Isaías 60:6 - Kaxinawá Bíblia (BR)

⁶ Midiã nawabu anua inũ Efa nawabu anua camelo bei txitxikinãbirãkĩ mabu peutã beaibu mã uĩshanaii. Ha inũ, Sabá mai pakea anushũri camelo mirimaki ouro inũ inĩti pepa peumatã bemashãkanikiki. Habu bekinã, Senhor Deusũ kushipa kẽwãkĩ yuibirãshãkanikiki.

Isaías 60:6 Referencias Cruzadas

Gênesis 10:7

Cuxẽ huni bakebu kenakĩ: “Sebá inũ, Havilá inũ, Sabtá inũ, Raamá inũ, Sabtecáki”, anibukiaki. Raamã huni bakebu kenakinã: “Sabá inũ Dedãki”, anibukiaki.

Gênesis 25:13

Ismaelĩ huni bakebu iyuatũ hawẽ kenarã, Nebaiote hanua Quedar inũ, Adbeel inũ, Mibsão inũ, Misma inũ, Dumá inũ, Maasá inũ, Hadade inũ, Tema inũ, Jetur inũ, Nafis inũ, Quedemá hati hatũ kenarã,

Salmos 67:4

Mai hirabi nawa shukuabu tibi anu hatu shanẽ ibushũkĩ hawẽ unãti wati kushipa pepawẽ mĩ hatu mekekubaĩmiski. Hatu haska wakĩ mai hirabi anu mĩ hatu pe yunukubainaii. Haskawẽ taea hau mai hirabi anuabu mikiri sai sai iki hau benima txakayamakubainũbũwẽ!

Isaías 30:6

Egito nawabũ hau hatu merabewai benũbũ, tsuabũra hatu benai buirã, eskashãkanikiki. Hatũ jumento inũ hatũ camelo kamaki hatũ mabu inũ hatũ inãkuĩ pepa peumatã ha mai pakea Egito mae anu hamẽ bushũshãkanikiki, eska anu kapukebaĩkinã, hanu tsua hiweama sul anu yuinaka mese pubẽ itxapa hiweabu anu inu betsa leão hi hi ikai inũ, dunu paepa pianãbu inũ, yuinaka sheanã nuyabaunaibu anu nashui ikaĩkinã.

Isaías 42:10

Kãtati bena betsawẽ Senhor Deus kãtashũkãwẽ. Nenumahaira mai kesua anushũ kẽwãbaũkãwẽ. Tsuabura mã ianẽwã shashuwãwẽ mapuabu inũ, mã ianẽwã merã yuinaka hiweabu inũ, mai pakea tibi ianẽwã kesua anu mã yurabu hiweabunã, Deus kẽwãkãwẽ.

Isaías 45:14

Senhor Deusũ Israelbu yuikĩ: “Egito anua dayakapabu inũ, Etiópia anua mabu inananãmisbu inũ, Sabá anua ha yura keyatapabu habũ matu kẽwaĩ matũ tsumai escravo ishãkanikiki. Mane dispi txiwetameyawẽ neshea matu txipi mapua matu bebũ dãti itã kẽwãkĩ matu yuikĩ: ‘Txanima kayabi matuna besti Deus kayabi matu anuki. Ha bestihairaki, Deus betsa hayamarã’, ikaibũ”,

Isaías 60:9

Haburã, shashuwã tibi itxatã beaibu maewã Társis anua shashuwã betsa betsapari bebukirãkĩ matũ bakebu txaikea matu iweshũkĩ hatũ ouro inũ hatũ prata hatu bemashãkanikiki, ea Israelĩ Senhor Deus meribitũ ẽ matu kushipahaira wai ea duawanũ, ika beirã.

Isaías 61:6

Habũ matu kenakinã: “Habu Senhor Deusũ tsumaburã, hawenabu Deusbe hãtxashunikabuki”, matu washãkanikiki. Nawabu txaikeshũ hatũ hamapai ibubis matu beshuãbu mã hawẽ benimai shinã txãkãshanaii, hatũ tari hawẽrua inũ hatũ dauti pepa sawea mapuarã.

