Isaías 58:2 - Kaxinawá Bíblia (BR)

² Ẽ hiwea bai unaĩ benima bestinũ ishũ shaba tibi mã ea benakubainaii, mae pepawẽ hiwea ikasi pepai inũ ẽ yunuti hãtxa txakabuwama kaneama ikasriairã. Ẽ yunuti kushipa pepa ea yukatã ea beparãkĩ ea uĩmai benimabirani ea anu bemisbuki.

Isaías 58:2 Referencias Cruzadas

Provérbios 15:8

Huni txakabubũ inabu Deus kuashũkĩ inãkuiaĩbu Senhor Deusũ hatu danãkĩ uĩkatsi ismaki. Hakia huni pepabũ Deusbe hãtxakĩ dayuikĩ yukaibu benimakĩ Senhor Deusũ hatu nĩkamiski.

Isaías 1:28

Hakia itxakanikai sinatamisbu inũ txakabubu habu ea anu beabuma hatu kupikĩ ẽ yamawashanaii. Habũ ea henebaini mawashãkanikiki.

Isaías 1:4

Mã hunibu txakabuhairarã, mã peirakãwã! Mã yurabu atimapa txakabu bestiwẽ kemui mã hiwearã, matũ ibubũ txakabuwakubainibuwẽ taea mã hawẽ bakebũ habias txakabu txibaĩbu inũ, mã hawẽ bababũ haska ariaiburã, haska wakĩ mã ma Senhor Deus heneaki. Israelĩ Deus mekenã meribi mã hayabia putatã mã ma shunũbainaki.

Isaías 42:20

Ẽ betsa betsapa matũ berubi ẽ ashuaĩ uĩbiakubirani ha shinãkĩ mã uĩkatsi ikabumaki. Nĩkabiakĩ mã hawa nĩka pewabumaki.

Jeremias 7:10

Mã haskabiai na ẽ kẽwãti hiwe ẽ meribi wani anu ea bebũ nishũ ea yukanũ ika mã bebirã bebirãmisbuki, ‘Ẽ mekei pea hiweaki’, ikarã. Hakia haska ẽ betxipaiama txakabu betsa betsapa mã akubainai eã ẽ ana tenetirumaki.

Jeremias 7:9

eska tibi meirã, yumetsukubainirã, huni betsa tenãkinã, aĩbu betsa beneya txutakinã, yura betsaki hamẽ txanitxakairã, yushibu Baal kẽwãkĩ sheni ininipa kuashũkinã, haska ẽ matu nemahairabianikẽ yushibu betsa betsapabu betxipaikĩ kẽwãkinã.

Amós 5:18

Matũ Shanẽ Ibu Senhor Deus ha shabatiã hanu hushanai uĩkatsis iki mã mana txakayamabiairã, mã peirashãkãwã! Ha shabatiã hanu haskakirãshanairã, mã unaĩ? Ha haskaitianã, meshu keska txakabu besti ishanikiki, hawa shaba pepa hayamarã.

Marcos 12:14

haki beparamebaĩ yuikĩ: —Yusĩnaã, yura betsabu miki sinatabiaya hawa hatuki dateama ikũ hãtxa besti yusĩkĩ haska wakĩ Deus txibãtirubu besti mĩ hatu shabakabi yusĩkubainairã, nũ unaiĩ. Haskawẽ taeshunã, haskara mĩ xinaĩmẽkaĩ mia yukapa? Ha Romano shanẽ ibu Césarn nuku pei yukamisrã, haska wanãshãpa? Pakanãshãpa? Pakatimaraka?— akaibu

Marcos 6:20

hakia Herodesĩ haska João huni pepa unãkĩ hawẽ aĩ nemakubaĩkĩ dasibi hawẽ yusĩa nĩkabiakubaĩkĩ hawẽ xinã pewariama ikũkainaya

João 5:35

Haska inũ, João bĩ ewapa dekua hi ikĩ txashawa keskashũ matu yusĩaĩ nĩkai ushe eskarabes hawẽ yusĩa abui mã benimakũkainimaki.

Tito 1:16

Haskawẽ taeshũ habũ yuikĩ: “Deus ẽ ikũwaiĩ”, ibiakĩ hamapai txakabu betsa betsapa akĩ Deusũ haska abumis akama danãmisbuki. Habunã, eska tibi wakinã, hatuki sinatakĩ tsua abuama inũ, huĩti kuxi sinarãwã hawa hatũ xinã pepamawẽ taeshũ hawara pepa wakĩ Deus ashũtirubumaki.

Santiago 4:8

Haskakẽ tsuabũra Deus inũ Satanás ha dabe txibãkĩ mã xinãtxakaya matu yusĩnũ nĩkakãwẽ. Hanũ Deus xinã kayabikĩ haibu kayabi warikãwẽ, hari hau matube haibunaĩ dasinunã. Mã haskakubainaiburã, haska nukũ mekẽ detsis mepanui nũ yamamis keska wakĩ matũ huĩtiwẽ mã xinã txakabuwai haki petxi hakimatã yamawarikãwẽ. Haska wakĩ mã Deus abukĩ haibu wakatsis ikaibu Deusũ matu haibu washanikiki.