaira mai kesua anu hiwebaunabu anu bukubaũkĩ ekiri mã hatuki txanikũkaĩyushanaii— hatu wai

Hechos 10:41

ana yura itxapabu hatu uĩmama hatibu Deusũ bebũkiri ma nuku katuni besti ana nukuki nukutã nuku uĩmayamaki, mawa ana bestẽxinakiri nũ hatukiri txanikubaĩshanũbunã. Ha Jesus mawa ana bestẽkaĩxina hiwearã, ana habetã pikĩ nũ habetã nushukubaĩyamaki.

Hechos 22:14

ana ea yuikĩ: “Ha nukũ Deus nukũ shenipabũ kẽwãpaunibu habiatũri mia katunishũ mia unãkĩ hau hawẽ xinãwẽ hawẽ bake pepa Jesus mĩ uĩnũ hawẽ huiwẽ mia hãtxa waxinaki.

Hechos 9:15

haska yuibiaya Shanẽ Ibu Jesusũ ana yuikĩ: —Hẽ iyamai dateama katãwẽ. Ha huni kaĩriama ẽ katunitũ ekiri txanikĩ nawa shukua betsa betsapabu hatu yusĩkĩ inũ, hatũ shanẽ ibubu yusĩriakĩ inũ, Israelburi ea hatu yusĩriashũkubaĩshanikiki,

Romanos 1:13

Ẽ betsabu inũ ẽ puibuũ, haska judeubuma mae betsa betsapa anu hiweabu ẽ hatu yusĩmis keska wakĩ matukiriri xinaĩ mã Roma anushũ Jesus ikũwaĩbu ana matu ikũhairawamakĩ inũ betsabũ ikũwãriabuma Jesus hatu ikũwãmanũ ika mã Roma anu hiweabu ẽ matu yusĩ kakatsis ikaii. Matu uĩnũ ika ẽ yubakabiakũkainaya hamapai betsa betsapatũ ea teawa matu anu ẽ kariamaki.

Romanos 1:5

Haskawẽ taeshũ Jesus Cristo ẽ ikũwãniwẽ ea duawakĩ Jesusũ kuxipaya Deusũ ea wanikẽ yura betsa betsapa tibitũ hau habũri Jesus Cristo nĩkatã txibãkĩ kẽwãshanũbũ hawẽ daya ashũkĩ ẽ hatu tapĩmakubaunaii.

Romanos 15:4

Haska dasibi Deusũ hãtxa yuishunikatũ bebũkiri keneniburã, haska ha keneni tapĩkĩ xinaĩ nũ hawẽ hiwekubaĩshanũbũ nuku ashunibuki. Haskawẽ taea ha Deusũ hãtxa uĩkĩ tapĩ nũ txĩtuãma nuku merabewaya hawẽ taea benimai nũ hiweibi hiweshanai nuku manakamaikiki.

Romanos 9:21

Hakia haska aĩbũ mai mabu wakĩ habias mai kẽti dabe wakatsi ikĩ betsa haki hamapai wati xumu hawẽrua meribi wakĩ inũ betsa kẽti kayabi hawẽrua beshmas dasibituna hatu washũmis tsuã nematirumaki. Haska keskari wakĩ Deusũ hatu akeakemiski.

1 Coríntios 10:11

Ẽ shenipabu txakabukubiranaibu Deusũ haskaibu hatu kupinikiri hau habiaskari nũ iyamashanũbũ bebũkiri haska ikaibukiri Deusũ hãtxa nuku keneshunibuki, nukuri bari hawẽ henei keyuaitiã hiwea nũ haskariayamashanũbunã.

Gálatas 1:15

Hamẽ judeubumari hau Deusũ hatu kupiyamashanũ nukũ mekenã Messiaskiri eã ẽ hatu yusĩkubaũshanũ ẽ kaĩriamabiakẽ bebũkiri Deusũ ea katuniki. Hanua hawẽ pepawẽ ewẽ nuikĩ ma ẽ huni ewa ea unãmakĩ ana shabakabi ea katushũ hawẽ bakẽ daya ẽ ashũkubaĩshanũ ea kenashũ hawẽ bake ea unãmaniki. Hanushũ hawẽ merabewati hãtxa hau tsuãra ea yusĩnũ yura betsa ẽ hawa yukama iniki.

Efésios 2:10

Deusũ haska nukukiri xinãkĩ hatũ nuku damiwakinã, hawẽ bake Jesus Cristoki dasitã hawenabũ hawẽ daya pepa inũ hawẽ bai pepa txibãkĩ ashuĩ nũ hiweyukubaĩshanũbũ Deusũ bebũkiri nuku katukĩ pewaniki.

