Jeremias 37:21 - Kaxinawá Bíblia (BR)

²¹ nĩkatã shanẽ ibũ hiwe hawẽrua mekenikabũ hemaĩtĩ kenekauna anu mekeshũ shaba tibi misi ewapa bestitxai hau inãkubainũbũ shanẽ ibuhaira Zedequiasĩ hatu yunua harishũ mekekubaĩkĩ misi hayayukẽ misi wanikabũ bai anua shaba tibi misi ewapa bestitxai beshũbirãbiranabu shanẽ ibũ hiwe hawẽrua mekenikabũ hemaĩtĩ kenekauna anu Jeremias hiweyukẽ,

Jeremias 37:21 Referencias Cruzadas

Jó 5:20

Piti hayama buni mawabaunaibũ Deusũ mia merabewakubaina mĩ mawama ishanaii. Ha inũ, hanu detenameaibutiã nupe txaipawẽ mia detenũ ika ibiaibũ Deusũ hatu mia nemashũshanikiki.

Salmos 37:19

Bari betsatiã betsabũ bika tenei buniaibũ tsuabũra Deus duawamisrã, hawa dakeama inũ hatũ piti hayakubaĩshãkanikiki.

Salmos 37:3

Na mai anu mã hiwearã, Senhor Deus ikũwaĩ haki txiti ikĩ pepa besti aki txĩtuãma txibãkubaĩwẽ.

Provérbios 16:7

Tsuara hiwei pekũkaĩkĩ Senhor Deus benimawaibũ hanushũ hatuki sinataibu Senhor Deusũ hatu daewashũtiruki, hau ana habe sinatama ha dabe hau hiwei pekubainũbunã.

Provérbios 21:1

Haska shanẽ ibuhairatũ shinãkĩ atirurã, Senhor Deusũ kushipawẽ haska betxipaiai amamiski, hawẽ shinã hene bai tapia keska washũkinã.

Isaías 33:16

haburã, txanima hatũ hiwea mestẽki. Hanu pashai hiwei meketiruburã, hatũ hiwe kushiparã, mishki hiweki. Habu hiweabu anurã, piti hamẽ ikai inũ ũpash hawa yupama ishãkanikiki.

Jeremias 38:13

hanushũ huni kushipabũ ninibirãkĩ Jeremias mapemabu hanua shanẽ ibuhairatũ hiwe hawẽrua mekenikabũ hemaĩtĩ kenekauna anu Jeremias nitxiãbu hanu hiweyukẽ

Jeremias 38:28

shanẽ ibuhairatũ hiwe hawẽrua mekenikabũ hemaĩtĩ kenebauni anu habianus Jeremias hiweyukẽ habiatiãri Caldéia nawabu detenamenikabu beshũ Jerusalém atxinibukiaki.

Jeremias 38:6

haska hatu shinãmaiwẽ taeshũ Jeremias atxishũ shanẽ ibuhairatũ hiwe mekenikabũ hemaĩtĩ kenekauna anu shanẽ ibũ huni bake Malquiasĩ ũpash wakĩ mai kini keyatapa wanibu ũpash hayama anu mistukĩ dispiwẽ buteabu uke merã pupushaira anu Jeremias pukuabu seukua nikẽ

Jeremias 38:9

—Ẽ shanẽ ibuũ, mibe hãtxapa?— aka —Peki. Haskaramẽkaĩ, ea yuiwe— aka Ebede-Melequẽ unãshubira yuikĩ: —Haska Jeremias ha hunibũ ashiãburã, txakabuhairaki. Ũpash aruti kini keyatapa pupus besti anu nitxĩshinabu haria buni mawaya nukũ mae ewapa anu ana misi hayamaki— aka

Mateus 6:33

Hakia hawara Deusũ abuai txibãkĩ ha dukũ Deus shanẽ ibuwakĩ xinãkubaĩshãkãwẽ. Mã haska wai ha katxu hawẽ hiweti piti inũ tari mã hayakũkaĩshanaii, Deusũ matu merabewarã.

Hechos 12:5

Pedro kene merã bitxixinabu hatu keshe pehairawamabũ hanua ikũwaĩbu hawẽ nuikĩ hau tashnimanũ hakiri Deusbe hãtxakĩ yukatxakayamashũkĩ heneabumakẽ

Hechos 24:27

hawẽ hãtxa nĩkabiakĩ judeu shanẽ ibubu daewakatsis ikĩ Paulo hawa nitxiãma ma bari dabe ka hanua Félix hawẽ daya menetã kaĩkainaya Roma anua shanẽ ibu betsa hawẽ kena Pórcio Festo Cesaréia anu shanẽ ibui taeniki.

Hechos 28:16

ana kai mae ewapa Roma anu nũ hikia huni bitxinibu betsabu Romano shanẽ ibubũ hau hatu ana bitxinũbũ hatũ soldadobu yunutã hakia Paulo haska wama hau tari meribi hiwe betsa anu soldado bestitxai habe meneshekerabetã hau mekekubaĩshanũ yunuabu

Hechos 28:30

hiwe inãyuimabu pakakubaĩkĩ hanushũ bari dabe nitxĩ hanu haki bai buaibu dasibi haska habe hãtxakatsis iki buaibu hatu i pewakubainiki.

Efésios 4:1

Nenu eska ẽ bika tenei hiweyushũ meairã, nukũ Shanẽ Ibũ ea yununi ẽ akubainaiwẽ taeshũ ea atxitã ea mekeimashũ ea heneabumakẽ hau mã ikũwaĩbu Deusũ matu kenani hiwei pepai haskakĩ mã unãkubainũbũ ẽ matu yunuai xinaĩrakubaĩkãwẽ.

Efésios 6:20

Haska inũ, Deusũ ea katushũ hawẽ kuxipaya hãtxashunika ea wani ẽ hawẽ kakape yusĩbaũmiswẽ taeshũ habũ nenu ea iweimashũ ea bitxikĩ akawaimabu nenushũ ẽ bika tenebiakĩ hawa dateama nukũ Shanẽ Ibukiri hãtxai ẽ txanikũkaĩnũ ea Deus yukashũkãwẽ.

2 Timóteo 1:8

Mia haska washuniwẽ taea nukũ Shanẽ Ibukiri yusĩ hakiri hãtxai haki dakeyamakũkaĩwẽ. Ha dikabi, hawẽ taeshũri nenu ea bitxiabuwẽ taea ewẽri taea ekiri hãtxairi ewẽ dakeyamariawe. Dateama eskakũkaĩwẽ. Deusũ nuku kuxipa wakubaĩmiswẽ taeshũ Jesus Cristo mekenãkiri kakape nũ hatu yusĩayã nuku itxakawaibuwẽ taeshũ miari bika tenemabiabu hatuwẽ dateama Deusũ kuxipayashũ yusĩkĩ heneyamawe.

2 Timóteo 2:9

Jesus Cristokiri ẽ yusĩkubaũmiswẽ taeshũ ea itxakawabu tenekĩ ẽ meaii. Huni atimapa hawaki dateama txakabuwai betxitã amisbu keska wakĩ ea nemakĩ mane dispiwẽ ea meneshabu keska wariakĩ Deusũ hãtxa kakape yuikĩ ẽ datã amisrã, ha tsuã nemakĩ neshatirubumaki.