Jeremias 31:14 - Kaxinawá Bíblia (BR)

¹⁴ Hawenabu Deusbe hãtxashunikabũ piti pepa pikubaĩshãkanikiki. Ẽ hatu duawaya piti hamẽ ikai enabũ yaniwakubaĩshãkanikiki. Ea ẽ Senhor Deusũ ẽ hãtxawẽ ẽ matu mestẽwaiĩ”, iwanã,

Jeremias 31:14 Referencias Cruzadas

Salmos 63:2

Mĩ tari hiwe meribi meranua ẽ mia uĩkatsis ikaii, mĩ kushipa inũ mĩ hawẽrua uĩ shinã txãkainã.

Salmos 63:5

Piti itxapa hawẽrua watã pi benimai shinã txãkaĩ pepemisbu keskakĩ ẽ huiwẽ benimakĩ ẽ mia kẽwãkubainaii.

Salmos 63:6

Meshu merã inatã ushakĩ mia shinãkubaini ẽ ushamiski.

Salmos 65:4

Haratura yura mĩ hiwe meribi anu mia dapi hiwemakĩ katushũ mĩ iyua benimakũkaĩmiski. Betsa betsapa pehairawẽ mĩ hatu duawarã, mĩ hiwe meribi anua nũ pe hiwekatsis ikaii.

Isaías 61:6

Habũ matu kenakinã: “Habu Senhor Deusũ tsumaburã, hawenabu Deusbe hãtxashunikabuki”, matu washãkanikiki. Nawabu txaikeshũ hatũ hamapai ibubis matu beshuãbu mã hawẽ benimai shinã txãkãshanaii, hatũ tari hawẽrua inũ hatũ dauti pepa sawea mapuarã.

Mateus 5:6

—Ha inũ, tsuabura hawara pepa besti abutxakayamai hawẽ nuihairaiwẽ manakukĩ Deusũ hatu yaniwama keska washanaiwẽ taea benimapaketi xinaĩ benimakubaĩkanikiki.

Efésios 1:3

Nukũ Shanẽ Ibu Jesus Cristõ Epa Deus kẽwãkubainãkãwẽ, Deusũ bake Cristo nũ ikũwaĩbuwẽ taeshũ naiurishũ hawẽ pepawẽ nuku manakukĩ Deusũ hawẽ bakewẽ hamapai tibi pepa nũ uĩaĩ inũ nũ uĩyama hawẽ xinã txãkãmati yushĩ nuku inãkubainaiwẽ taeshunã.

Efésios 3:19

Haska hawẽ nui mã unaĩnã, pesheixta besti hawẽ nui unãkĩ haska hawẽ nui betsa betsapa meshti akĩ mã hawa tanatirubumaki. Deusũ hawẽ kuxipa pepa haska tsuã bikĩ nũ keyutirubumakiri mã unãnũbũ ẽ matu yukashũriamiski.

1 Pedro 2:9

Hanua maturã, yura shuku betsa matu katuniki. Ha inũ, shanẽ ibu binua Deusbe hãtxashunikabu matu dasibi wakĩ ikũwaĩbu meribi shukua betsa matu wakĩ Deusũ ibu wakĩ abukĩ hawenabu matu warianiki. Haskawẽ taeshũ hakiri hawẽ daya pehaira Deuskiri mã txanikubaũshanũbũ mã mexu merã ika keskashũ txakabu wamisbu hanua matu kenakĩ Cristõ shaba hawẽrua anu matu hikimakĩ hiwemakatsi matu tashnimaniki.

Apocalipse 5:10

Deusbe hãtxashunikabu mĩ ma hatu waniki. Deusbe hanu shanẽ ibushanaibu hatu wanishũ mai anua habu shanẽ ibushãkanikiki. Haskakẽ miã besti Deusũ una bishũ mĩ txuretiruki. Mĩ pepahairaki”, akaibũ