Jó 31:28 - Kaxinawá Bíblia (BR)

²⁸ Hakia Deus danãkĩ bari inũ ushe ẽ kẽwãmiswẽ taeshũ Deus nai anua eki sinata txakayamakĩ ea kupitiruki, unãbiai ẽ haki petxiarã.

Jó 31:28 Referencias Cruzadas

Gênesis 18:25

Mĩ hatu haska wayarã, txakabubu inũ pepabu habiaskas txakabu wamisbu keska wakĩ mĩ hatu tenã keyushanai? Mianã, mĩ hatu haska watirumaki, huni txakabubu inũ pepabu habiaskas kupi keyukinã. Mĩ mai hirabi anu uinikaki. Mĩ pewanikawẽ taeshũ mĩ hatu haska yunuismaki— aka

Jó 31:11

Haska ẽ hiwei atimapamiswẽ taeshũ hau Deusũ ea kupihairashanũwẽ.

Jó 31:27

hawa hune inũ shabakabi ẽ hatu kẽwã taskaismaki, ẽ mekẽ hatu meshãshũkinã.

Tito 1:16

Haskawẽ taeshũ habũ yuikĩ: “Deus ẽ ikũwaiĩ”, ibiakĩ hamapai txakabu betsa betsapa akĩ Deusũ haska abumis akama danãmisbuki. Habunã, eska tibi wakinã, hatuki sinatakĩ tsua abuama inũ, huĩti kuxi sinarãwã hawa hatũ xinã pepamawẽ taeshũ hawara pepa wakĩ Deus ashũtirubumaki.

Hebreus 12:23

Habu dukũtũ Deus ikũwaĩ hawẽ bake ikubainibu ma hatũ kena nai anu hatu keneshũ netãni ha yurabu Deus hiweshuni pemisbu hatũ yushĩ Deus dasibi pewanikatũ ma hatu hawa txakabuma wayama Deus dapi ma haki kemani mapuabu nũ xinaiĩ.

Josué 24:23

—Haskakenã, ikis yushĩ betsa betsapa dami matu anua puta keyutã matũ shinã betsa watã matũ shenipabu Israelĩ mekenika Senhor Deusũ hãtxa besti matũ huĩti hirabiwẽ shinãpakeshãkãwẽ, parãmarã— hatu wa

Josué 24:27

hatu dasibi ana yuikĩ: —Uĩkãwẽ. Na mishkirã, ha txanipaketi keskaki. Parananaĩ Senhor Deuski mã txakabutiru hawẽ unãmati keska Senhor Deusũ hawẽ dasibi nuku hãtxa washuki, nũ txakabuwaibu ha mishkipã nukukiri metutiru keskarã— hatu watã

2 Pedro 2:1

Israelbu ẽ shenipabu anu Deusũ hãtxa yuishunika matxupa naxui ika hayanibuki. Habiaskariai matu anuri yusĩnã matxupa matu naxui iria hayabuki. Habu hatũ hãtxa hawẽruabia hatũ xinã txakabuwẽ matu daũkĩ akawakanikiki, nukũ Shanẽ Ibũ ma nuku meketi pewabianikẽ hawẽ kuxipa danaĩ parananaĩburã. Haska matu yusĩkĩ husiaibu Deusũ hawaira hatu kupishanikiki.

1 João 2:23

Haska inũ, tsuabura Deusũ bake danaĩ haki dakeirã, hawẽ Epa Deuskiri dakeriaikiki. Ha inũ, tsuabura dakeyamakaĩ hakiri hãtxai peii: “Ẽ Jesus ikũwaiĩ”, ikĩ hawẽ Epakiri shabakabi wariaikiki.

Judas 1:4

Ha inũ, ha bebũkiri ha yurabukiri Deusũ hawẽ hãtxa hatu kenemani habu parananãmisbu kupinũbariai habias yuini keska na habiatiã yurabu betsa betsapa hune txakabu hayabia matube itxai unãtinãtã hatũ txakabu henekatsi ikama habũ xinãwẽ matu parãkĩ yuikĩ: “Deus pepatunã, hawara txakabu mã wabiaya matũ txakabu buatã kupiama ishanikiki”, akĩ hamapai atimapa matu yusĩ hatũ hiwea pewai beshtekekatsi ikama Jesus Cristo besti nukũ Shanẽ Ibubiakẽ hawẽ kuxipa danãkanikiki.