Jeremias 38:14 - Kaxinawá Bíblia (BR)

¹⁴ Deusũ hãtxa yuishunika Jeremias hau ea anu iwenũbũ, iwanã, hatu yunua Senhor Deus kẽwãti Templo hemaĩtĩ mishkiwẽ kenebaunibu inũ hikiti shui tibi betsa 3 anu dĩtu pishta manaũri iyushũ Zedequias bebũ nitxĩtã buaibũ tsuã nĩkama shanẽ ibuhairatũ Jeremias yuikĩ: —Hawarakiri ẽ mia yuka huneama shabakabi txanimahaira hãtxa besti ea yuiwe, hawa ea parãmarã— aka

Jeremias 38:14 Referencias Cruzadas

1 Reis 10:5

shanẽ ibũ tapu anushũ piti pepa betsa betsapa hatu pimakubaĩmis uĩriakĩ hanu hawẽ unanepa shanẽ ibu beshmasbu pe hiwemisbu uĩ keyubaũkĩ hawẽ dayarubũ tari hawẽrua saweria habũ pe shinaĩ dayashũkubaĩmisbu uĩriakĩ shanẽ ibũ piti inũ hawẽ neshuti hawẽ tenãti dau hayamẽkaĩ, iwanã, ha dukũtũ pikĩ meshũmis unãtã shanẽ ibu pimakĩ neshumakĩ akubaĩmisbu uĩriakĩ, Senhor Deus kẽwãti hiwe bebũ txashuwã tesẽshũ txiwẽ hawẽ yura hirabi kuakĩ Salomãonẽ akubaĩmis dasibi haska sharabu uĩ keyutã haska wamis uĩkĩ shinaĩ hashpa daka e ikũkaĩkĩ

1 Reis 22:16

hakia shanẽ ibuhaira Acabẽ kemakĩ yuikĩ: —Ẽ miki txanibia mĩ ea yui pewaismaki. Senhor Deusũ hãtxa hawara mia yuiai besti ea yuiwe, natiã Senhor Deusũ kena kushipawẽ txanima hãtxa besti ea yuikinã, ẽ nĩkakatsis ikairã— aka

Jeremias 37:17

hanushũ hau bitxiti hiwe anua Jeremias kaĩmabaĩkĩ hawẽ hiwe ewapa hawẽrua anu hau iwenũbũ shanẽ ibuhaira Zedequiasĩ hatu yunua bitxiti hiwe anua iweabu Zedequiasĩ Jeremias hune yukakĩ: —Senhor Deusũ hãtxa kaka bena mĩ ana hayamẽ?— aka Jeremiasĩ kemakĩ yuikĩ: —Haa. Mĩ eskakiaki, ẽ mia yuiai nĩkawe. Mĩ pemaki. Babilônia shanẽ ibuhairatũ mia atxishanikiki— atã