Isaías 54:12 - Kaxinawá Bíblia (BR)

¹² Mĩ hiwe keyatapa hanushũ uĩbaũti rubins tashi hushinipawẽ ẽ dapush shanaii. Hawẽ beputi rubins tashiwẽ ẽ bepush shanaii. Nẽkati karuhairawẽ dasibi mĩ mae hirabi ẽ mia kenebaũshanaii.

Isaías 54:12 Referencias Cruzadas

Isaías 49:16

Eã ẽ mekẽki netãkĩ akawashũ ẽ mia iyuaii. Mia kenebauniburã, habias keska mikiri ẽ shinã hayaki.

Isaías 54:11

Ana mia yuikĩ: “Mae danãkĩ mia itxakawakĩ nuitapawanishũ tsuã mia daewai miwẽ nuisbumabiakẽ, eã mĩ mishki bemaki mia hawẽrua wakĩ bui nãke dekẽ hi hi ikaiwẽ ẽ mia bepush shanaii. Mishki hawẽ mestẽwãti safira nãke txashakapawẽ ẽ mia mabuyashanaii.

Isaías 54:13

Hanushũ eanã, mĩ bakebu dasibi ẽ tapĩmashanaii. Habu dasibirã, benimai hawẽruai unanuma hiweshãkanikiki.

Apocalipse 21:12

Hawẽ kene keyatapa kuxipawẽ dakẽbauna inũ, hawẽ hikiti shui beputiya 12 hayaki. Ha inũ, ha hikiti shui tibi anu nai tsuma betsã keshea inũ hikiti shui mamaki tibi Israelĩ 12 bababu shukua tibitũ habũ hatũ kena betsa tibi kene hayaki.