Jeremias 31:28 - Kaxinawá Bíblia (BR)

²⁸ Eã hatu uĩhairakubaĩkĩ hatunabu ẽ betseni inũ, ẽ hatu berani inũ, hatu putakĩ itxakawakĩ ẽ hatu yamawaniki. Eã hatu haska wabianishũ ẽ hatu uĩkubaĩmiski. Natiã hatu uĩriakĩ ẽ hatu merabewashanaii, benikĩ ana hatu kushipawakĩ hatũ mae ana inãkĩ hatu bana bena wakĩ ẽ akawashanaii. Ea ẽ Senhor Deusũ ẽ mestẽwaiĩ.

Jeremias 31:28 Referencias Cruzadas

Salmos 69:35

Deusũ ha maewã Sião ana meketã Judá mai pakea anu hatũ maewã tibi ana hatu benawamakĩ benimashanikiki. Deusũ tsumapã bakebũ ha maewã ibu watã ha merã hiwekĩ hatuna wanũbarikanikiki. Habũ Deusũ kena betxipaimisbu ha merã hiwepakeshãkanikiki.

Jeremias 1:10

“Mĩ kesha anu ẽ hãtxa mistukĩ ẽ mia inaiĩ. Natiã mia tsuã binutirumawakĩ ẽ mia kushipawaii. Shanẽ ibu kushipabu inũ dasibi nawabu hiwebaunabu mĩ hatu betsea keska washanai inũ betsabu mĩ hatu berãshanaii. Betsabu hatu nuitapawakĩ mĩ hatu yamawashanaii. Betsabu mĩ hatu denekĩ akawashanaii. Ha dikabi betsabu merabewakĩ mĩ hatu ana benishanaii, mibã ana banakĩ hatu akawakinã”, iwanã,

Jeremias 1:12

Senhor Deusũ ea ana yuikĩ: “Haska txanima mĩ pe yuiaii. Haska ẽ yunua hau txibãkĩ menekubainũbũ eari ushama ẽ uĩkubaĩshanaii”, ea watã,

Amós 9:11

Senhor Deusũ ana yuikĩ: “Davĩ enabũ mae nawabũ hatu babu watã di akĩ txakabuwanibu ana habianuri mishki di anibu benikĩ hatũ mae ẽ hatu kushipa washanai ma kemaikiki. Uatiã hiwenibu keska ana hiweshãkanikiki. Edom enabu hatiri tesheabu inũ yura shukuabu tibiki ẽ kena ẽ netani Israelĩ enabube hau ana dasinũbũ ẽ hatu kushipa washanaii”, itã hawẽ hãtxa Senhor Deusũ habias yuiai keska akĩ meneshanai yuinikiaki.

Amós 9:14

Enabu Israelbu txaihaira anu iyunibu hawenabu ẽ hatu txĩtũwãshanaii, haria ana hatu iwekinã. Beshũ hatũ maewã txakabuwanibu ana hawẽ shãtukũ ana benikĩ pewakĩ keyutã hanu hiwewabaũkĩ uva bai banaima bimiai vinho washũ akubaĩkĩ yunu bai banaimabu hatũ yunu bimi tibi pikubaĩshãkanikiki.

Hechos 15:16

‘Israelbu kupitã ana hushũ Davi shanẽ ibu ini keska wakĩ hawẽ baba betsa merabewakĩ kuxipa wakĩ ha hiwe di ini keskabu ẽ ana hatu benishanaii.