Isaías 54:7 - Kaxinawá Bíblia (BR)

⁷ “Ẽ matu heneyubaĩshanaii, hatishuĩra kamarã. Hakia ẽ nui pae ewapawẽ ana txĩtũkirã matuki nukui ẽ matube ketashameyushanaii.

Isaías 54:7 Referencias Cruzadas

Isaías 40:11

Txashuwã mekenikatũ hawẽ txashuwã shukua hatu mekemis keska wakĩ txashuwã bake bitã hawẽ shutxi anu ikubaĩkĩ inũ dama kaĩ benabu meke pewamisbu keska wanũ ika ma huikiki, nukũ Shanẽ Iburã.

Isaías 49:13

Senhor Deusũ hawenabu bika teneaibu ana haska uĩkatsi ikama hatuwẽ nuikĩ ma hatu daewaiwẽ taea naiĩ, benimai sai sai ikãwẽ! Mati matipaã, benimai sai sai ikãwẽ! Maiĩ, benima paepai shinã txãkãkãwẽ!” ikaya

Isaías 49:18

Bewenikitã mĩ mae uĩbaũwẽ, dasibi itxatã mia anu ana bei haskabirãkanimẽkainã. “Ea Senhor Deus ẽ hiweawẽ ibubis mia akatsi ẽ yubakaii. Dasibi habu beshunã, mane inũ tari hawẽrua mia sawemakĩ akawai bekanikiki, aĩbu beneyakatsi daumis keska mia wakinã.

Isaías 49:21

matũ huĩti merã hãtxai: ‘Tsuã hatira bake ea washunimẽ? Haskatã bakeyakĩ ẽ bake bitirumaki. Ewẽ hiweniburã, hatu txai iyukĩ ma ea hatu henemabainibuki. Ha bakeburã, tsuã hatu yumewaimamẽ? Ea besti wakĩ henebainibuki. Na bakeburã, harakiria beshiãbumẽ?’ ” ikaya

Isaías 50:1

Senhor Deusũ hatu yuikubaĩkĩ: “Huni betsa hawẽ hawara biãkĩ ẽ diriamawẽ taeshũ pakakĩ hau matu hawẽ tsuma wakĩ escravo wanũ ẽ matu yunuama iniki. Ha inũ, huni betsã hawẽ aĩ ana betxipaiama danãkĩ henemis keska wakĩ Israel matũ ibubu ẽ hawa hatu danãkĩ nitxiãmabia hakia ibubis txakabukĩ ẽ hãtxa nĩkaisbumawẽ taeshũ matũ ibubu Israelbu danãkĩ ẽ hatu yununiki, hau nawabũ hatu tsuma wayunũbunã.

Isaías 60:10

Matunabuma nawa betsabũ matũ mae kene ana benibaũshãkanikiki. Ha habu shanẽ ibuhairamisbũ matu dayashũkĩ matu duawashãkanikiki. Ea Senhor Deus matuki sinatakĩ ẽ matu kupibiani natiã ẽ duapawẽ ana ẽ matuwẽ nuishanaii.

Isaías 60:4

Bewenikitã matu dapi uĩbaũkãwẽ. Uĩkãwẽ, dasibi haska tibi itxatã matu anu beshãkanikikirã. Matũ huni bakebu txaihaira hiweabu beshãkanikiki. Matũ aĩbu bake mishtĩbu hatu pũtsaumeshũ hatu iweshãkanikiki.

Isaías 63:7

hanushũ Isaíasĩ yuikĩ: “Ea hãtxairã, Deus nuikipakiri ẽ hãtxakatsis ikaii. Dasibi hatũ nuku ashũmis inũ, Israelĩ enabu hawẽ duapa keyutimawẽ nuku duawamis inũ, nukuwẽ nuikĩ nuku betxipaimiswẽ taea ha kẽwaĩ ẽ kãtakatsis ikaii.

Ezequiel 36:24

Mai pakea betsa betsapa anu nawabu tibi anu matu iyunibu anua matu ana ikĩ itxawashũ matũ mai pakea anu ẽ ana matu txĩtũmashanaii, hanu mã ana hiwei bushanũbunã.

Miquéias 4:6

Txanima hawẽ hãtxa mestẽwãkĩ Senhor Deusũ yuikĩ: “Shaba betsatiã enabu txashuwã keska pashkabainibu ẽ ana hatu itxawashanaii. Tiri keskabu inũ, hĩ ikai keskabu inũ, haikaimas sa aka keska wakĩ ẽ hatu kupibiani ena wakĩ ẽ hatu ana itxawashanaii. Betsabu hatu iyukĩ inũ betsabu habu iyuama bashibainibu itxawashũ yura shukuabu kushipahaira ẽ hatu washanaii. Haska watã Mati Sião anushũ mekekĩ yunui ea kayabis Senhor Deus ẽ hatu shanẽ ibupakeshũshanaii.

Mateus 23:37

yurabu uĩbaũkĩ Jesusũ hatu yuikĩ: —Jerusalém anu hiweabuũ, Jerusalém anu hiweabuũ, Deusũ hãtxa yuishunikabu inũ hawẽ hãtxa hatu bana beshũpakeaibu Deusũ hatu yunubiaya hatu danãkĩ hatu tenãkĩ matũ shenipabũ anibu keska wakĩ mixkiwẽ mã hatu tsaka tsaka amisbuki. Takarã hawẽ bake nushamis keska wakĩ eãri matu merabewakĩ matu mekẽnũ ika ẽ hubianikẽ haska xinãma ea danãkĩ mã ea hawa nĩkamaki.

Efésios 1:10

Deusũ hanu menenũbarikatsi haska bebũkiri yubakani kaneama aniki. Haskawẽ taeshũ Deusũ Cristo shanẽ ibuwani ha mekemakĩ keyushũ yunumakatsi dasibi nai anua inũ mai anua haki dasiwatã tsumamashanikiki, Deusũ hatu itxawanũbariaitianã.

Santiago 4:6

Hakia hamapai tibi nũ akairã, hawẽ pepawẽ nuku merabewakĩ binumaikiki. Haska hawẽ hãtxa yuishunikatũ kenekĩ: “Tsuabũra yuikĩ: ‘Hamapai betsa betsapa emebi ẽ atiruki’, ikĩ keaĩburã, Deusũ hatu beshtemiski. Hamẽ tsuabura babutã yuikĩ: ‘Deusũ besti ea merabewaya hawara txakabu hawẽ pepawẽ besti ẽ daĩbaĩtiruki’, ikaibu duawakĩ habu merabewakubaĩmiski”, iniki.

2 Pedro 3:8

Ẽ betsabu inũ ẽ puibuũ, eskakiriri ẽ matuwẽ nuiai xinãkubaĩkãwẽ. Shaba tanakĩ ano tanariai mã hawẽ dabanã ikũkaĩmiski. Hakia Jesus Cristõ haska xinaĩsmaki. Shaba bestitxai hawaira keyumis inũ 1.000 ano kabiaya nukũ Shanẽ Ibu hawẽ nuismaki. Ana hakimayamashãkãwẽ.