Isaías 60:9 - Kaxinawá Bíblia (BR)

⁹ Haburã, shashuwã tibi itxatã beaibu maewã Társis anua shashuwã betsa betsapari bebukirãkĩ matũ bakebu txaikea matu iweshũkĩ hatũ ouro inũ hatũ prata hatu bemashãkanikiki, ea Israelĩ Senhor Deus meribitũ ẽ matu kushipahaira wai ea duawanũ, ika beirã.

Isaías 60:9 Referencias Cruzadas

Gênesis 9:27

Haska inũ, Deusũ hatu pa waya Jafé bababũ Semnẽ bababu hatu mebĩtã hatũ mae hau ibu washanũbũwẽ, Canaãnẽ bababu hatu escravo wariakinã”, akĩ Noẽ hatu yuinikiaki.

1 Reis 10:1

Senhor Deus kẽwaĩ Salomão unanepahairakũkainaya txanibaunaibu Sabá anua nawa aĩbu shanẽ ibuhairatũ Salomãokiri bana nĩkatã hawẽ yukati tibi itimaskawẽ hawẽ unanepa unãti wanũ ika txaihairabiakẽ Jerusalém anu kai hawẽ mekenika kushipabu yura hawẽruabu itxapabube inũ, hawẽ dayarubu itxapa inũ, camelo kamaki sheni inĩti itxapaya inũ, ouro mirima inũ, hawẽ dauti hawẽrua betsa betsapa mirima peumatã bekubirani atimas hikiabu Salomãonẽ mekenikabũ Sabá anua nawa aĩbu shanẽ ibuhaira iweshũ Salomão bebũ nitxiãbu ha aĩbũ hawẽ yukati itimaska inũ bika haska bebũkiri shinaĩma Salomão yukakubaina

1 Reis 22:48

Ianẽwã kesha anushũ haska Társis anushũ shashu wakĩ hashpa txaipa wamisbu keskari wakĩ Josafã hatu amaima hawẽ Ofir anua ouro mane binũ ika buaibũ niwewã kushipa bekĩ maewã betsa Eziom-Geber anushũ ha shashu ewapa ianẽwanẽ dasibi tuash tuash akĩ keyunikiaki.

Êxodo 33:19

—Tsuabura ẽ duawakatsi ikai ẽ hatu duawamiski. Tsuaburawẽ ẽ nuikatsi ikai, hatuwẽ ẽ nuimiski. Eã besti ẽ hatu katumiski. Haskakĩ ẽ kena Senhor Deusrã, mia unãmakĩ mĩ besuuri ẽ pepa dasibi ẽ mia daĩmabaĩshanaii.

Provérbios 18:20

Pikĩ yaniwai keskai tsuara hatũ hãtxa tibiwẽ ibubis hãtxakĩ nĩkai benimamisbuki.

Isaías 42:10

Kãtati bena betsawẽ Senhor Deus kãtashũkãwẽ. Nenumahaira mai kesua anushũ kẽwãbaũkãwẽ. Tsuabura mã ianẽwã shashuwãwẽ mapuabu inũ, mã ianẽwã merã yuinaka hiweabu inũ, mai pakea tibi ianẽwã kesua anu mã yurabu hiweabunã, Deus kẽwãkãwẽ.

Isaías 42:4

Hanushũ hawẽ yunuti kushipawẽ txakabu binuriama hawa huĩrukuãma inũ hawa punu nukai unãyamasama ishanikiki. Nawa shukua betsa betsapabu Ianẽwã Mediterráneo kesha anu hiweshũ ẽ tsumapã hãtxa nĩka pewashãkanikiki”, aka

Isaías 43:4

Matu yaushihairakĩ matu benukatsi ikama ẽ matu betxipaiaii. Matũ hiwea piskumatã matu benukatsi ikama hunibu inũ mai pakea tibi hari ẽ matu inãniki.

Isaías 43:6

Nortekiri hiweabu eã hatu yuikĩ: ‘Enabu ea ana hatu nitxĩshũrikãwẽ’, akĩ sulkiri hiweabu hatu yuikĩ: ‘Enabu ana hari yaushiama ẽ huni bakebu inũ ẽ aĩbu bakebu nenuma mai kesukauna anua ea hatu iweshũrikãwẽ.

