Isaías 52:6 - Kaxinawá Bíblia (BR)

⁶ Hatiãra enabu merabewai ẽ ana huaya habũ ea unãshãkanikiki, haska ea Senhor Deus ẽ hãtxani hatu anua ẽ tashnimayarã”, ikaya

Isaías 52:6 Referencias Cruzadas

Êxodo 3:13

datekĩ Moisĩ ana yuikĩ: —Mĩ ea haska wa Israelĩ enabu anu kashũ eã hatu yuikĩ: “Hatũ nukũ shenipabu mekekĩ duawapauni Deusũ matu anu ea yunushinaki”, ẽ hatu wabia ea yukakĩ: “Harakiri kenamẽ?” ea akabu Harakiri hatu yuishãpa?— aka

Êxodo 33:19

—Tsuabura ẽ duawakatsi ikai ẽ hatu duawamiski. Tsuaburawẽ ẽ nuikatsi ikai, hatuwẽ ẽ nuimiski. Eã besti ẽ hatu katumiski. Haskakĩ ẽ kena Senhor Deusrã, mia unãmakĩ mĩ besuuri ẽ pepa dasibi ẽ mia daĩmabaĩshanaii.

Êxodo 6:3

Ea mekenika dasibibu binuatũ matũ shenipabu Abraão inũ, Isaque inũ, Jacó eã ẽ hatu unãmakubainiki. Hakia ẽ kena txanima kayabi shanẽ ibu Senhor Deus ẽ hatu unãmama iniki.

Isaías 40:9

Sião yuikĩ: Siãonã, mati keyatapa hawẽ henea mamaki mapeketã hui kushipawẽ sai ikĩ kaka pepa txaniti hatu banabimariwe. Jerusalémnẽ, hawa dateama mĩ hui tashnimakĩ kaka pepa Judá maewã tibi anu hiweabuki hatuki eska txaniriwe: “Na habia matu dapiki, matũ Deusrã!” hatu wakinã.

Isaías 42:9

Uatiã ẽ matuki txaninirã, dasibi bebũkiri ẽ yuini ẽ ma akĩ keyuaki, menekinã. Na habiatianã, ana haskashanai bebũkiri kaka bena ẽ matu tapĩmaii, matu bebũ tashniriama bebũkiri mã unãkubaĩshanũbunã.

Isaías 49:23

Habu shanẽ ibuhairanibu betsairã, habu inũ hatũ aĩ matũri mã hatu tsuma washanaii. Matu dayashũkĩ matũ bakebu matu mekeshũshãkanikiki. Ha inũ, hatũ aĩbu bakebũ matũ bakebu matu txutxu amashũshãkanikiki. Matu bebũ maĩ beti ika dakashũ habũ matu kẽwãkĩ hatũ hanawẽ matũ tae tashushãkanikiki. Matu haska waibu uĩkĩ txanima ẽ matũ Senhor Deus mã eki txiti imis mã ana hawa eki dakeama ishanai mã unãshanaii.

Isaías 60:16

Nawa shukua tibibũ hatũ piti pepahaira beshũ matu inãshãkanikiki. Nawa shanẽ ibubũ hatũ mabu hawẽrua karuhaira matu beshũshãkanikiki. Matu haska waibu uĩkĩ ea Senhor Deus ẽ matũ piskumanika mã unãshanaii, Jacó merabenanika kushipahaira earã, ẽ matũ mebikinanikarã.

Jeremias 31:34

Ẽ hatu haska waiwẽ taeshũ hatũ haibuaibu inũ hatunabu inũ yura betsabũ ma ea unaĩbuwẽ taeshũ: ‘Ikũwãkĩ Senhor Deus unãwẽ’, iwanã, hatu ana yusiãma ishãkanikiki. Ma yununika shanẽ ibubu inũ, yununika beshmasbu inũ, dasibibũ ea unaĩbuwẽ taeshũ eã hatũ txakabu ana shinãma hatu buashũtã ẽ ana hatukiri yuiama ikũkaĩshanaii. Ea ẽ Senhor Deusũ ẽ hãtxa ẽ mestẽwaiĩ”, akĩ hatu yuinikiaki.

Números 23:19

Yurabu hiwebia mawamisbu keskama Deus txanitxakaismaki. Ha inũ, hawẽ shinã betsa waismaki. Hawara yuishũ amiski. Hawara yubakashũ akĩ keyumiski.