João 14:2 - Kaxinawá Bíblia (BR)

² Ẽ Epa Deusũ hiwe anu teke shaka itxapa hayaki. Hawẽ hiwe haska hayamakẽ ẽ matu yuiama ikeanaii. Haskakẽ hanu hiwei mã niti ikama ishanũ ẽ matu pewashuĩ kashanaii.

Kashinawa : Diosun Jesúswen taexun yuba bena yiniki

² En Epa Diosun jiwe anu teke xaka ichapa jayaki. Jawen jiwe jaska jayamaken en matu yuiama ikeanaii. Jaskaken janu jiwei man niti ikama ixanun en matu pewaxuin kaxanaii.

João 14:2 Referencias Cruzadas

Lucas 14:22

kashũ hatu itãkĩ hawẽ shanẽ ibu yuikĩ: “Mĩ ea yunua ẽ abiashu mĩ nawati dĩtu merã itxai teshke iriabumaki. Haska wapa?” aka

João 13:33

—Ẽ bake kayabibuũ, ana hatishuĩra ẽ matube niamaki. Hakia usha eskarabes ka ea benakĩ mã ea betxiama ishanaii. Haska judeu shanẽ ibubu ẽ yuixina keskarã, ẽ maturi yuiai ea nĩkakãwẽ. Hanu ẽ kai anu mã katirumaki.

João 13:36

hanushũ Simão Pedrõ Jesus yukakĩ: —Shanẽ Ibuũ, mĩ hani kai?— aka —Hanu ẽ kai anurã, ikis mĩ ea txibãtirumaki. Hakia txipu mĩ ea txibãshanaii— aka

João 14:28

“Ka matu anu ẽ ana hushanaii”, ikĩ ẽ yuiai mã ma ea nĩkashuki. Hanua Epa Deus shanẽ ibũ ea binuawẽ taea hanu ẽ kashanaii. Ẽ Epa anu ẽ kashanai mã nĩkaiwẽ taea mã benimakeanaii, txanima ea abu kayabirã.

João 16:4

Matu haska waibuaibu ẽ matu yuini matu xinãmai buaibuwẽ taeshũ bebũkiri ẽ matu yuiaii. —Matube bebũkiri nibiashũ haska shabakabi ẽ matu yuiama iyuniki.

João 17:24

—Epaã, mai damiwakĩ taewariama mĩ ea abukĩ ea txashakapa hawẽruawakĩ taewani mĩ habiaskari ea wai hau ebe hiwekĩ uĩshanũbũ habu mĩ ea yununi ebe hatu hiwemashãwẽ— iwanã,

Hechos 9:16

ea txibaĩwẽ taea haskai nuitapakũkaĩshanai ẽ unãmashanairã— aka

2 Coríntios 5:1

Haska inũ, na mai anu nukũ yurawẽ nũ hiwea peã shubuwẽ nũ hiweyua keskabukiaki, hatiara hawaira nũ debushanairã. Hakia nai anu nukũ hiwe nũ hanu hiwei kashanairã, Deusũ ma nuku akibi ashuniki, yurabũ hiwe wamis keskamarã.

1 Tesalonicenses 5:9

Txanima nukuwẽ taea Jesus Cristo nuku mawashuniwẽ taeshũ Deusũ nuku hawẽ kupikatsi ikama nũ hiweabu inũ nũ mawabu nukũ Shanẽ Ibu Jesus Cristowẽ nuku meketã nuku habe hiwemashanai nũ unaiĩ.

Tito 1:2

Deus txani txakaismatũ mai damiwariama hawẽ hãtxawẽ hiweakiri yubakani hatũ hiwea ikibi ika tsumatũ hawa betsa wama ishanai nũ manaii.

Hebreus 11:10

Deusũ hawẽ dami hawa kaneismatũ ma hatu mestẽwãshuni anu hari hatu hiwemashanai maewã Abraãonẽ xinaĩ na mai anushũ dukũ mana taewanikiaki.

Hebreus 13:14

Haska inũ, na mai anu nũ hiweyuarã, mae putatimai has ibua hawẽ nui nũ hanus ipatirubumaki. Hakia Deusũ maewã pepa ha yubani tashnimashanai haskawẽ nũ hiweshanai xinã bestikĩ nũ manakayuaii.

Hebreus 6:20

Nai anu haskai buaibu ha dukũtũ bai wai nuku bai bepẽshuni tsua bebui hikiriama ha nukũ Deusbe hãtxashunika binua ipakeshanai Melquisedeque dayapauni keska nuku ishuĩ kaniki.

Hebreus 9:8

Na haska wakubainiburã, natiã Deusũ Yushĩ Pepatũ ha haska wakubiranibu keska shabakãshũ kẽwãkubiranibu nuku unãmaikiki. Habiaskariai ha bai txibaĩ Deuski nukuti meribihaira anu tsua hikiama ipaunibuki, Jesus Cristõ nuku bepẽshũriamawẽ taearã.

Apocalipse 1:5

Ha dikabi Jesus Cristo hawa txani txakaisma mawatã ha dukũ bestẽni inũ mai hirabi anu habu shanẽ ibu betsa betsapa binui hatũ shanẽ ibumisrã, hau hatũ matu unãnuma hiwemarianũwẽ. Ha inũ, nuku abui nukuwẽ nuikĩ nukũ txakabuwẽ taea mawakĩ hawẽ himi habakĩ nuku buashũrianiki.

Apocalipse 21:2

Hanushũ ana betsa tashnikiranai uĩkĩ aĩbũ huni benewanũ, iwanã, hawẽ beneki nukui kanũ ika hawẽruai keskamis Jerusalém maewã bena ma dasibi iruya pepaya Deusũ nai anua buteaya

Apocalipse 3:12

Tsuabũra ea danãma habũ maemakĩ binumisburã, hanu ẽ Epa Deusũ hiwe anu hawẽ txibu betsa keska tsuã betsetiruma keska ẽ matu washanaii. Hanua mã hani ana kaĩbaĩnama inũbariaii. Haska inũ, ẽ Epa Deusũ kena matuki kenekĩ netãkĩ hawẽ mae Jerusalém Bena ha mae nai anua butushanai hawẽri matuki kenekĩ netãkĩ ẽ kena benari ẽ matuki netãshanaii.

Apocalipse 3:21

Tsuabũra ea danãma habũ txakabu maemakĩ binumisburã, hatu manakukĩ ea dapi tsaumakĩ ẽ hatu shanẽ ibumashanaii, haska eã ẽ binu keyuni ẽ Epa dapi tsauwa ẽ habe shanẽ ibuni keska wakinã.