Isaías 46:13

Eã ẽ matu tashnimabirãshanairã, ma kemaikiki. Mekekĩ hawairakirã ẽ matu piskumashanai ma txaimaikiki. Sião mekea haya wakinã, eã ẽ ashanaii. Haska watã Israelbu ẽ kushipa ẽ hatu anu buteshanaii”, itã,

Isaías 49:1

Senhor Deusũ tsuma txani: “Ianẽwã kesha anu mae tibi anu hiwebaunabu inũ dasibi mã txaihaira anu hiweabuũ, ẽ hãtxai ea nĩkakãwẽ. Ẽ kaĩriama ẽ ewã bake nãti merã ẽ nanea Senhor Deusũ ea katukĩ ẽ kena kayabiwẽ ea kenaniki.

Isaías 49:22

Senhor Deusũ yuikĩ: “Hau mĩ huni bakebu hau pũtsaumetã iwekĩ mĩ aĩbu bakebu hau iatã mia anu iwenũbũ nawabu shukuabu ẽ hatu yunushanaii, mae tibi ẽ unãmati hatu uĩmakinã.

Isaías 55:5

Nawabũ matu unãbuma mã hatu kenaya habũ matu unãmabia nĩkanũ ika matu anu kushibirãshãkanikiki, ea Israelĩ Senhor Deus meribitũ ẽ kushipawẽ ẽ matu duawaiwẽ taearã”, ikai nĩkatã

Isaías 60:4

Bewenikitã matu dapi uĩbaũkãwẽ. Uĩkãwẽ, dasibi haska tibi itxatã matu anu beshãkanikikirã. Matũ huni bakebu txaihaira hiweabu beshãkanikiki. Matũ aĩbu bake mishtĩbu hatu pũtsaumeshũ hatu iweshãkanikiki.

Isaías 60:6

Midiã nawabu anua inũ Efa nawabu anua camelo bei txitxikinãbirãkĩ mabu peutã beaibu mã uĩshanaii. Ha inũ, Sabá mai pakea anushũri camelo mirimaki ouro inũ inĩti pepa peumatã bemashãkanikiki. Habu bekinã, Senhor Deusũ kushipa kẽwãkĩ yuibirãshãkanikiki.

Miquéias 4:13

“Yura shukuabu itxapa teke teke akĩ shemekĩ mã hatu akawashanũbũ ina awa bene kushipa mane ferro mashũ inũ mane bronze hũtsisya keska wakĩ pubẽ wãkĩ eã ẽ matu mesewashanaii”, akĩ “Senhor Deusũ matu yuiaiwẽ taeshũ Sião anu hiweabuũ, benitã hatuki pai pai ishãkãwẽ. Hatu itxakawakĩ hatu detetã mane ouro inũ mane prata inũ mabu pepa itxawanibu hatu anua mebĩkĩ keyutã, ẽ ea mai hirabi shanẽ ibu mã ea meribi wakubaĩshanaii”, itã

Miquéias 7:12

Hanushũ hatunabu hiweshũ txakabuwakubainibuwẽ taea ha mai betsai hanu tsua hiweabuma keskai txakabuaya Assíria mai pakea anua inũ, Egito mai pakea anua inũ, Hene Nilo anua inũ, Hene Eufrates anu hiwebauni nati ikabu inũ, ianẽwã ukebukũ hiwebaunabu inũ, mati matipa anu hiwebaunabu habu dasibibũ matu betxipai hanu matu anu beshãkanikiki.

Lucas 2:32

Harã, bĩ ewapa txasha keska nawa betsa betsapabũ uĩkĩ minabu Israelbu mĩ kuxipawẽ mĩ hatu duawai uĩriashãkanikiki”, akaya

João 17:26

Haska inũ, mikiri mĩ kuxipa binu keyua ẽ hatu unãmapakeaiwẽ taeshũ ana mikiri ẽ hatu unãmakĩ heneyamashanũ mĩ ea abumis keskai hau haburi abunamei heneama ishanũbũwẽ, nuikipairã. Haska hayabuwẽ taea ea ẽ hatu anua kaĩkainama ishanaii— itã

Hechos 9:15

haska yuibiaya Shanẽ Ibu Jesusũ ana yuikĩ: —Hẽ iyamai dateama katãwẽ. Ha huni kaĩriama ẽ katunitũ ekiri txanikĩ nawa shukua betsa betsapabu hatu yusĩkĩ inũ, hatũ shanẽ ibubu yusĩriakĩ inũ, Israelburi ea hatu yusĩriashũkubaĩshanikiki,

Gálatas 3:26

dasibi mã Jesus Cristo ikũwaĩ mã ma Deusũ bakebukẽ hatũ besti matu mekekubainikiki.

Gálatas 4:26

Hakia nukuburã, nũ Deusũ bake kayabibuwẽ taea Jerusalém nai anua nukũ ewa keskaki. Deusũ nuku mekeawẽ taea nũ escravõ bakemaki.