Isaías 61:11 - Kaxinawá Bíblia (BR)

¹¹ Haska mibã mai anua hukuĩ peshei taemis keska inũ bai watã hawara heshe betsa banashinabu peshetã hukuĩ ewamiski. Haska keskari wakĩ Senhor Deusũ hawẽ kushipawẽ hawenabu hatu binumakĩ dasibi nawa shukuabu hatu kãtamakĩ kẽwãmashanikiki.

Isaías 61:11 Referencias Cruzadas

Gênesis 1:11

Deusũ ana yuikĩ: “Basi inũ yunu hesheya inũ hi hawẽ bimi hesheya ha mai metu anu hau dasibi benei keyunũwẽ”, ashũ

Isaías 45:23

Emebi hãtxai yubakakĩ hawẽ maemakĩ binumati ẽ yuimisrã, ha ẽ yubakani hãtxarã, ẽ meneshanaii. Eskashãkanikiki: Dasibibũ ea kẽwaĩ ea bebũ dãti itã, ‘Mia besti mĩ Deuski’, ikĩ ea datã akĩ

Isaías 45:24

ea yuikĩ: ‘Senhor Deus besti kushipa maemanika paepaki’, ikaibũ hakia hatiri habũ ea danãmisbu hatuki kashekĩ usãshãkanikiki.

Isaías 45:8

Senhor Deusũ ana yuikĩ: “Hamapai tibi ẽ maemati kushipawenã, nai anushũ eã ẽ yunumiski, eska keska tibirã, nai anu basnũ kurumayai inũ nai kuĩ anua ui haya wakinã. Habu tibirã, maĩ tsu amis keska wakĩ meketi pepa inũ yunuti pepa ẽ kaĩmamiski, yunu huatã bimimis keska wakinã.

Isaías 46:13

Eã ẽ matu tashnimabirãshanairã, ma kemaikiki. Mekekĩ hawairakirã ẽ matu piskumashanai ma txaimaikiki. Sião mekea haya wakinã, eã ẽ ashanaii. Haska watã Israelbu ẽ kushipa ẽ hatu anu buteshanaii”, itã,

Isaías 58:11

Mã haskakenã, earã, matube ketashamea matu mekekubaĩkĩ hanu buniaibutiã mã pinũbũ hanu tsua hiweabuma anu piti hamẽ ikai ẽ matu washũshanaii. Matũ yura babuaya ẽ matu ana kushipa washanaii. Mã mibã bana matu nashima keska wakĩ ẽ matu duawashanaii, txatxa ũpash hawa hene netsutima keska wakinã.

Isaías 60:18

Matũ mai pakea Israel anua itimaskai detenamebaunaibu mã ana nĩka taskama ishanaii. Habianuri matũ mae ana yamawama inũ hiwe di akama ishãkanikiki. Hakia matũ maewã kenekauana kenakinã: ‘Hanu Mekea Kayabi Pepaki’, akĩ hawẽ beputirã, ‘Benimakĩ Kẽwãtiki’, ashãkanikiki.

Isaías 60:21

Dasibi matunaburã, huni duapa pepabu besti ishãkanikiki. Matũ mai pakea mã ana bishanairã, matuna inũbarikiki. Mibã meshtetã eã ẽ matu banani keska hawẽ kataku hukũmis keska mã ishanaii. Ẽ kushipa uĩtã hau ea duawashanũbũ ẽ mekẽnẽ ẽ dayamis keska ẽ matu pepa wamis uĩshãkanikiki.

Mateus 13:23

Hakia heshe betsa mai pepa anu banarã, Deusũ hãtxa nĩkai pepakũkaĩkĩ yura betsabu yusĩkĩ hatu ikũwãmamisburã, ha mai pepa anu heshe bana benei ewai bimiyatã 100 hesheyai inũ, 60 hesheyai inũ, 30 hesheyamis keskabuki— nuku aniki.

Mateus 13:3

hãtxa hunea betsa betsapawẽ yusĩkĩ hatu yuikĩ: —Huni betsa hawẽ bai anu shekiwã heshe sa aki kashũ

Mateus 13:8

Hakia heshe betsa mai pepa anu niri aka benei bimi itxapahaira hayamiski, betsa 100 hesheyairã, betsari 60 hesheyairã, betsa 30 hesheyairã— iwanã

1 Pedro 2:9

Hanua maturã, yura shuku betsa matu katuniki. Ha inũ, shanẽ ibu binua Deusbe hãtxashunikabu matu dasibi wakĩ ikũwaĩbu meribi shukua betsa matu wakĩ Deusũ ibu wakĩ abukĩ hawenabu matu warianiki. Haskawẽ taeshũ hakiri hawẽ daya pehaira Deuskiri mã txanikubaũshanũbũ mã mexu merã ika keskashũ txakabu wamisbu hanua matu kenakĩ Cristõ shaba hawẽrua anu matu hikimakĩ hiwemakatsi matu tashnimaniki.