Isaías 8:10 - Kaxinawá Bíblia (BR)

¹⁰ Mã nukukiri yubakabia mã akama ishanaii. Haska betxipaikĩ mã katushũ yuibia mã nuku akama iriashanaii, Deus nukube nashui itã nuku mekeawẽ taearã.”

Isaías 8:10 Referencias Cruzadas

Gênesis 21:22

Habiatiãri Gerar nawa shanẽ ibu Abimeleque hawẽ detenamenikabu shanẽ ibu betsa Ficolbe Abraão anu hushũ yuikĩ: —Mĩ Deusũ haibuki. Dasibi mĩ akai Deusũ mia merabewakubaĩmiski.

2 Samuel 15:31

Aitofel unanepatũ Davi merabewakubainima ana merabewama hakia natiã Absalão merabewaya Davi yuiabu hau Aitofelĩ haska shinaĩ Absalão amakatsi merabewakubainai hau haska amakatsi ikai Senhor Deusũ kanemashanũ Davĩ Senhor Deus dayuikĩ ea akaya

2 Samuel 17:23

hawẽ yusiã hãtxa nĩkatã ashuãbumawẽ taea Aitofelĩ unãtã punu nukai huĩti nishmatã hawẽ jumentoki katsaumekaini kaĩkaini hanua kaini anu kashũ hanushũ hawẽ hiwe inũ hawẽ mabu inũ hawẽ yunu bai betsa betsapa hawenabus hatu yunu keyutã habiatiãri dispi bua hiki neshatã ibubis tenesheketã mawa hawẽ epa maiwanibu dapi maiwarianibukiaki.

2 Samuel 17:4

Absalão inũ anibu unanepa merabewanikabũ nĩkatã hawẽ yubati hãtxa pe betxipaiaibũ

2 Reis 6:12

habu bestitxaitũ kemakĩ yuikĩ: —Shanẽ ibuũ, nukũ nũ yuismaki. Hakia Deusũ hãtxa yuishunika Eliseu Israelĩ enabube hiweshũ haska mĩ hune nuku yuimis inũ haska mĩ ushatianua mĩ hãtxai unãtã Israelĩ enabu shanẽ ibuhaira unãmakĩ hawẽ shanẽ ibuhaira yuimiski— aka

Jó 5:12

Unanepa hãtxai yubakai parananaĩbu hatũ shinã hamẽ wãkĩ Deusũ hatu txakabuwamakĩ hatu itimaska wamiski.

Salmos 46:1

Hawara bikahaira nũ teneai nukũ Deusũ nuku merabewamiski. Nuku keshekĩ nuku arua tsuã nuku metiruma Deus nukũ kushipahairaki.

Salmos 46:11

Ha nukũ Senhor Deus dasibi kushipa binu keyua na habia nukubeki. Jacó Deusũnã, nuku keshekĩ nuku arua tsuã nuku metirumaki!

Salmos 46:7

Ha nukũ Senhor Deus dasibi kushipa binu keyua na habia nukubeki. Jacó Deusũnã, nuku keshekĩ nuku arua tsuã nuku metirumaki!

Salmos 46:8

Senhor Deusũ hawẽ kushipawẽ na mai anushũ nawabu hatu dateakeakeimarã, neri beshũ uĩ bekãwẽ.

Provérbios 21:30

Unanepa inũ, tapinika hãtxa inũ, yubakai penikã habũ Senhor Deus yuibiakĩ binukĩ maematirubumaki.

Isaías 41:10

Dateyamakãwẽ, ẽ matubekirã. Dateyamakãwẽ. Earã, ẽ matũ Deuski. Matu merabewakĩ ẽ kushipa ẽ matu inãmiski. Ea kushipa binumamistũ matu tsumashũ hawa matu heneama ẽ matu mekekubainaii.

Isaías 43:5

Dateyamakãwẽ, ẽ matube niakirã. Matunabu ana itxawakĩ nenuma bari huaikiria inũ bari kaikiria hatu iwekĩ ẽ txĩtũwãshanaii.

Isaías 7:14

Mĩ haska shinãbiaya Senhor Deus kayabitũ hawẽ unãmati hatũ matu uĩmashanikiki. Txipash tsuã txutariama anua huni bake nanetã kaĩshanikiki. Ibuã hawẽ kena kenakinã, Emanuel washanikiki.

Isaías 8:8

Judá mai pakea hari binubaĩ hari kesuismabia kẽku tsakashanikiki. Isa hawẽ pei pexa dakamis keskakĩ, Emanuelĩ, mai hirabi mĩ atxi keyushanaii.

Isaías 9:6

Hamẽ betsarã, Deusũ hawẽ kushipawẽ dasibi betsa wakĩ bakeishta nuku inãshanikiki. Ha bake nuku anu yunua kaĩshanikiki. Hatũ kushipa bitã shanẽ ibuhairashanikiki. Hawẽ kena tibi inãkinã, eska washanikiki: Hawẽ yubakani nũ haskashanai unãmanika pehairaki. Deus kushipahaira tsuã binutirumaki. Epa hiweibi hiweaki. Hawẽ taea Deusbe unanuma hiwetiki.

Joel 3:9

ana hatu yuikĩ: “Nawa shukuabu tibi na ẽ hãtxa hatuki txanibaũkãwẽ. Detenamenikabu hau dasibi hatu pewakĩ keyunũbũwẽ. Hatũ mẽtsisipabu hatu kena bea detenamebaĩkatsi hau itxai benũbũwẽ.

Números 14:9

Hakia nukũ mekenika Senhor Deus danãyamakãwẽ. Ha dikabi, ha mai pakea anu hiweabuwẽ dateyamariakãwẽ. Senhor Deusũ nuku merabewakĩ hatũ mekenika yushibu nemaya misi pia keska wakĩ nũ hawaira hatu maemashanaii. Nukurã, Senhor Deuski nũ txiti ikaki. Hakia haburã, tsuã hatu mekeamaki. Hatuwẽ hawa dateyamakãwẽ— hatu abiabu

Mateus 28:20

Hatu haska wakĩ haska ẽ matu yusĩmis hau habũri txibanũbũ dasibi hatu yusĩakeakeshãkãwẽ. Mã hatu haska waya earã, hanu na mai hirabi anu bari keyuriamatiã dasibi mã ea ikũwaĩbube dasitã bari tibi ẽ matu merabewapakeshanaii— nuku waniki. Hatiski, nukũ Shanẽ Ibukiri ẽ hãtxa ikũnã. Mateu

Romanos 8:31

Haskakẽ Deusũ haska xarabu nuku ashuniwẽ taeshũ haratubũra txakabuwakĩ nuku tenemaibu habu hawauma keskabuki, Deus kuxipahairatũ nuku mekekĩ binuhairawẽ taearã.

Josué 1:5

Mĩ hiweyua hatube detenameaya tsuãra mia binutirubumahairaki. Ẽ Moisés merabewakubirani keska wakĩ habiaskari ẽ mia merabewakubaĩshanaii, putakĩ hawa henebainamarã.

1 João 4:4

Ẽ bake keskabuũ, mã Deusunaburã, hawẽ Yushĩ Pepa kuxipa mã hayawẽ taeshũ Satanásã hatu merabewabiamiskẽ ha parananaĩbu mã hatu binu keyuaki. Satanás kuxipabiakẽ Deusũ Yushĩ Pepa kuxipahairatũ ma binuaki, matu merabewakinã.