12 Etiópia nawa Ebede-Meleque yuikĩ: —Dispiwẽ besti mĩ neshea mĩ isĩtiruki. Tariwẽ besti pishkãwemetã dispi tsumawe, nũ mia mapemairã— akabu haska yunuabu Jeremias haskaya
Ebede-Melequẽ 30 hunibu katushũ shanẽ ibuhairatũ hiwe anu tari aruti dĩtu anu hikishũ hanua tari sheni katubaĩ ha ũpash kini keyatapa anu kashũ dispiwẽ tari buneshkĩ mestẽwãtã Jeremias anu panĩwãshũtã
hanushũ huni kushipabũ ninibirãkĩ Jeremias mapemabu hanua shanẽ ibuhairatũ hiwe hawẽrua mekenikabũ hemaĩtĩ kenekauna anu Jeremias nitxiãbu hanu hiweyukẽ
Etiópia nawa betsa hawẽ kena Ebede-Melequerã, shanẽ ibuhaira Zedequiasĩ hiwe hawẽrua anushũ dasibibũ betxipaimisbu ũpash aruti kini keyatapa anu Jeremias ma mistukĩ bitxiabu nĩkatã habiatiãri Benjamimnẽ enabũ mai pakeakiri hikiti shui beputikiri shanẽ ibuhaira Zedequias hunibube itxa tsaukẽ
Ha inũ, matũ betsa kayabi keska wakĩ ikũwaĩbu betsabu hawara pepa mã amis xinãma hakia ikũwaĩbu betsabube merabenamekĩ habube nuinamei duanamekubaĩkãwẽ.
Ha inũ, tsuara huĩti benimai xinã txãkaĩbube habiaskariai hatuberi benimai xinã txãkãkubaĩkãwẽ. Ha inũ, tsuara bika teneai huĩti nixma punu nukakẽ habiaskari habetã xinãriakubaĩkãwẽ.
Hakia maturã, mã pepakatsis ikairã, matunabuwẽ nui bestikubaĩkãwẽ. Hawara mã hatube txakabumis daenametã duanameirã, matũ txakabu hakimarabetã ana xinãma pepakubaĩkãwẽ, haska Cristõ matũ txakabu buanikẽ Deusũ ana xinaĩsma keskairã.