Isaías 60:2 - Kaxinawá Bíblia (BR)

² Yamepanã, mai bepuaki. Meshu tẽ ikaitunã, nawa shukuabu atxiaki. Hakia Senhor Deusũnã, hawẽ txasha matu anu peshakĩ hawẽ kushipa matu uĩmaiwẽ taea

Isaías 60:2 Referencias Cruzadas

Isaías 2:5

Jacó enabuũ, Senhor Deusũ yusiã pepa shaba keska txibãbaini hawẽ hiwei taeribainãkãwẽ!

Isaías 58:10

buniaibu miã kayabis mã hatu merabewakĩ pimai inũ, hawara bika teneaibu mã hatu merabewamisrã, haskai mã pe hiwea meshu merã bĩ txasha keska matu uĩshãkanikiki. Kanei mã txakabubiashĩkẽ tsuã ana haska shinãma bari mananãbi bari peshea keska pe besti matu uĩshãkanikiki.

Isaías 58:8

Mã haska wakĩ samakekĩ ea uĩmakubainaiburã, matũ akarã, penai shaba txashamis keska ẽ matu washanaii. Hamapai bika mã teneai hawaira mã shushashanaii, dete bui keskairã. Kaneama mã pepa wamisrã, mia bebũ tashniaya ẽ kushipa pepawẽ matu mekeshũ ẽ matu unãmakubaĩshanaii.

Isaías 8:22

hanushũ txipu maĩ tinĩtã hawa pepaki nukuama nuitapahairai inũ meshu merã bika besti tenei dasibi meshũ besti atxia uĩshãkanikiki. Habũ hatu atxia harakiri shinãbaini pashatirubuma ishãkanikiki.

Malaquias 4:2

Hakia matubu ewẽ datekĩ mã ea duawakubaĩmisbu bari pesheai keska ẽ pepa matu txashashũshanikiki, ana hawa matu isĩ tenemama ẽ kupiti matu nemashunirã. Haskaiwẽ taea benimai matubu mã ishtxu ishtxu ikũkaĩshanaii, kene meranua ina awa bake kaĩkainai keskairã.

Mateus 15:14

Hau xinã inũbũwẽ. Huni bekũmã huni betsa habe bekũ iyupai harakiri iyuai unãma habia dabe mikĩ maebaĩ di irabemisbuki. Ha beparameaibu haska keskabuki, habũ tsua merabewatirumarã. Haskakẽ hawa hatu yuiyamakãwẽ— nuku wa

Mateus 23:19

Bekũ keska unaĩsmapabuũ, haratu Deusũ abumismẽ? Inãkuĩ mania bestimẽkaĩ? Hanushũ kuakĩ Deus benimawamisbu tapuraka?

Mateus 23:24

Bekũ keska unaĩsmapakĩ matunabũ txakabu peshepixta xiu tiubiakẽ uĩkĩ mã hatu yusĩmiski, hatu pewanũ, iwananã. Hakia matũ txakabu ewapa camelo tiubiakẽ matũ txakabu hawa xinãma mã hawa uĩ e itã heneismaki.

João 1:1

Bawakĩ taewariama Deusũ Xinaĩ Hãtxati Epa Deusbe hiwea habiaska dabes Deus ipaunibukiaki, niti ikamarã. Hakiri matu yuinũ nĩkakãwẽ.

João 1:14

Hanua hawẽ Xinaĩ Hãtxati yura kayabi hayanũ ika aĩbu meranu naneima kaĩyã Deusũ bake bestitxai ewatã nuku anua yumetã ewani hiwea hawẽ Epa Deus itsa kuxipa duapahaira nũ uĩpauniki, nuikipa haya inũ txani txakatima hãtxa hayarã.

João 1:18

Ha inũ, natiã tsuabũra Deus uĩnakamabiakẽ hawẽ bake bestitxai Deusbe hãtxanameai Deus ha keskahairari hawẽ Epabe ketashameshũ shabakabi hatũ besti Deuskiri nuku unãmakubainiki.

Hechos 14:16

Ũ unu bari betsatiã mai hirabi anu yura betsa betsapabũ hatũ xinãnẽs hawara txibãkubainaibu Deusũ hatu beruwẽs uĩyukubaĩbiakĩ

Hechos 17:23

Hanushũ mã yushĩ dami betsa betsapa tibi duawakĩ kẽwãmis anu ha txi tapu fogão betsakia uĩbaũkĩ betsa hawẽ kene nea: “Yushĩ tsuã ha unãmaki”, ika netãni ẽ uĩxinaki. Haska hawẽ kena unãriamabia mã kẽwãmisrã, hawẽ kenarã, Yavé Deuski. Haskakiri matuki txanitanũ ika ẽ huxiãki. Ea nĩkakãwẽ.

Hechos 26:18

Habu anu ẽ mia yunua kashũ hatu xinã betsa wamakĩ hau unaĩsmapakĩ Satanás ana txibãyamanũbũ ẽ Epa Deusũ hãtxa mĩ hatu yusĩkubaunũ judeubuma betsa betsapabu anu ẽ mia yunuaii. Harishũ hatu beru bepesha keska watã ana mexu merã kama keska hakia bĩwẽ kai keskaibu mĩ hatu waya hatiritũ ea ikũwaĩbũ hatũ txakabu ẽ hatu buashunaya Deusũ hatu hiwekuĩmashanikiki, hawa hatu kupiamarã, hawenabu meribi wakinã”, ea waniki.

2 Coríntios 3:18

Haskakẽ dasibi nũ Jesus Cristo ikũwaĩburã, ha yusĩniwẽ nukũ besu inũ nukũ xinã nuku ana bepuamaki. Nukũ Shanẽ Ibũ nukũ xinã nuku betsa wakubainaya hawẽ kuxipawẽ ha itsa nuku wakubainikiki. Unãshubira nukũ hiwea betsa wakĩ nuku pewakubainikiki. Nuku haska wakĩ nukũ Shanẽ Ibũ hawẽ Yushĩ Pepawẽ nuku hatu uĩmakubainikiki.

Colosenses 1:13

Uatiã nũ Deus unãma mexu txakabũ nuku tsumabiakẽ Deusũ nuku putamaniki, hawẽ bake ha abuaitũ hawẽ shanẽ anu nuku iyukinã.

1 Pedro 2:9

Hanua maturã, yura shuku betsa matu katuniki. Ha inũ, shanẽ ibu binua Deusbe hãtxashunikabu matu dasibi wakĩ ikũwaĩbu meribi shukua betsa matu wakĩ Deusũ ibu wakĩ abukĩ hawenabu matu warianiki. Haskawẽ taeshũ hakiri hawẽ daya pehaira Deuskiri mã txanikubaũshanũbũ mã mexu merã ika keskashũ txakabu wamisbu hanua matu kenakĩ Cristõ shaba hawẽrua anu matu hikimakĩ hiwemakatsi matu tashnimaniki.