Isaías 65:2 - Kaxinawá Bíblia (BR)

² Ha enabu sinatapabũ ea nĩkabumabiakẽ hawẽtsaĩs ea anu hatu txĩtũwanũ ishũ ẽ hatu meshãshũbia hawa ea nĩkama haska hatũ bai txakabu besti tanakĩ hatũ shinanẽ besti haska betxipaiai aki hawẽ kẽmisbuki.

Isaías 65:2 Referencias Cruzadas

Gênesis 6:5

Senhor Deusũ hatu uĩkĩ: “Mai anu yurabu txakabuhairakĩ hatũ shinã txakabu hawa heneabumahairaki.

Provérbios 1:24

Mã ea nĩkai benũbũ ẽ matu kenabia hushũ mã ea hawa nĩkakatsis ikamaki.

Provérbios 16:29

Hawaira detenamekatsi imistũ hawẽ haibu ha dapi hiweabu parãkĩ haska hawẽ haibũ shinãmabiakẽ hatu yunu txakakubaĩmiski.

Isaías 1:2

Nai inũ maiĩ, matũ Senhor Deusũ matu yuiai nĩkakãwẽ. “Matũ bakebu ẽ hatu yumewabia habu huni ewatã hakia habũ ea danaĩ eki sinatakanikiki.

Isaías 1:23

Haska inũ, matũ shanẽ ibuburã, sinatapa yumetsubũ haibuaibuki. Ana pei mais hatu pewashũkatsi ikama hatu parãkĩ hatũ peiwẽ besti hatu itxakawakubaĩkanikiki. daketapai ea inãkuĩwẽ ika ea ikĩ bena bestikubaĩkanikiki. Bake ibuumabu hatu pe merabewati shinãbiai habũ hatu uĩs bestikanikiki. Ha inũ, aĩbu beneyabiani beneumabukiri habũ hatu merabewai pe hãtxashũkatsi ikama hatuki petxiabuki.

Isaías 30:1

Deusũ hawẽ hãtxa mestẽwãkĩ yuikĩ: “Ẽ yusiã nĩkaisbumã bakebuũ, mã peirashãkãwã! Ebe hãtxai yubakamabia mã ibubis yubakaii. Haska eã daya shinãkĩ ẽ matu yunuamabia ibubis matumebi daya tibi akatsis ikĩ mã katumisbuki. Haska shinãkĩ mã itxawamisrã, txakabu itxapa mãtxiã keska wakĩ mã ewawaii.

Isaías 30:9

Ha yura hiweabu yusĩ nĩkaisma sinatapabu inũ Deusũ yusiã txibã pewaisma unaĩsmapabuki, habũ Deusũ yusiã hawa nĩkakatsi isbumarã.

Isaías 55:7

Huni txakabubũ hau hatũ hiwea txakabu inũ hatũ shinã txakabu henetã hau Senhor Deus anu benũbũwẽ. Mã haskaibuwẽ taea Senhor Deus matuwẽ nuishanikiki. Matũ txakabu henetã Deus anu txĩtũribirãkãwẽ. Harã, matuwẽ dabanã ikĩ matũ txakabu matu buashũshanikiki.”

Isaías 55:8

Senhor Deusũ ana hatu yuikĩ: “Ẽ shinanã, matũ mã shinãmis keskamaki. Ẽ haska amisrã, matũ mã amis keskamariki. Nai keyatapa nenumahairatũ mai binua keska ẽ shinãmis inũ haska ẽ amistunã, matũ shinã ẽ binuaki”, ikĩ Senhor Deusũ hawẽ hãtxa txanima mestẽwaniki.

Isaías 63:10

Hatu haska wabia Israelbũ Senhor Deusũ Yushĩ sinatamakĩ dananibuki, nukũ mekenika meribi itxakinã. Haskawẽ taea ha danaĩbuki sinatakĩ hau hatu detenũbũ nawabuwẽ hatube detenamekũkainiki.

Jeremias 18:12

habũ mia kemakĩ yuikĩ: ‘Hamẽ mĩ hãtxa txakawayamawe. Haska nũ betxipaiai keska ma nũ beyawani nũ hiwekatsis ikaii, txakabubiai hawa heneamarã’, mia washãkanikiki”, akĩ Senhor Deusũ ea yuiniki.

Jeremias 7:24

Ẽ hatu haska wabiani ẽ haska betxipaiai akĩ ea benimawama ẽ hãtxa danãkĩ hatũ huĩti kushi watã ea nĩkama hatũ txakabu putama haska besti shinãkĩ akatsi iki hiwekubainibuki. Ea anu ana txĩtuĩ bekatsi ikama txakabu henekatsi ikama eki petxinibuki.

Mateus 15:19

Hanua eska yurabu haya hatũ xinã uke merã aruabu txakabu xinãkĩ shabakabi tashnimamisbuki, eska tibi xinã meranua shabakabi kaĩkinã, huni betsaki yubakatã tenãkinã, huni betsã aĩ txutãkinã, shebi hayabu txutabaũkinã, yumetsuirã, txani txakairã, yura betsa ha akinã.

Mateus 23:37

yurabu uĩbaũkĩ Jesusũ hatu yuikĩ: —Jerusalém anu hiweabuũ, Jerusalém anu hiweabuũ, Deusũ hãtxa yuishunikabu inũ hawẽ hãtxa hatu bana beshũpakeaibu Deusũ hatu yunubiaya hatu danãkĩ hatu tenãkĩ matũ shenipabũ anibu keska wakĩ mixkiwẽ mã hatu tsaka tsaka amisbuki. Takarã hawẽ bake nushamis keska wakĩ eãri matu merabewakĩ matu mekẽnũ ika ẽ hubianikẽ haska xinãma ea danãkĩ mã ea hawa nĩkamaki.

Lucas 13:34

—Jerusalém anu hiweabuũ, Jerusalém anu hiweabuũ, Deusũ hãtxa yuishunikabu inũ hawẽ hãtxa hatu bana beshũpakeaibu Deusũ hatu yunubiaya danãkĩ hatu tenãkĩ matũ shenipabũ ani keska wakĩ mixkiwẽ mã hatu tsaka tsaka amisbuki. Takarã hawẽ bake nushamis keska wakĩ eãri matu merabewakĩ matu mekẽnũ ika ẽ hubianikẽ haska xinãma ea danãkĩ mã ea hawa nĩkamaki.

Romanos 10:21

Israelbukiri yuimakĩ: “Huĩti kuxitã hatũ besuwẽ dakeama ea nĩkaisbumawẽ nuikĩ ẽ hatu merabewapaibia ea nĩkabumaki”, aka keneniki.

Romanos 2:5

Haska inũ, mã hatiritũ txakabu betsa betsapa akĩ henekatsi ikama Deus xinãma txakabu ibubis matsãkeakebaĩkĩ Deus sinatamamisbuwẽ taeshũ yurabu dasibi unãti washanaitiã ana manama Deusũ matu kupishanikiki.