Isaías 55:11 - Kaxinawá Bíblia (BR)

¹¹ Habiaska keskariai ẽ hãtxawẽ ẽ hatu hãtxa wa hawa wariama ea anu hamẽ ana txĩtũtirumaki. Hakia haska ẽ uĩkĩ betxipaiai keska ẽ hatu yunua habũ akĩ menemisbuki.

Isaías 55:11 Referencias Cruzadas

Isaías 40:8

Basi txushiaya hua utsi shanamiski. Hakia nukũ Deusũ hãtxarã, ha besti hawa betsama mestẽ ipakenũbarikiki”, ikĩ

Isaías 45:23

Emebi hãtxai yubakakĩ hawẽ maemakĩ binumati ẽ yuimisrã, ha ẽ yubakani hãtxarã, ẽ meneshanaii. Eskashãkanikiki: Dasibibũ ea kẽwaĩ ea bebũ dãti itã, ‘Mia besti mĩ Deuski’, ikĩ ea datã akĩ

Isaías 46:10

Ẽ dami wakĩ taewani keyui kai yui ẽ txaniniki, earã. Haska tashniriamahaira haskanũbariai yui ẽ txaniniki. Haska wakatsi ikĩ yubakatã eã ẽ tashnimamiski. Haska tibi hau inũwẽ, akĩ eã ẽ yunua imiski.

Isaías 53:10

Senhor Deusũ hawẽ tsuma bika betsa betsapa hawena wamashanikiki. Nukũ txakabuwẽ taeshũ hawẽ hiwea yaushiama inãshanaiwẽ taea hiwea txaipa bitã bababu mirima uĩ hatuki nukushanikiki. Senhor Deusũ haska betxipai yubakani hawẽ tsumawẽ taeshũ haska tibi meneshanikiki.

Isaías 54:9

“Haska inũ, Noé hiweatiã hene ewawatã mai hirabi atxi keyushĩshũ txipu Noé yubakĩ: ‘Ẽ ana hene ewawakĩ mai atxi keyuama ishanaii’, ika ẽ yubakani keska natiã habiaskari ẽ yubakariaii: ‘Ẽ ana miki sinatama ishanaii. Ha inũ, ẽ ana pubẽkĩ mia date date akama ishanaii.

Jeremias 1:11

hanushũ ea uĩmakĩ Senhor Deusũ ea yukakĩ: “Jeremiasiĩ, hawa mĩ uiaĩ?” ea wa eã kemakĩ yuikĩ: “Amendoeira hi mebi ẽ uiaiĩ”, ẽ wa

Jeremias 1:12

Senhor Deusũ ea ana yuikĩ: “Haska txanima mĩ pe yuiaii. Haska ẽ yunua hau txibãkĩ menekubainũbũ eari ushama ẽ uĩkubaĩshanaii”, ea watã,

Jeremias 1:13

ana ha katxu Senhor Deusũ ea yukakĩ: “Mĩ hawa uiaĩ?” ea wa eã kemakĩ: “Kẽti pitxãmea kukatsa iki ma nortekiri keshkã hukukatsis ikai ẽ uiaiĩ”, ẽ wa

Números 23:19

Yurabu hiwebia mawamisbu keskama Deus txanitxakaismaki. Ha inũ, hawẽ shinã betsa waismaki. Hawara yuishũ amiski. Hawara yubakashũ akĩ keyumiski.

Mateus 24:35

Hakia habiaskariai nai anua inũ mai anua Deusũ damiwani habu keyushãkanikiki. Hakia ẽ hãtxawẽ bebũkiri ẽ matu yusĩaĩnã, binuama menepakeshanikiki.

João 6:63

Shabakabi matu yusĩnũ nĩkakãwẽ. Ẽ yushinĩ hatu hiwemashanikiki. Hamẽ yurabũ hãtxawenã, hawa hatu hiwemakĩ kuxipa watirumahairaki. Ẽ hãtxa ẽ matu yuiairã, ẽ yushĩ keskaki. Mã ikũwãyã ẽ hãtxã matu hiwekuĩmaikiki— iwanã,

Romanos 10:17

Haskakiri Deusũ hãtxa yusĩmisbũ Jesus Cristokiri kakape yusĩkubainaibu besti hãtxa pepa hawẽrua nĩka pewatã yurabũ Cristo txibãkĩ ikũwãtirubuki, hatũ hãtxawenã.

1 Coríntios 1:18

Yurabũ txakabu buanũ ika cruz anua Cristo mawatã ana besteni ikũwaĩ nũ hawenabuwẽ taeshũ nũ habu Deusũ hawẽ kuxipawẽ nuku mekeshanai nũ ma unãyã, haska xinãma yura betsabũ yuikĩ: “Nuku tatima yuimisburã!”, habũ Jesus haibuwakatsi ikama nukũ yusĩa danãmisbuwẽ taea habu mawa kayabi teneshãkanikiki.

1 Tesalonicenses 2:13

Haska wakĩ Deusũ kakape nũ matu yusĩma nĩkakĩ hunibũ yusĩa keska mã xinãma hakia Deusũ hãtxa besti txibãkĩ xinãkĩ mã ikũwãyã hawẽ hãtxawẽ taeshũ Deusũ matu xinã betsa wamakubainimaki. Deusũ matu haska waimawẽ taeshũ nũ matu Deus kẽwãshũkubainaii.

Hebreus 6:7

Ha inũ, mai pepa anu ui imakĩ yurabũ yunu banaimabu maĩ yume pewai hanu Deusũ hatu manakumiski.

Santiago 1:18

Ha inũ, Deusũ nuku haska wakatsis ikĩ hawẽ kakape txanimawẽ nuku hiwea bena inãniki. Nuku dami waniwẽ taeshũ nukũ dukũ hawẽ bake ikũwãkĩ nũ taewani nũ hayabuki.

1 Pedro 1:23

Mã haskakũkaĩshanũ Deusũ ana matu kaĩ bena keska waniki, matũ ibubu txutanamekĩ matu bawani keskama hakia Deusũ hãtxa hiwea betsaisma haya mã ikũwãkĩ xinã betsa waiwẽ taeshunã, nukunabube danãnanãma mã abunamekubainũbunã.

1 Samuel 3:19

Senhor Deusũ merabewa Samuel yumekũkaini huni ewakũkaĩkĩ haska Senhor Deus yubakani hãtxa hawa betsa heneama Samuelĩ ashũkubainaiwẽ taeshũ