Jó 31:30 - Kaxinawá Bíblia (BR)

³⁰ Eki sinataibu hau mawanũbũ hatukiri hãtxa txakabukĩ ẽ hatu yupuismahairaki.

Jó 31:30 Referencias Cruzadas

Jó 5:3

Huni betsa mabu paipaimayakĩ hatu binuai ẽ uĩmiski. Hakia txipu ha huni unaĩsmapa hawenabube hiwea hawaira dasibi habu yamai keyuimabuki.

Mateus 12:36

Matu yuinũ nĩkakãwẽ. Hanu unãti washanaitiã: “Hãtxa hari yuitimawẽ mĩ yuipaunirã, haskakenã ea yui pewawe”, akĩ yurabu bestibu tibi Deusũ hatu yukashanikiki— iwanã,

Mateus 5:22

Hawẽ hãtxa ikũki. Ana habiasri matu yusĩnũ nĩkakãwẽ. Tsuara yura betsaki sinatakĩ detekatsi ikĩ mã xinãkubainaiwẽ taeshũ Deusũ matu kupishanikiki, matũ xinã txakabuwenã. Ha inũ, tsuara yura betsaki sinatakĩ itxakĩ: “Mĩ unaĩsmapaki”, ikubaĩmisbu hau shanẽ ibubũ kupishanũbũwẽ. Hamẽ ana yura betsaki sinatatxakayamakĩ txitekĩ: “Mĩ hawa unãmahairaki”, ikubaĩmisbu txi hawa nukaisma anu Deusũ urẽkatsi manakubainikiki.

Romanos 12:14

Ha inũ, tsuãra matu itxakawaibu habiaskari ana xinãma hatukiri pe besti yuikĩ hatu hãtxa wakubaĩkãwẽ. Haska wakĩ pepakiri Deus hatu yukashũkubaĩkãwẽ, txakabukiri yupukĩ Deus hatu yukashunamarã.

Santiago 3:6

Nukũ hãtxarã, txi keskariki. Haska keskawẽ tsukira xinãtxaka pixtakĩ nũ shetxakai hãtxairã, nũ ha hatu dabãmakĩ nuitapa watiruki. Hamapai hãtxa txakabu nũ yuiairã, paeki. Haska xinaĩ nũ hãtxamiswenã, ibubis nukũ hiwea bai menukĩ itsa wakĩ nũ benumiski. Satanás txi anu kashanaitũ hatũ matu xinãmamiski, matũ hiwea pe kainai nakumakĩ txakabu wamakinã.

1 Pedro 3:9

Ha inũ, matu txakabuwabu hatubebis ana txakabuama inũ matu itxabu hatubebis ana manakunaĩ itxakanãma ikubaĩkãwẽ. Hakia matu duawakatsi Deusũ matu katuniwẽ taeshũ matu itxakawabiaibũ ha xinãma pepakiri besti hatu yuikubaĩkãwẽ, hau Deusũ hatu merabewakĩ duawariakubainunã.