Isaías 58:7 - Kaxinawá Bíblia (BR)

⁷ Tsuabura buniaibu matũ piti pashkashũ hatu pimakãwẽ. Nuitapai hiweuma mapuabu matũ hiwetã hatu ishũ hatu ushãkãwẽ. Tsuara tariuma matũ tari betsa hatu sawemakãwẽ. Minabu kayabi hatu merabewakĩ heneyamakubaĩkãwẽ.

Isaías 58:7 Referencias Cruzadas

Gênesis 19:14

hanua Ló kaĩkaini ha hunibu hatu dais wakatsi ikĩ hatu yubaima i kashũ hatu yuikĩ: —Senhor Deusũ na mae samama yamawaikiaki, hatũ txakabuwẽ kupikinã. Bestẽtã nenua hawaira bukãwẽ— hatu wa hawẽ hãtxa ikũwãbuma hatu kashe wai dabanẽ ikaibũ

Gênesis 19:2

hatu yukakĩ: —Mã huai?— hatu wa —Nũ huaii— akabu —Maturã, ẽ matu iyushũ beya wai ẽ hiwe anu beyukãwẽ— hatu wabaĩ —Ha hari ũpash tsaua hawẽ hutxikikãwẽ. Hanua ẽ hiwe anu ushashini bestẽtã penaya ana mã katiruki— hatu wa habũri yuikĩ: —Haskamaki. Hemaĩtĩ anu nũ ushaii— akabu

Provérbios 11:17

Tsuara nuikipakĩ hatu merabewamiswẽ taea ibubis pe hiwekũkaĩriamiski. Hakia tsuara hatuki sinatai hatuwẽ nuisbumawẽ taea ibubis hiwe txakariakubaĩmisbuki.

Provérbios 22:9

Tsuãra nuitapaibu uĩkĩ hatuwẽ nuikĩ hawẽ piti hatu pashkashũkĩ hatu inãkubaĩmiswẽ taeshũ Deusũ haburi uĩkĩ hatu duawashanikiki.

Isaías 58:10

buniaibu miã kayabis mã hatu merabewakĩ pimai inũ, hawara bika teneaibu mã hatu merabewamisrã, haskai mã pe hiwea meshu merã bĩ txasha keska matu uĩshãkanikiki. Kanei mã txakabubiashĩkẽ tsuã ana haska shinãma bari mananãbi bari peshea keska pe besti matu uĩshãkanikiki.

Ezequiel 18:16

tsua itxakawaisma inũ, pei biãyuaya hau pakashũ bishanũ, iwanã, hawẽ mabu betsa biaĩsma inũ, hawara tibi hatu yumetsuismarã, hakia hawẽ piti pashkatã hawa hayama buniaibu hatu inãmis inũ, tariuma nuitapaibu hawẽ tari betsa hatu inãmis inũ,

Ezequiel 18:7

ha dikabi, hawa tsua itxakawaisma inũ, hunĩ diria ma pakakẽ hawẽ mabu biaĩma huni pepabũ hawẽ mabu hatu ana inãmisbuki. Hawa betsa taska hatu yumetsuamarã, hanushũ nuitapai buniaibu hawẽ piti hatu pimamisbuki. Ha inũ, huni betsa tariuma uĩkĩ hatũ tari betsa hatu inãmisbuki.

Daniel 4:27

Haskawẽ taeshũ shanẽ ibuũ, ẽ hãtxa mĩ ea txibãtirumẽkaĩ, ea nĩkawe. Ana nĩkaismama pepas akubaĩwẽ. Mĩ txakabu henekubaini nuitapaibuwẽ nuikũkaĩshãwẽ. Haska wakubaini unanuma hiwei mĩ mabuyapakeshanimẽkaĩ, mia kupiamarã”, anikiaki.

Lucas 11:41

Ha inũ, ha dukũ matũ xinã pewatã Deus duawakatsi ikĩ yauxiama nuitapaibu inãkuĩ mã pepakũkaĩshanaii.

Lucas 19:8

hanushũ Jesusũ hãtxa nĩkakĩ hawẽ xinã betsa watã Zaqueu benitã Jesus yuikĩ: —Shanẽ Ibuũ, ẽ hatu haska washanai nĩkawe. Ẽ mabu inũ ẽ pei tanatã dabukũ ha nuitapaibu ẽ hatu inãbaũtiru ẽ xinaiĩ. Ha inũ, tsuabura hatu parãshũ hatũ hamapai ẽ biãmis dabe inũ dabeki ẽ ana hawẽri ẽ hatu inãshanaii— akaya

Lucas 3:11

Joãonẽ hatu yuikĩ: —Deus daewakinã, mĩ tari dabeyarã, ha nuitapai tariuma mã betsa inãtiruki. Ha inũ, mĩ pitiyarã, yura betsa piti hayama mã betsa inãtiruki— iwanã, hatu yuikubainaya

Hechos 16:15

hanushũ habubetã hawẽ hiwetãshũ ikũwaĩbuwẽ taeshũ unãtã nũ hatu naximakĩ keyua Lídiã nuku yuikĩ: —Txanima nukũ Shanẽ Ibu Jesus ẽ ikũwaĩ mã ea xinaĩnã, ẽ hiwe anu iyui bekãwẽ— akĩ nuku ea akĩ ana nuku ena wanũ ikaya —Peki— itã hari ka nũ habe hiweyuniki.

Hechos 16:34

hanua habe hiweabubetã Deus ikũwãbaini benimahairabaĩkĩ hatũ hiwe anu hatu iyushũ hatu pimaxinaibũ

Romanos 12:13

Ha inũ, matubetã ikũwaĩ betsabu mabu yupaibu hawara mã haya pashkashũkĩ hatu merabewakubaĩkãwẽ. Ha inũ, ikũwaĩ betsabu haniara matuki bai beabu matũ hiwe anu ishũ pimatã hatu ushãkubaĩshãkãwẽ.

1 Timóteo 5:10

Hatũ bakebu ma pe yumewani inũ, bai beaibu hatũ hiwetã itã Jesus Cristonabu betsabu duawakĩ beya wakĩ hatũ tae hutxupaunibu natiã hari nuitapaya merabewakĩ pe besti dayakũkainiwẽ taeshũ Jesus Cristonabũ ha pepabu besti hatukiri xinãkĩ hau merabewakubainũbũwẽ.

Filemom 1:7

Jesus Cristowẽ ẽ betsaã, mĩ nuikipawẽ taea miwẽ taea benimai ẽ xinã txãkaiĩ, ikũwaĩbu Deusunabu meribi huĩti xinã txãkãwãkĩ mĩ hatu nuikipa wakubaĩmiswẽ taearã.