Jeremias 6:20

Sabá mai pakea anua sheni ininipa inũ mai pakea betsa txaikea mibã hua inĩhaira haskakĩ mã ea beshũmisbumẽ, ea benimawanũ, iwananã? Ea duawanũ, iwanã, ẽ txi tapu anushũ inabu mã ea menushũmisbu inũ hawẽ sheni mã ea kuashũmisburã, eã ẽ ha ana betxipai hawẽ benimamaki”, iwanã,

Malaquias 1:11

Yura shukuabu tibi matunabuma mai hirabi anu manibauna ewẽ datekĩ hanira hiwebaunabu anushũ ea kẽwãkĩ sheni inĩti ea inãkuĩkĩ kuakubaĩkĩ hawara pepa besti ea menushũriamisbuki.

Mateus 2:11

ha hiwe anu hikikaĩ ha bake hawẽ ewa Mariabe betxituxitã kẽwaĩ ha bebũ dãti iki beti itã benitã ha bau bekãshu bepẽshũ ouro mane inũ ha kuashũti ininipa inũ hawẽ pushati dau ininipa inãkuĩtã

Romanos 15:9

Haska nukukiri bestima mã Israelbumawẽri taea Cristo tashnirianiki. Haskakiraniwẽ taeshũ mã Israelbumã Deus duapahaira mã kẽwãriakubaĩtirubuki. Haska bebũkiri Deusũ hãtxa yuishunika Davi hariri nawai kenekĩ: “Haskawẽ taeshũ nawa shukua betsa tibibũ mia kẽwaĩbũ hatubetã mia xinãkĩ kẽwãkĩ hui kuxipawẽ nawati pepawẽ ẽ mia kẽwãkubaĩshanaii”, iyamakẽ

Filipenses 2:17

Ẽ hiwea ẽ matu inãni keska wakĩ ẽ matu ikũwãmaniki. Matũri ikũwãkĩ matũ hiwea mã Deus inãkuĩyaiĩ. Haskawẽ taea ẽ hiwea yauxiama mawakinã, hau mã ikũwãkĩ heneyamanũbũ ẽ hiwea Deus ẽ matu inãkuĩshũtiruki. Ẽ matu haskashuni ẽ benima paewẽ dasibi ẽ matu yuiaii.

1 Pedro 2:5

Mã haskakũkainaya mã Jesus ikũwaĩbu dasibi mixki hiwe keska wakĩ hawẽ kẽwãti kayabi matu wakubainikiki, haskai duanamei mã ma haki dasiaburã. Matu dasibi mã Deusbe hãtxashunikaburã, mã hawenabu meribiki. Jesus Cristo mã ikũwaĩbuwẽ taeshũ haska Deusũ abuai akĩ mã Deus benimawakubainaii.

1 Pedro 2:9

Hanua maturã, yura shuku betsa matu katuniki. Ha inũ, shanẽ ibu binua Deusbe hãtxashunikabu matu dasibi wakĩ ikũwaĩbu meribi shukua betsa matu wakĩ Deusũ ibu wakĩ abukĩ hawenabu matu warianiki. Haskawẽ taeshũ hakiri hawẽ daya pehaira Deuskiri mã txanikubaũshanũbũ mã mexu merã ika keskashũ txakabu wamisbu hanua matu kenakĩ Cristõ shaba hawẽrua anu matu hikimakĩ hiwemakatsi matu tashnimaniki.

Juízes 6:5

Hatu piãkĩ biãkubainũ ika shini mirimahaira bea keskai hatũ tari hiwe inũ, hatũ inabu inũ, hatũ camelo mirimahaira tsuã tanatirubuma iwekĩ hatũ piti yumetsushũ hatu pimakĩ bai dasibi txakabuwakĩ hatu teshe heneshunama ipaunibukiaki.

Juízes 7:12

hanu Midiã nawabu inũ, Amaleque nawabu inũ, nawa betsa bari huaikiria beshiã pabaũkĩ napãpa hirabi keyubia maninibukiaki, shini mirima keska maniabu inũ hatũ camelo mirimaya ianẽwã kesha mashiti tsuã tanatiruma keskarã.