Isaías 64:9 - Kaxinawá Bíblia (BR)

⁹ Senhor Deusuũ, ana nukuki sinata txakayamama inũ hawẽtsaĩs ana nukũ txakabu tibi shinãyamakubaĩwẽ. Uĩwẽ. Nukuburã, nũ minabuki!

Isaías 64:9 Referencias Cruzadas

2 Reis 25:9

Senhor Deus kẽwãti hiwe inũ, shanẽ ibuhairatũ hiwe hawẽrua inũ, dasibi yununikabũ hiwe ewapa hawẽrua tibi txiwẽ kuakĩ keyutã

Isaías 43:25

Mã pubẽ sinatapabubiakẽ ea ẽ matũ Deus matuwẽ nuikĩ matũ txakabu ana tanakatsi ikama matu tere ashũtã ẽ ana shinãma ishanaii.

Isaías 60:10

Matunabuma nawa betsabũ matũ mae kene ana benibaũshãkanikiki. Ha habu shanẽ ibuhairamisbũ matu dayashũkĩ matu duawashãkanikiki. Ea Senhor Deus matuki sinatakĩ ẽ matu kupibiani natiã ẽ duapawẽ ana ẽ matuwẽ nuishanaii.

Isaías 63:18

Minabu meribi mĩ hatu katuni ha mae anu hiwea hatishuĩra hatunawai hiweama ikimabuki. Nukuki sinataibũ mĩ Templo itxakawakĩ mia pema pema akaĩmabuki,

Isaías 63:19

mĩ nukũ shanẽ ibumakẽ nuku akawakĩ inũ mĩ kena kushipa nũ hayama nuku wakinã.

Isaías 63:8

Deusũ yuikinã: ‘Ha enabu ẽ bakebunã, hawa ea danãkĩ ea txakabuwama ishãkanikiki’, itã hatũ habu piskumaikiki,

Habacuque 3:2

“Senhor Deusuũ, dasibi mĩ akubaĩmiskiri nĩkakĩ uĩ mia betxipaibiai e iki miwẽ ẽ datekũkainaii. Nũ hiweyua nuku unãmakĩ mĩ kushipawẽ haska mĩ akubirani keska wakĩ mĩ kushipa ana nuku uĩmawe. Nũ Israelbuki mĩ nukuki sinatabiai mĩ nukuwẽ nuiai nuku uĩmawe”, iwanã,

Malaquias 1:4

hakia Esaú enabu Edom nawabu yuinamekĩ: “Nukũ maiwã pakekauana Deusũ txakabuwabiani ana bena wakĩ nũ pewakubaĩshanaii”, ikaibu hatu nĩkatã ea Senhor Deus kushipahaira dasibi binuatũ hatu kemakĩ: “Matubunã, matũ mai pakea mã ana bena wabiaya ẽ ana matu txakabuwãkĩ keyushanaii”, ẽ iniwẽ taeshũ hatũ mai pakea kenakinã: “Mai pakea txakabuwẽ yupuni maiki”, ashãkanikiki. Hanua: “Ha Esaú nawabuki Senhor Deus sinatatiani hawa hatu heneama hatuki sinatapaketi warianiki”, hatu haska wanikẽ

2 Pedro 2:17

Ha yusĩnã paranãmisburã, ũpash bana tashka heneuma keska inũ nai kuĩ niweya bebiai uiuma hawa txa akama keskabuki, hatũ yusĩa hawa pepa hayamarã. Ha habu haskamisburã, Deusũ hatu kupia ikibi ika meirã, hanu mexu tẽ ikihairai anu hatu putashanikiki.

Apocalipse 20:10

hanu ha iã hanu enxofre paxinipa menui here hi hi ikai anu yuinaka mese atimapahaira inũ parã hãtxa yuishunika nai tsumabũ urẽnibu anu Satanásri urẽa haria bariri inũ mexu merã niti akama Deusũ hatu isĩ tenematxakayamashanikiki, hawa huĩrukũti hayama niti ikama akibi akinã.