Jeremias 37:15 - Kaxinawá Bíblia (BR)

¹⁵ “Tashnikainũ ikaya ẽ iweshuki”, hatu wa habu Jeremiaski sinatahairakĩ hau bitxinũbũ shanẽ ibu beshmasbũ hatu yunua kusha kusha atã keneshunika Jônatasã hiwebiakẽ ma bitxiti hiwe washiãbu anu iyushũ bitxiabu

Jeremias 37:15 Referencias Cruzadas

Gênesis 39:20

atxishũ bitxiti hiwe anu hatu bitximakẽ Egito shanẽ ibuhaira Faraónẽ yunua ashuãma kaneaibu hatu bitximisbu anu José hatube bitxiti hiwe merã hiweyukẽ

Jeremias 26:16

hanua shanẽ ibubu inũ yura kaianẽ hawenabu Deusbe hãtxashunikabu inũ Deusũ hãtxa yuishunika txakabubu hatu yuikĩ: “Nukũ mekenã Senhor Deusũ kena kushipawẽ nuku hãtxa waikiki. Ha huni hau tenanũbũ hawawẽ taeshũ nũ hatu yunutirumaki”, ikaibũ

Jeremias 37:20

Shanẽ ibuũ, ẽ mia merabe yukaii. Mĩ ea ashũtirumẽ? Haria ẽ mawayamanũ Jônatasã hiwe anu ea ana hatu yunuyamawe— abia

Jeremias 37:4

habiatiãri Jeremias atxitã bitxiriabuma hawa wabuma yurabu mapuabu anu nashui ika niaki haki nukutã

Jeremias 38:26

Mia haska wabiabu hatu kemakĩ eska hatu yuishãwẽ: “Haria ẽ mawayamanũ Jônatasã hiwe anu ea ana yunuyamawe”, akĩ, “Haska besti shanẽ ibuhaira ẽ ea ashiãki”, akĩ hatu yuishãwẽ— abaini kashĩke

Jeremias 38:6

haska hatu shinãmaiwẽ taeshũ Jeremias atxishũ shanẽ ibuhairatũ hiwe mekenikabũ hemaĩtĩ kenekauna anu shanẽ ibũ huni bake Malquiasĩ ũpash wakĩ mai kini keyatapa wanibu ũpash hayama anu mistukĩ dispiwẽ buteabu uke merã pupushaira anu Jeremias pukuabu seukua nikẽ

Mateus 21:35

habũ hawena inãkatsi ikama uva bimi mekeabũ hawẽ tsumabu betsa atxishũ kuxa kuxa atã betsa debu watã betsa mixkiwẽ tsaka tsaka atã hawa inãma nitxiãbu

Mateus 23:34

Haskawẽ taeshũ matu merabewanũ ishũ ea ikũwaĩ Deusũ hãtxa yuishunika inũ unãnepabu inũ yusĩnãmis pepabu hau yusĩ benũbũ ẽ yunushanaii. Ẽ haska wabiakẽ matũ hatu danãkĩ betsabu tenãkĩ bestibu cruzki hatu mastamakĩ betsabu matũ itxati hiwe merãshũ kuxa kuxa akĩ mae tibi anushũ mã hatu itxakawakĩ bika tenemashanaii.

João 18:22

hari Jesusũ kemaya Templo mekenika betsa Jesus dapi nishũ mekẽ petxiuri kepais akĩ yuikĩ: —Nukũ shanẽ ibuhaira haska yuiyamawe— aka

Hechos 5:18

Templo mekenikabu hatu yunua atxitã hatũ mae meketi hiwe merã hatu bitxiabũ

Hechos 5:28

—Ha huni akimabukiri mã hatu yusĩaĩbu nũ matu nemahairabiaxina nukũ hãtxa hawa nĩkama haskakĩ Jerusalém anuabu hatu itxawakĩ mã ha hunikiri yusĩkĩ heneamamẽ? Haska wakĩ ha huni nukukiri yuikĩ: “Mã hatu tenãmaimaki”, akĩ mã nuku hawẽ taeshũ yuãkĩ mã nuku hatu dake wamakubainaii— ikaibũ

Hechos 5:40

—Peki— iake iaketã Jesusũ kuxipayabu hatu ana kenashũ itxakawakĩ hi siriwẽ hatu kuxa kuxa ama bestitã ana hau Jesuskiri hatu yusĩyamashanũbũ ha akĩ hatu nemahaira bestitã hatu nitxĩkĩ heneabu

Apocalipse 2:10

Matu bika memashanaibuwẽ taea dateyamakãwẽ. Eska wakĩ diabõ bestibu matu hatu atximatã bitxiti hiwe anu matu bitximashanikiki. Haska wakĩ dasibi mã ea ikũwaĩbu matu bika tenemaibu hawẽ matu unãti wakeakeshãkanikiki. Haskawẽ taea dez dia besti haska matu tenemaibuwẽ taea txĩtũyamashãkãwẽ. Matu itxakawakĩ matu tenãbiaibũ tenekubaĩshãkãwẽ. Matu haska waibuwẽ taeshunã, eãnã, matũ manakuti inãkinã, hiwea kayabi ẽ matu inãshanaii.