Isaías 54:16 - Kaxinawá Bíblia (BR)

¹⁶ Habũ mane mabu wakĩ habũ shũ shũ akĩ hawẽ detenameti mabu betsa betsapa wamisburã, eã ẽ hatu dami watã kaĩmamiski. Hunibu habũ hatu tenãkĩ hau hatu yamawakĩ nishma wanũbũ eã ẽ hatu dami watã kaĩmariamiski.

Isaías 54:16 Referencias Cruzadas

Êxodo 9:16

Hakia mai hirabi anushũ ẽ kushipa inũ ẽ kena hau unãbaũshanũbũ ẽ kushipa mia uĩmakĩ ẽ mia tenãma ishiãki.

Provérbios 16:4

Haska betxipaiai txibãkĩ Senhor Deusũ dasibi dami betsa betsapa wakĩ keyuniki, huni txakabubũ nĩkaisbumari hanu hatu kupiaitiã hatu kupikubaĩti wakinã.

Isaías 46:11

Bari huaikiria huni betsa ẽ ma kenaniki. Txaihairakea nawa tete keska hushũ haska ẽ yununi hatũ ea ashũshanikiki. Haska ẽ yubakani ẽ hãtxa menekĩ ẽ haska yuini dasibi hatũ ea ashũshanikiki.

Isaías 54:15

Tsuãra mia ana detenũ ikairã, haskaiburã, eã ẽ ana mia hatu yunuamaki. Hakia tsuãra mia detenũ ikaiburã, miã ibubis mĩ hatu maemashanaii.

Isaías 54:17

Hakia miarã, piawẽ mia yamawatirubu hawa hayamaki. Habũ mikiri hawara yuikĩ txiteaibu hamẽki. Na ẽ hãtxa ẽ matu inainã, tsuabũra ea ikũwãkĩ txibaĩbu eã ẽ matu binumakĩ maemama ewẽ taeshũ matũ pepa mã bishanaii”, iki Senhor Deus hãtxakĩ mestẽwaĩkiki.

João 19:11

haska yuiai nĩkatã atimas Jesusũ kemakĩ: —Deusũ dasibi damiwanitũ mia kuxipa yunuama ekiri mĩ kuxipa hayama ikeanaii. Haskakẽ habũ ea atxishũ mianu yunushũ ea nitxiãbunã, habũ txakaburã, mina binuabuki, Deus sinatamakinã— aka

1 Samuel 13:19

matxatu txaipa kenuhaira inũ hashi Israelĩ enabu, Hebreuburã, hau detenameti dami wayamanũbũ Filisteu nawabũ hatu nemamisbuwẽ taea Israelĩ enabu maiwã pakea hirabi anu ferro mane kenuti mabu wanika tsua hayabumakẽ,