Colosenses 1:23

Mã haskakatsi ikairã, matu tibirã, Deusũ kakapekiri nĩkatã mã ma Cristo ikũwãni henekĩ putai txĩtuãma huĩti mestẽtã haska mã ikũwaĩbu manakakubaĩkãwẽ. Haska Deusũ hawẽ bakekiri hawẽ kakape yurabu mai pakea itxapa anuabũ hau unãnũbũ yusĩkĩ ea ẽ Paulõ ẽ hatu merabewakubaũmiski.

Colosenses 1:6

Haska inũ, mai hirabi anushũ Deusũ kakape hawẽ bakekiri nĩkatã ikũwãbauni pakĩ yurabũ hatu uĩmabaunaibu keskai mã ikairã, txanima habias habiaskari matu anuri tashniai mã hayaniki, haska Deus duapakiri hãtxaibu nĩkai: “Txanimaki”, itã mã ikũwãniburã.

1 Timóteo 2:7

Haskawẽ taeshũ Deusũ ea katutã hawẽ kakape yuishunika ea wakĩ Jesus Cristõ kuxipaya ea watã judeubuma anu na yusĩa Jesus Cristokiri txanima ẽ ha ikũwaĩ ẽ txanikauanũ ea yununiki. Na haska mia yuikinã, txani txakakĩ ẽ mia yuiamaki.

2 Timóteo 1:11

Haskawẽ taeshũ Deusũ ea katutã hawẽ bakekiri kaka pepa judeubuma ẽ hatu yusĩkubaunũ ea yunukĩ Jesusũ kuxipaya ea wanishũ ea yusĩnã waniki.

2 Timóteo 2:2

Itxapabu ẽ hatu yusĩkubaunai mĩ nĩkakĩ tapĩmisshũ akai keskari mĩ hatu tapĩmairã, ha hunibu pe hiwekĩ ikũhairawai txĩtuãma hatu uĩmai duapakũkaĩkĩ yurabu yusĩkĩ hatu merabewatirubu hatu katutã hau habiaskari yusĩkubainũbũ hatu yunukubaĩwẽ.

Tito 1:5

Natukã Creta anua nũ dayai taeima anushũ hatu merabewakĩ pewakĩ mae tibi anushũ ikũwaĩbu mekenikabu wakĩ mĩ hatu katunũ haska xinãkĩ mia yunutã ẽ mia henebiranimaki.

Hebreus 11:4

Ha inũ, Adãonẽ huni bake dabe Deusũ yunuxina hawẽ hãtxa Abelĩ ikũwãkĩ txibãkĩ hawẽ Deus kẽwãti txashuwã tesẽshũ kuakĩ keyushũbiaya hawẽ betsa Caimnẽ Deusũ yunua hãtxa txibãma hawẽ bai anua yunu besti kuashũkĩ Deus kẽwãpaibiaya Abelĩ kẽwãti besti Deusũ abukĩ hawẽ hãtxa ikũwaĩ unaĩ: “Huni pepaki”, anikiaki. Ha inũ, Abel mawabianikẽ haska ikũwãkĩ tates taewatã henebaini habiawẽri nũ ikũwãkubaĩshanũ Deusũ hãtxa Abelkiri kenenibu uĩkĩ nũ unãriakubaĩmiski.

Santiago 3:18

Haska unãnuma mã hatu hiwetãkubainai ha unãnumawẽ taeari yura betsabu unãnepariakĩ shabakabi hatu uĩmariakĩ pe besti mã hatu uĩmakubaĩtirubuki.

1 Pedro 3:15

Hamẽ Cristo matũ Shanẽ Ibu ashũkinã, matũ hiwea inãkĩ kẽwãkubaĩkãwẽ. Matũ hiwea mã ma pewakẽ tsuãra haska mã Cristokiri kakape ikũwaĩ matu yukaibu mã hatukiri pe shabakabi txanikĩ mã hatu kematiruki,

1 Pedro 3:2

Deuski mesei pe hiwekĩ mã hatu uĩmakubainaiwẽ taeshunã.

1 João 4:10

Nuku abuai haska uĩmakinã, nukũ dukũ nũ Deus abuama iniki. Hakia nukuwẽ nuikĩ nuku abukinã, hawẽ bake yununiki, hau ha mawakĩ daewaiwẽ nukũ txakabu buatã ana xinãyamakubaĩshanunã.

1 João 4:19

Deusũ dukũ nuku abukĩ taewanikẽ hawẽ taea nukuri nũ hatube abunametiruki.