Jeremias 37:5 - Kaxinawá Bíblia (BR)

⁵ hanua habiatiãri Egito anua Faraónẽ detenamenikabu itxapa tashnibirãkĩ Jerusalém merabewanũ ika beaibu Caldéia nawabu detenamenika itxapabũ Jerusalém kebauni nati ishũ hatu tsaka tsaka akaibũ Egito nawabu beaibu bana nĩkatã hatube detenamakatsi ikama hatu henebainaibũ

Jeremias 37:5 Referencias Cruzadas

2 Reis 24:7

Hene Eufrates anushũ Egito nawa detenamenikabu maemakĩ taewakĩ hanira hatũ mai pakea Egito shanẽ ibuhairatũ hatu atxinibu Babilônia shanẽ ibuhairatũri ana hatu mebĩkĩ atxibirãkĩ Egito mai pakea kesha anu pashku napaku hawẽ kena Egito pashku anu atxĩkĩ Babilônia shanẽ ibuhairatũ heneimawẽ taea mai pakea betsa ana hawẽ shanẽ ibu hayamawẽ taea Egito nawa shanẽ ibuhaira ana hawẽ mae anua tashniama ikũkainikiaki.

Jeremias 37:11

Faraónẽ detenamenika itxapabu beaibu Caldéia nawabũ nĩkatã Jerusalém dapikea Caldéia nawabũ hatu henebaini ma bushiãbũ

Jeremias 37:6

hanua Deusũ hãtxa yuishunika Jeremias Senhor Deusũ yunukĩ ana yuikĩ:

Jeremias 37:7

“Ea Israelĩ enabu mekenika Senhor Deusũ eska ẽ mia yuiaii. ‘Hau ea yukanũbũ Judá enabu shanẽ ibuhairatũ hatu yunua beabu Zedequias eska ea yuishũwẽ: Matu merabewanũ ika Faraónẽ detenamenikabu itxapa tashnibiabirani beshiãbu hatũ mai pakea Egito anu ma ana txĩtuãbuki.