Isaías 58:4 - Kaxinawá Bíblia (BR)

⁴ Ha shabatiã samakeirã, mã eskamiski, ha iki kũyã ikirã, detenameirã, pubẽkĩ matũ mekẽnẽ hatu kushakinã. Ha shabatiã samakei mã haskamiswẽ taeshũ ebe hãtxakĩ mã ea yukaibu ẽ matu hawa nĩkaismaki.

Isaías 58:4 Referencias Cruzadas

Provérbios 21:27

Huni txakabubũ shinã txakabiakĩ Senhor Deus daewanũ, iwanã, inabu sheni hatu kuamakĩ ha huni txakabubũ inãbiabu Senhor Deusũ hatu danãkĩ betxipaismaki.

Isaías 1:15

Matũ mekẽ meshãtã ebe hãtxakĩ mã ea yukabiaya ẽ matukiri uĩkatsi ikamahairaki. Mã ea yuka txakayamabiaya mã mekẽ himi haswẽ taeshũ ẽ matu hawa nĩkamaki.

Joel 2:12

Hanushũ Senhor Deusũ hawẽ hãtxa txanima mestẽwãkĩ eska matu yuikĩ: “Samakei bis bis iki kashakĩ matũ huĩti hirabiwẽ shinã betsa watã ea anu txĩtũrikãwẽ”, matu waikiki.

Jonas 3:7

hawẽ merabewanikabube hãtxatã hau eska yunuti bena washunũbũ hatu yuikĩ: “Piti inũ nushuti yurabu dasibibũ hau piyamanũbũwẽ. Ha dikabi hatũ ina awa inũ hatũ txashuwã piti inũ ũpash hau hatu amayamarianũbũwẽ.

Mateus 23:13

nasaukei dabeketã betsaburi metukĩ yuikĩ: —Deusũ hãtxa kenenibu yusĩnanãmisbu inũ fariseubu mã beparamebuũ, mã peirawa! Deusũ hãtxa hawẽ hiweti unãbiai nĩka pewama tsuabura Deus shanẽ ibuai anu hikikatsi ikaibu mã hatu nemamiski. Maturi mã hikitirumabia habu betsabu hikipanãbũ mã hatu nemakubainaii.

Lucas 20:47

Haska inũ, aĩbu hawẽ benẽ shũnunitũ hawẽ hiwe bianũ, ishũ, aĩbu paraĩ beparani Deusbe hãtxai txaipahairakubaĩmisbuki. Haskamisbuwẽ taeshũ habu Deusũ hatu kupihairashanikiki— itã

João 18:28

hanushũ Caifásĩ Jesus yukakĩ keyutã penaya Romano shanẽ ibu Pilatõs hiwe ewapa anu Jesus hau iyutanũbũ Romano soldadobu yunuaya judeu shanẽ ibubũ xinaĩ: “Nawã hemaĩtĩ anu hikia Moisés nuku yusĩniwẽ taea nawã detsiswẽ txakabutã ana Páscoa nawai besikĩ ẽ pitirumaki”, iki pepai nawayukatsi hikiabuma