Isaías 6:10 - Kaxinawá Bíblia (BR)

¹⁰ Hatu nĩkamamakĩ habũ shinã hatu beputãwẽ. Hatũ pabĩki inũ hatũ beru bepukĩ hatu hunebaũtãwẽ. Mĩ hatu haska wa uĩbiai inũ nĩkabiakĩ hawa ekiri tapiãma ishãkanikiki, hau ea anu beaibu ẽ hawa hatu shusha wayamashanunã”, ikaya

Isaías 6:10 Referencias Cruzadas

Salmos 69:23

Hatu beshush wakĩ uĩmamatã hatũ kishi babu wakĩ hatu saki saki imakubaĩwẽ!

Êxodo 10:27

ana hanushũ Senhor Deusũ Faraó huĩti kushi wa Israelĩ enabũ Senhor Deus kẽwaĩ bupanãbũ hatu nematã

Êxodo 11:10

haska hatu yunua Faraó bebũshũ hawẽ kupiti dami betsa betsapa Moisés inũ Arãonẽ hatu uĩmakĩ abiashũkubainaya Senhor Deusũ Faraónẽ huĩti kushi wakĩ besu kushi wakubainaiwẽ taeshũ Israelĩ enabu kẽwaĩ bupanãbũ Faraónẽ hatu nitxiãmahaira inikiaki, bashikubaĩkinã.

Êxodo 14:17

Hakia eanã, hatu uĩmakĩ hau matu txibaĩ ianẽwã namakis hikibainũbũ Egito nawabu hatu nĩkaisma huĩti kushi washũ Faraó inũ, hawẽ detenamenikabu inũ, hatũ cavalo tarãti inũ, habu cavaloki katsaũmeabu dasibi yamawakĩ yura dasibi ẽ kushipa ẽ hatu uĩmashanaii, hau hakimama shinãkubaĩshanũbunã.

Êxodo 7:3

Hakia hawẽ huĩti kushi wakĩ nĩkaisma watã ẽ kushipa hawẽ unãmati dami betsa betsapa inũ hawẽ e imati itxapa sharabu ẽ matu amashanaii, Egito mai pakea hirabi anushunã.

Provérbios 16:30

Tsuãra hawẽ haibu beruwẽ kasmai keshawẽ yunukĩ txakabuwamakatsis ikĩ yunumiski. Tsuãra ma txakabuwa unãkinã, hawẽ kesha mukua dakashũ hatu unãmamisbuki.

Isaías 28:13

Haskawẽ taeshũ Senhor Deusũ hatu hãtxa wakĩ bakeishta tanaĩbu hatu ana yusĩshanikiki, habũ dama tapĩkĩ uiaĩbu keskarã. Haskawẽ taea haburã, ni peama petxiuri manãska tĩ ika keskabu ishãkanikiki. Betsabu deteaibũ, betsabu birũ merã hikitã hani pashatiruma keskabu ishãkanikiki.

Isaías 44:18

Ha huniburã, hawa unãma inũ hawa tapiãbumaki. Beruyabia uĩkĩ pewama beshush hairabuki. Hatũ shinã hatu bepuhaira hawa nĩka pewatirubumariki.

Isaías 63:17

Senhor Deusuũ, haskakĩ mĩ hãtxa nũ txibãbiaya mĩ kati bai mĩ nuku benumamismẽ? Haskakĩ miki meseti shinãmama nukũ huĩti mĩ nuku kushi wamismẽ? Mĩ nuikipawẽ taeshũ mĩ tsumabu hawaira hatukiri shinã betsa watã hatu pewariwe, minabu shukuabu tibi wakĩ mĩ hatu katunirã.

Hechos 28:27

Hau uĩyamanũbũ hatũ beru bekua keskabuki. Hau nĩkayamanũbũ hatũ pabĩki pabepukua keskabuki. Na yurabu bushka kuxibũ hawa tapĩkatsis ikabumaki. Hau ẽ hatu merabewakĩ shushawapanã ea danaĩ ea anu bekatsis ikabumaki’, aka matũ shenipabu yusĩtã Isaíasĩ nuku keneshuniki.

Hechos 3:19

Haska xinãma Deus mã txibãkatsis ikairã, matũ txakabu henetã matũ xinã betsa watã Deus anu berikãwẽ, hau matũ txakabu matu buashununã.

2 Coríntios 2:16

Haska xinaĩbutunarã, nukũ yusĩanã, ikũwãbumã nuku nĩkamarã, atimapa yura mawa pisi mayai keska shetekĩ aka wakanikiki, nuku danãkinã. Hakia dasibibũ nukũ yusĩa nĩkakĩ Cristo ikũwãkĩ nukũ yusĩa ininipa keska abukĩ benukatsi ikama haska niti ikama Deusbe hiwekuĩshanaibu bikubaĩkanikiki. Hakia Cristokiri shabakabi yusĩa mesekenã, tsuabũra nũ xinã txakai, ha hiweakirirã?