Isaías 8:22 - Kaxinawá Bíblia (BR)

²² hanushũ txipu maĩ tinĩtã hawa pepaki nukuama nuitapahairai inũ meshu merã bika besti tenei dasibi meshũ besti atxia uĩshãkanikiki. Habũ hatu atxia harakiri shinãbaini pashatirubuma ishãkanikiki.

Isaías 8:22 Referencias Cruzadas

Êxodo 10:21

hanushũ Senhor Deusũ ana Moisés yuikĩ: —Hau ana mapubaũkĩ hamapai sharabu uĩyamanũbũ Egito mai hirabi anu hau meshui keyunũ mĩ mekẽ naiuri sanãwẽ— aka

Êxodo 10:22

naiuri hawẽ mekẽ Moisĩ sanãyã hanu Egito nawabu hiwebaunabu anu meshu tẽ ikaitũ hatu atxishina yame ikibi ishĩshũ shaba dabe inũ besti bari hayamakẽ haska washũ ha dapi hiweabu ana uĩtirubuma inũ hawa ana haskatã maputirubumakẽ hakia hanu Israelĩ enabu hiwebaunabu anu besti bari peshei txashakẽ

Provérbios 14:32

Huni txakabu hatũ txakabuwẽ txakabuwai di imisbuki. Hakia huni pepabu duapakubaini hawẽ pepawẽ hawa dateama unanuma mawatirubuki.

Isaías 30:6

Egito nawabũ hau hatu merabewai benũbũ, tsuabũra hatu benai buirã, eskashãkanikiki. Hatũ jumento inũ hatũ camelo kamaki hatũ mabu inũ hatũ inãkuĩ pepa peumatã ha mai pakea Egito mae anu hamẽ bushũshãkanikiki, eska anu kapukebaĩkinã, hanu tsua hiweama sul anu yuinaka mese pubẽ itxapa hiweabu anu inu betsa leão hi hi ikai inũ, dunu paepa pianãbu inũ, yuinaka sheanã nuyabaunaibu anu nashui ikaĩkinã.

Isaías 50:3

Nai kashai keska wakĩ meshu wakĩ ẽ bepua tsuara mawashĩkẽ hatu manui punu nukamisbu keska ẽ wamiski.”

Isaías 60:2

Yamepanã, mai bepuaki. Meshu tẽ ikaitunã, nawa shukuabu atxiaki. Hakia Senhor Deusũnã, hawẽ txasha matu anu peshakĩ hawẽ kushipa matu uĩmaiwẽ taea

Isaías 8:20

haskashanaibu tapĩkinã? Haska hakiri hãtxakĩ yukabiamisburã, habũ yuiairã, patapa unaĩsmapabuki!

Isaías 9:1

Galiléia mai pakea anu Zebulom maewã inũ Naftalĩ maewã anu ha dapi nawabũ Deus ikũwãbuma hiweabu, Hene Jordão kesha ukeri inũ Ianẽwã Mediterráneo kesha betsauri nawabu hiweabu Deusũ ha dukũ hatu itxakawabiapaunishũ ana betsatiã Deus habuwẽ nuikĩ hatu duahairawashanikiki.

Mateus 22:13

hanushũ shanẽ ibũ ha habũ hatu piti inaĩbu hatu yuikĩ: “Na huni txakabu huneshkĩ meneshtã bukĩ hanu mexuhaira merã urẽtãkãwẽ, hau hari hiwea bika tenei kashai sheta yẽsh yẽsh ashanunã”, hatu waniki.

Mateus 24:29

hanushũ nuku yusĩkĩ meneriama ana nuku yuikĩ: —Yumaĩ keyuaibu binukainaya nai anua dasibi betsa betsapashanikiki. Bari ana pesheama nukai taeaya usheri ana txashama mexuaya bixi niri iki keyui dasibi nai taka taka iki txuruãyã

Mateus 8:12

Hakia nukunabu Deusũ yubabiani hawẽ hãtxa txibãkĩ ikũwãbumakẽ hatu danãtã hanua kashai sheta yẽsh yẽsh imisbu mexuhaira merã hatu urẽshanikiki— itã

Judas 1:13

Ha inũ, iãnẽwã niwẽ betxuruãkĩ tũkash akĩ kesha anu bakush henebaĩmis keskakĩ habũ txakabuwai parananãkĩ dake pae shabakabi henebainaibu dasibibũ uĩtirubuki. Ha inũ, bixi hawẽ bai ana tanabainama keskai ha parananãmisbu unãnumas buaibu ana tsuã txibãtirubumaki. Haskawẽ taeshũ hanu mexuhaira Deusũ hatu washuni anu hanu hatu nitxĩtã kupihairashanikiki, niti akamarã.

Apocalipse 16:10

Hanua nai tsuma ha quinto kashũ hawẽ kẽtxaki Deus sinatamis mata yuinaka mese atimapahaira haki tsauti anu huka hawẽ mae mexuaya yurabu ana hawawẽ haskatima isĩ tenei hatũ hana bushtebaĩbaina manibia